Kum zalom 21 siamnate phuankhiatna cih thusinna sungah i sin mah bangin kumzalom 21 sungah mainawt theih nading neihloh a phaloh siamnate sungah sinnopna (curiosity), telkheh khinkhai siamna (critical thinking), geeltawm siamna (creative thinking), sepkhop pankhop theihna (collaboration), leh kizop kithuah siamna (communication) cihte kihel a, lamkhat pan C5te (5Cs) zong kici hi. Sangnaupang bulphuh leh siamcinna bulphuh vaiheelzia thusinna ah i sin mah bangin hih vaiheelziate’ lungtup gahte pen sangnaupangte in thutheihna, C5te dan siamnate leh tuate tawh a kinahvawh, taktheih thupiang sehkholhte (scenarios) sunga a nuntakpih uh lungsim puakziate ahkl. thupitsak thute,zatkhiat theih nading uh ahi hi. Tua hi a, hih vaiheelziate dungzui-in leh sangnaupang bulphuh le siamcinna bulphuh sinna thuguite tawh kituakin sittel matpiaknate geelkholh ding kisam hi. Hong gahkhia ding ahihleh sangnaupangte in taktheih munlemualte ah amau’ laisinna a kilangsak ahi taksep nam, khiatna nei gamtat sepkhiatte tungtawnin amau’ siamna leh theihtelnate lakkhia thei ding uh hi. Hih thusinna sungah thutheihna leh siamnate tangzaitak mitsuan nadingin sepkhiatzawhna sittel matpiakna bangci zat ding cihte na mukhia masa ding hi. Tua tawh kizomin a ciik a tak sittel matpiakna tungtawnin sittel matpiak nasepnate taktheih nuntakna ah zatkhiatna tawh a kitelzaw-in zopzia ding zong na mukhia ding uh hi. Hih thusinna pen a nuai-a module-te tawh kilam hi. 

Module 1. Sepkhiatzia sittel matpiakna

1.1. Sepkhiatzia sittel matpiakna’ limlemelte

1.2. Sittel matpiakna vanzat bang ahi matpiakzia thumeilette leh sittel malgualhte

1.3. Matpiakzia thumeilette ii a kisam pelmawh  limlemelte

Module 2. A ciik a tak sittel matpiakna

2.1. A ciik a tak sittel matpiakna ii limlemelte

2.2. A ciik a tak sittel matpiakna tawh sinnate

Kammal Dingpite

A ciik a tak sittel matpiakna, khat thu bulkan telkhehna, etkakna thumeilet (checklist), siamcinnate, siamcinna bulphuh pilsinna, sangnaupang bulphuh vaiheelzia, laisinna gahte, sepkhiatzia sittel matpiakna, siamtehna thubute (portfolios), sehcian nasep bulphuh laisinna, ahizah sehna (rating scale), limciinna (roleplaying), sittelzia thumeilet (rubric), kineihkhemna (simulations)

Hih sinna neihtheih na ding akingah kampau tuamtuamte

Designing Assessment Responsive to Student's Learning - https://mmteacherplatform.net/en/e-learning/courses/p-designing-assessment-responsive-to-student-s-learning-p

ကျောင်းသားများ၏ သင်ယူမှုကို ပိုမိုထိရောက်စွာ ပံ့ပိုးပေးနိုင်သည့် စစ်ဆေးအကဲဖြတ်မှုများ စီစဉ်ဆောင်ရွက်ခြင်း -https://mmteacherplatform.net/en/e-learning/courses/p-style-line-height-1-5-span-style-font-family-pyidaungsu-kyaaungthamyaa-e-thinyumhuko-pomotaiyaaukswa-panpopenaingthnyat-sitsaeakepayatmhumyaa-sisinsaaungyawetkhyin-span-br-p-2

တၢ်တ့တိၥ်ကျဲၤထီၣ် တၢ်သမံသမိးဒီး ထိၣ်ကွၢ်တၢ်လၢအဆီၣ်ထွဲမၤစၢၤတၢ်တုၤလီၤတီၤလီၤတဖၣ်လၢကၠိ အတၢ်မၤလိ န့ၢ်တၢ်အဂီၢ် (S'gaw Karen) -https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-t-attti-atkyae-tai-at-t-atthmanthmidi-tai-atkw-att-atl-asai-attawem-s-t-attu-li-ti-li-tpa-atl-k-i-at-atm-li-n-att-atagi-at-course-8-s-gaw-karen-font-br-p

