အတိုၚ်ပိုယ်ကတ်လ္ၚတ်ကၠုၚ်လဝ် ပ္ဍဲကဵုတန်ဗတောန် … သၠုၚ်ပတိုန်ဍာ်ဒကေဝ် သွက် ၂၁ ဗွဝ်ကၠံ (21^st Century Skills Development) တေံကီု သဇိုၚ်ဍာ်ဒကေဝ် မဒှ်တၚ်အဓိက သွက်သ္ဂောံဖောအ်ဗြေဝ် တောတက် ပ္ဍဲကဵု ၂၁ ဗွဝ်ကၠမ်တအ်ဂှ် မပ္တံကဵု စိုတ်စုစာံမိက်ဂွံတီ (curiosity). စိုတ်ချပ်ဗစာဗွဲမဇြိုဟ်နက်. (critical thinking)  ပွမချပ်ဗစာအရာခၞံဗဒှ်မွဲမွဲသာ် (creative thinking) ပွမပါလုပ်ကၠောန်ပတုဲ  (collaboration) ကေုာံ ပွမပံၚ်ဖက်ဆက်ဆောံ (communication) တအ် ဒးဍိုက်ပေၚ် ဒးနွံတဴရ။ မွဲနယ်ပၠန်မ္ဂး နဒဒှ်  C မသုန်မ လေဝ် မၞိဟ်တအ်တီဂၠိုၚ်ရ။ ပ္ဍဲကဵုတန်ဗတောန် မၞုံယၟု  “နယ်ကယ်ဗတောန် သ္ပအဓိကကဵုကွးဘာ ကေုာံ နယ်ကယ်ဒုၚ်သဇိုၚ်ကဵုဍာ်ဒကေဝ်” (Learner-centred and Competency-based Approaches,) တေံ လေဝ် ပိုယ်တအ်ကတ်လ္ၚတ်ကၠုၚ် ဒဒှ်ရ ပ္ဍဲအရာပရေၚ်ဗတောန်ဖျေံတအ်ဂှ် သွက်ကောန်ကွးဘာတအ် သ္ဂောံကလေၚ်သုၚ်စောဲ ဂုဏ်ဖဵုမနွံပၟိက်ဂမၠိုၚ် မပ္တံကဵု ဗဟုသုတ မကတ်လ္ၚတ်ကၠုၚ်လဝ်တအ်ကီု၊ ဍာ်ဒကေဝ် ညံၚ်ရဴ C မသုန်မ ကေုာံ လစွံစိုတ်/ၚုဟ်မး မဆက်စပ်ဂမၠိုၚ် ဍေံမဗလိုက်လဝ်တမ်ရိုဟ် ပ္ဍဲကဵုအကာဲအရာလောကမ္ၚးဏအ်ကီုရောၚ်။ ဟိုတ်ဂှ်ရ ခၞံဗဒှ်နယ်ကယ်စၟဳစၟတ်မ္ဂး ဍေံထေက်ကဵု ဒးကိတ်ညဳ ဒးဗဗွဲကဵု ပရေၚ်ပြာပ်လုပ် အရာမဗတောန်ဖျေံတအ်ကီု၊ ပညဳပညပ်တဴ ညံၚ်သ္ဂောံကိတ်ညဳကဵု နယ်ဗတောန် သ္ပအဓိကကဵု ညးကတ်လ္ၚတ်ကီု ကေုာံ ဇုတ်ဓရံၚ်ဗတောန် မဒုၚ်သဇိုၚ်ကဵု ဍာ်ဒကေဝ်ကမၠောန်တအ်လေဝ် ပါလုပ်ကီုရောၚ်။ ဂုဏ်ဖဵုဍေံဂှ်မ္ဂး… ကွးဘာဂမၠိုၚ်ဝွံ ဍာ်ဒကေဝ်ဍေံတအ်လေပ်လဝ်တအ်ကီု၊ ပရေၚ်ကၠိုဟ်ခၠၚ် နူကဵုပရေၚ်ကတ်လ္ၚတ်ပကတ် ပကေၚ် ကၠုၚ်လဝ်တအ်ကီု၊ ပရေၚ်ချဳဒရာၚ် မဍိုက်ပေၚ်ကဵု အဓိပ္ပါယ် ဒဒှ်ရ ဍေံလေပ်သ္ၚဳဂၠိပ်တဴ နယ်ကယ်ဍေံတအ်ကတ်လ္ၚတ်ဒၟံၚ်ဏအ်ဂှ် နဇိုၚ်နတဲ ပ္ဍဲကဵုလောကမ္ၚး အခိၚ်ပစ္စုပ္ပန်ဏအ် ဗီုလဵုဂွံသုၚ်စောဲအာရောတအ်ဂှ်လေဝ် သွက်သ္ဂောံဓမံက်ထၜးပြာကတ်ဂှ် သၟဟ်အစောံကၠုၚ်အိုတ်ရောၚ်။ ပ္ဍဲကဵုတန်ဗတောန်ဝွံ ဗွဲကိုပ်ကၠာအိုတ်မ္ဂး ပိုယ်တအ်သ္ဂောံဆဵုညာတ်ကတ်လ္ၚတ်တဴ ဒဒှ်ရ ဗီုလဵုပိုယ်တအ်သုၚ်စောဲ ပရေၚ်နယ်ကယ်စၟဳစၟတ် အစောန်စရာဲပိုယ်တအ် သ္ဂောံ ပ္တဝ်အာက္ဍိုပ်ကဵု အရာ မလေပ်စၞောန်ထၜးကဵု ဍာ်ဒကေဝ် ကေုာံ ဗဟုသုတဂမၠိုၚ် ဗွဲမသၠဲလးတအ်ရောဂှ်ရ။ နူဂှ်မွဲကဆံၚ်ပၠန် သ္ဂောံဆဵုညာတ်ကတ်လ္ၚတ်တဴ နနယ်သာ်လဵု ပိုယ်တအ် ဆက်ဗစပ် ပရေၚ်စၟဳစၟတ်သ္ဂုတ်သွာတ်ဂမၠိုၚ် ပ္ဍဲအရာကလေၚ်သုၚ်စောဲ ဘဝပစ္စုပ္ပန်ဏအ် နဇိုၚ်နတဲ ဗွဲမကၠးဖ္ဍးမာန် ကီု သီုကဵု ပရောပရာမဆက်စပ်ကဵု ပရေၚ်သ္ဂုတ်သွာတ် မဍာံစၟတ်တအ်ဂှ် သ္ဂောံဂၠိုက်ဂၠါဲသ္ၚဳဂၠိပ် ညာတ်ကေတ် မာန်ရောၚ်။

မဝ်ဂျူ ၁။ စၟဳစၟတ်ဍာ်ဒကေဝ် ကမၠောန် 

၁.၁။ လက်သဏ် စၟဳစၟတ်ဍာ်ဒကေဝ် ကမၠောန်ဂမၠိုၚ်

၁.၂။ သ္ဂုတ်သွာတ် နကဵု ခံက်အၚ်သွက်သ္ဂောံသ္ဂုတ်သွာတ် ကေုာံ တၚ်ကံက်စရၚ် သွက်သ္ဂောံစၟဳစၟတ် 

၁.၃။ လက်သဏ် ခံက်အၚ်သွက်သ္ဂောံသ္ဂုတ်သွာတ် မနွံပၟိက်ဂမၠိုၚ်

မဝ်ဂျူ ၂။ စၟဳစၟတ်သ္ဂုတ်သွာတ် ဍာ်ဒကေဝ်ကမၠောန်နဇိုၚ်နတဲ 

၂.၁။ လက်သဏ်စၟဳစၟတ်သ္ဂုတ်သွာတ် ဍာ်ဒကေဝ်ကမၠောန် နဇိုၚ်နတဲဂမၠိုၚ် 

၂.၂။ ခန်လ္ၚတ်စၟဳစၟတ်သ္ဂုတ်သွာတ် ဍာ်ဒကေဝ်ကမၠောန် နဇိုၚ်နတဲဂမၠိုၚ် 

ဝေါဟာရ မဒှ်အဓိက ဂမၠိုၚ်

စၟဳစၟတ်သ္ဂုတ်သွာတ် ဍာ်ဒကေဝ်ကမၠောန်နဇိုၚ်နတဲ၊ ကတ်လ္ၚတ်နူပရေၚ်ဒဒှ်ဍာံ၊ တၚ်ဂၞၚ်စရၚ်ဒးစၟဳစၟတ်ဂမၠိုၚ်၊ အစောန်စရာဲဍာ်ဒကေဝ်ဂမၠိုၚ်၊ ပရေၚ်ပညာ ဒုၚ်သဇိုၚ်ကဵု အစောန်စရာဲဍာ်ဒကေဝ်ဂမၠိုၚ် (CBE)၊ နယ်ပြာပ်လုပ်ဗတောန် ဒုၚ်သဇိုၚ်သ္ပအဓိကကဵု ကွးဘာ၊ ဂုဏ်ဖဵုကတ်လ္ၚတ်ဂမၠိုၚ်၊  စၟဳစၟတ်သ္ဂုတ်သွာတ် ဍာ်ဒကေဝ်ကမၠောန်ဂမၠိုၚ်၊ တၚ်ဂၞၚ်သက်သဳမကတ်လ္ၚတ်ကၠုၚ်လဝ်ဂမၠိုၚ်၊ ပရေၚ်ကတ်လ္ၚတ် ဒုၚ်သဇိုၚ်ကဵု ကိုန်စဳဇန်ကမၠောန်၊  ပရေၚ်ၜတ်ကၞာတ် ဒုၚ်သဇိုၚ်ကဵုကဆံၚ်ဂမၠိုၚ်၊ ကတ်လ္ၚတ်နကဵုလဝေၚ်ဇာတ်၊ ခံက်အၚ်မသ္ဂုတ်သွာတ်ကဆံၚ် (rubric)၊ ပွကမၠောန် ကၠောန်ပတုပ်ဂမၠိုၚ် (simulations)။

တန်ဗတောန်ဝွံ နကဵုဘာသာကောန်ဍုၚ်အရၚ်ဗွဲသၟဝ်ဝွံလေဝ် တိုန်စိုပ်ကတ်လ္ၚတ်မာန်ကီုရ။

Designing Assessment Responsive to Student's Learning - https://mmteacherplatform.net/en/e-learning/courses/p-designing-assessment-responsive-to-student-s-learning-p

ကျောင်းသားများ၏ သင်ယူမှုကို ပိုမိုထိရောက်စွာ ပံ့ပိုးပေးနိုင်သည့် စစ်ဆေးအကဲဖြတ်မှုများ စီစဉ်ဆောင်ရွက်ခြင်း - https://mmteacherplatform.net/en/e-learning/courses/p-style-line-height-1-5-span-style-font-family-pyidaungsu-kyaaungthamyaa-e-thinyumhuko-pomotaiyaaukswa-panpopenaingthnyat-sitsaeakepayatmhumyaa-sisinsaaungyawetkhyin-span-br-p-2

တၢ်တ့တိၥ်ကျဲၤထီၣ် တၢ်သမံသမိးဒီး ထိၣ်ကွၢ်တၢ်လၢအဆီၣ်ထွဲမၤစၢၤတၢ်တုၤလီၤတီၤလီၤတဖၣ်လၢကၠိ အတၢ်မၤလိ န့ၢ်တၢ်အဂီၢ် (S'gaw Karen) -https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-t-attti-atkyae-tai-at-t-atthmanthmidi-tai-atkw-att-atl-asai-attawem-s-t-attu-li-ti-li-tpa-atl-k-i-at-atm-li-n-att-atagi-at-course-8-s-gaw-karen-font-br-p