SANGNAUPANGTE’ LAISINNA DUNGZUI-A SITTEL MATPIAK NADING GEELKHOLHNA (Zolai - the language of Zomi) -https://mmteacherplatform.net/en/e-learning/courses/p-sangnaupangte-laisinna-dungzui-a-sittel-matpiak-nading-geelkholhna-course-8-zolai-the-language-of-zomi-p

Kyawng k’kai gui ah ng’thei nak chüt gok tu ba hleih gung kum hning ciah teng m’shù mòng gui pong püi nak (Modern K'Cho) -https://mmteacherplatform.net/en/e-learning/courses/p-style-text-align-justify-kyawng-k-kai-gui-ah-ng-thei-nak-chuet-gok-tu-ba-hleih-gung-kum-hning-ciah-teng-m-shu-mong-gui-pong-puei-nak-course-8-modern-k-cho-p

Kyawng k’kai gui ah ng’thei nak chüt gok tu ba hleih gung kum hning ciah teng m’shu mong gui pong püi nak (Classic K'Cho) -https://mmteacherplatform.net/en/e-learning/courses/p-span-style-white-space-normal-kyawng-k-kai-gui-ah-ng-thei-nak-chuet-gok-tu-ba-hleih-gung-kum-hning-ciah-teng-m-shu-mong-gui-pong-puei-nak-course-8-classic-k-cho-span-p

ဎိၭဎဲၫလၩ့ဆၧဘဲၩ့ဖၭ လိၫဘၪဝ့ၫလၧ ဆၧမၩလိၪဖိၪဆၧမၩလိၪ (Pwo Karen) - https://mmteacherplatform.net/en/e-learning/courses/font-face-pyidaungsu-dai-dae-l-sa-bae-pa-li-ba-w-l-sa-m-li-pai-sa-m-li-course-8-pwo-karen-font

ႁဵတ်းၵၢၼ်ထတ်းထိၼ် ဢၼ်မႅၼ်ႈငမ်ႇၸွမ်းၼင်ႇတင်း ၵၢၼ်ႁဵၼ်းလုၵ်ႈႁဵၼ်း (Shan) - https://mmteacherplatform.net/en/e-learning/courses/p-at-attaattai-at-atm-at-ngan-un-in-tin-at-atlu-at-at-course-8-shan-p

Jawngma ni a hkaja lam tangdu masan sa na matu jai lang mai ai masam maram ladat ni  (Jinghpaw) - https://mmteacherplatform.net/en/e-learning/courses/div-style-text-align-justify-span-style-font-size-1rem-jawngma-ni-a-hkaja-lam-tangdu-masan-sa-na-matu-jai-lang-mai-ai-masam-maram-ladat-ni-course-8-jinghpaw-span-div

Hih thusinna ii ngimna bulpi pen bang hunin sepkhiatzia sittelna zang ding, bang hunin a ciik a tak sittel matpiakna zang ding cihte khentat theih nadingin a kinahvawh siamnate leh theihtelnate hong guat nading cih hi a, tuate in na zat sittel matpiaknate’ kilamziate sangnaupang bulphuh ahkl. siamcinna bulphuh sinna thugui tawh kituakin hong lemtuahsak thei ding hi.

Hih module zawhkhit ciangin na septheih dingte in: 

• Bang nasepte in dawl niamzaw ngaihsut siamnate lamsangin bang nasepte in dawl sangzaw ngaihsut siamnate lamsang hiam cih enpha-in khentel thei ding;
• Nasepzia sittel matpiakna limlemelte a min gen thei ding;
• Sinna thu khat geelkholhna ah sepkhiatzia sittel matpiakna a dawldawlte khentel thei ding;
• Sangnaupangte sittel matpiak nadingin bang sittelzia thumeilette (rubrics) leh sittel malgualhte (checklists) koi bangin zang ding cih theitel ding; 
• Sittelzia thumeilette leh sittel malgualhte ii a kisam pelmawh limlemelte khentel thei ding.
• A ciik a tak sittel matpiakna ii khiatna seh thei ding;
• A ciik a tak sittel matpiakna leh sepkhiatzia sittel matpiakna kikal-a om kibatna leh ki lamdannate khentel thei ding;
• A ciik a tak sittel matpiakna ii limlelmel thupite leh etsaknate leh phattuamnate khentel thei ding;
• Sanginndei sunga ngahkhiat gamtat sepkhiatte pen taktheih nasep masuante leh a kinahvawh siamnate tawh zangkhawm thei ding