SANGNAUPANGTE’ LAISINNA DUNGZUI-A SITTEL MATPIAK NADING GEELKHOLHNA (Zolai - the language of Zomi) -https://mmteacherplatform.net/en/e-learning/courses/p-sangnaupangte-laisinna-dungzui-a-sittel-matpiak-nading-geelkholhna-course-8-zolai-the-language-of-zomi-p

Kyawng k’kai gui ah ng’thei nak chüt gok tu ba hleih gung kum hning ciah teng m’shù mòng gui pong püi nak (Modern K'Cho) - https://mmteacherplatform.net/en/e-learning/courses/p-style-text-align-justify-kyawng-k-kai-gui-ah-ng-thei-nak-chuet-gok-tu-ba-hleih-gung-kum-hning-ciah-teng-m-shu-mong-gui-pong-puei-nak-course-8-modern-k-cho-p 

Kyawng k’kai gui ah ng’thei nak chüt gok tu ba hleih gung kum hning ciah teng m’shu mong gui pong püi nak (Classic K'Cho) -https://mmteacherplatform.net/en/e-learning/courses/p-span-style-white-space-normal-kyawng-k-kai-gui-ah-ng-thei-nak-chuet-gok-tu-ba-hleih-gung-kum-hning-ciah-teng-m-shu-mong-gui-pong-puei-nak-course-8-classic-k-cho-span-p

ဎိၭဎဲၫလၩ့ဆၧဘဲၩ့ဖၭ လိၫဘၪဝ့ၫလၧ ဆၧမၩလိၪဖိၪဆၧမၩလိၪ (Pwo Karen) - https://mmteacherplatform.net/en/e-learning/courses/font-face-pyidaungsu-dai-dae-l-sa-bae-pa-li-ba-w-l-sa-m-li-pai-sa-m-li-course-8-pwo-karen-font

ႁဵတ်းၵၢၼ်ထတ်းထိၼ် ဢၼ်မႅၼ်ႈငမ်ႇၸွမ်းၼင်ႇတင်း ၵၢၼ်ႁဵၼ်းလုၵ်ႈႁဵၼ်း (Shan) - https://mmteacherplatform.net/en/e-learning/courses/p-at-attaattai-at-atm-at-ngan-un-in-tin-at-atlu-at-at-course-8-shan-p

Jawngma ni a hkaja lam tangdu masan sa na matu jai lang mai ai masam maram ladat ni  (Jinghpaw) - https://mmteacherplatform.net/en/e-learning/courses/div-style-text-align-justify-span-style-font-size-1rem-jawngma-ni-a-hkaja-lam-tangdu-masan-sa-na-matu-jai-lang-mai-ai-masam-maram-ladat-ni-course-8-jinghpaw-span-div

တၚ်ရန်တၟအ်တန်ဗတောန်

တၚ်ရန်တၟအ်မဒှ်အဓိက ပ္ဍဲကဵုတန်ဗတောန်ဏအ်ဂှ် သွက်သ္ဂောံရနုက်ဗပေၚ်ကဵု ဍာ်ဒကေဝ်မဆေၚ်စပ် ကေုာံ ပရေၚ်ကၠိုဟ်ခၠၚ် ပ္ဍဲအရာသ္ဂုတ်သွာတ် ကာလလဵုမွဲ ဒးဓမံက်ပတိတ်အစောန်စရာဲ ဍာ်ဒကေဝ်ထေက်ကီု (ဝါ) ဒးစၟဳစၟတ်သ္ဂုတ်သွာတ် ဍာ်ဒကေဝ်ကမၠောန်နဇိုၚ်နတဲအိုတ်ရောဂှ်ကီု အရာလဵုဍေံပညဳပညပ်တဴ ဗီုပြၚ်ခၞံဗဒှ် ပရေၚ်စၟဳစၟတ်သ္ဂုတ်သွာတ်  ဇုတ်ဓရံၚ်ဗတောန်ဖျေံ မၞုံကဵု နယ်ကယ် ဍေံသ္ပအဓိကကဵု ကောန်ကွးဘာ မွဲဟာန်ကေုာံ ပရေၚ်ဍာ်ဒကေဝ်ဂမၠိုၚ်ကီုရောၚ်။

• သ္ၚဳဂၠိပ် ကေုာံ သ္ဂုတ်သွာတ်တဴ ကမၠောန်စၟဳစၟတ်သာ်လဵုဂှ် ဍေံသၠုၚ်ပတိုန်ကဵု ဍာ်ဒကေဝ်ဂမြၚ်ညာဏ်ကဆံၚ်သဝ်ဝ်တအ်ဂှ်ကီု အရာလဵုဂှ် ဍေံသၠုၚ်ပတိုန်ကဵု ဍာ်ဒကေဝ်ကသပ်လညာတ်ကဆံၚ်သၠုၚ်ၚ်တအ်ဂှ်ရောကီု။
• ဓမံက်ထၜးကဵု လက်သဏ်စၟဳစၟတ်ဍာ်ဒကေဝ်ကမၠောန်မာန်ကီု။
• ပ္ဍဲကဵုအစဳဇန်ဓဇက်နယ်ကယ်ဗတောန်တအ်ဂှ် ဓမံက်ထၜးကဵု ကဆံၚ်စၟဳစၟတ်ဍာ်ဒကေဝ်ကမၠောန်မာန်ကီု။
• ခံက်အၚ်သွက်သ္ဂောံသ္ဂုတ်သွာတ် (Rubric) လဵု ကေုာံ စရၚ်တၚ်ဂၞၚ်သွက်သ္ဂောံစၟဳစၟတ် (Checklists)  လဵု ဍေံသ္ဂုတ်သွာတ်ဒၟံၚ်ကွးဘာတအ်ရောဂှ် တီကၠိုဟ်ကၠုၚ်ကီု။ 
• လက်သဏ် ခံက်အၚ်သွက်သ္ဂောံသ္ဂုတ်သွာတ် ကေုာံ စရၚ်တၚ်ဂၞၚ်သွက်သ္ဂောံစၟဳစၟတ် မနွံပၟိက်ဂမၠိုၚ်တအ်ဂှ် ပါ်တၟေၚ်ကၠုၚ်မာန်ကီုရောၚ်။
• ပံက်တဴပွံက်အဓိပ္ပါယ် ပရေၚ်စၟဳစၟတ် ကမၠောန်နဇိုၚ်နတဲတအ်ကီု။
• တၚ်တၟေၚ် ကေုာံ တၚ်တုပ်သၟဟ် အကြာ ပရေၚ်စၟဳစၟတ် ကမၠောန်နဇိုၚ်နတဲ ကေုာံ ပရေၚ်စၟဳစၟတ်ဒုၚ်သဇိုၚ်ကဵု ဍာ်ဒကေဝ်ကမၠောန်တအ်ဂှ် ပါ်တၟေၚ်တၞဟ်ခြာလေပ်ကၠုၚ်ကီု။
• လက်သဏ်၊ ဥပမာ ကေုာံ ဂုဏ်ဖဵု ပရေၚ်စၟဳစၟတ် ကမၠောန်နဇိုၚ်နတဲတအ်ဂှ် ပံက်ပတိတ်ပွံက်အဓိပ္ပါယ်မာန်ကီု။
• အကြာပရေၚ်ချဳဒရာၚ် ဂုဏ်ဖဵုကတ်လ္ၚတ်နူခန်ဗတောန်လိက်တအ်ဂှ် ဆက်စပ်ကဵု ပရေၚ်ကၠောန်ပ္ဍဲသွာၚ်မ္ၚးဏအ်ကီု သီုကဵုနကဵုဍာ်ဒကေဝ်ကွးဘာတအ် မဆက်စပ်တအ်ရ။