ဒ်ပမၤလိဘၣ်တ့ၢ်လံလၢတၢ်မၤလိဘၣ်ဃးဒီး “တၢ်ဒိၣ်ထီၣ်ထီထီၣ်လၢနံၣ်ယၤဖှိၣ်၂၁ အတၢ်သ့ တၢ်ဘၣ် တဖၣ်” အပူၤအသိး, တၢ်သ့တၢ်ဘၣ်လၢအလီၢ်အိၣ်ဝဲသပှၢ်ကတၢၢ်တဖၣ်, လၢတၢ်ဂုၤထီၣ်ပသီထီၣ်လၢ နံၣ်ယၤဖှိၣ်၂၁ အပူၤ အဂီၢ်န့ၣ် ပၣ်ဃုၥ်ဝဲဒီးတၢ်သးအဲၣ်ဒိးသ့ၣ်ညါတၢ် - (curiosity), တၢ်မၤသကိးဃုၥ်တၢ် (collaboration), ဒီးတၢ်ဆဲးကျၢဆဲးကျိး (communication) တဖၣ်,လၢတၢ်ကိးအီၤလၢအဂၤတမံၤ (5Cs)န့ၣ်လီၤ. ဒ်ပမၤလိဘၣ်စ့ၢ်ကီးလၢတၢ်မၤလိ “ပှၤမၤလိတၢ်ဖိခၢၣ်သး,ဒီးတၢ်သ့ထီၣ် ဘၣ်ထီၣ်  အဂံၢ်ထံးတၢ်သုးဘူးအကျဲတဖၣ်” အပူၤအသိး,တၢ်ကဲထီၣ်အသး(တၢ်အစၢ)တဖၣ်လၢ တၢ်ဆၢန့ၢ်ဘၣ်ဝဲ, လၢတၢ်သုးဘူးအကျဲတဖၣ်အံၤ အဖီခိၣ်န့ၣ်မ့ၢ်ဝဲ, ဒ်သိးကၠိဖိတဖၣ်ကသ့သူန့ၢ် တၢ်သ့ၣ်ညါတဖၣ်, တၢ်သ့တၢ်ဘၣ်ဒ်အမ့ၢ် 5Cs တဖၣ်အသိး,ဒီးတၢ်ပၥ်သူၣ်ပၥ်သး/တၢ်ပၥ်လုၢ်ပၥ်ပှ့ၤတဖၣ်လၢ အဝဲသ့ၣ်အၢၣ်လီၤတူၢ်လိၥ်ပၥ်ဝဲတဖၣ် လၢအဝဲသ့ၣ်အတၢ်အိၣ်မူတၢ်လဲၤခီဖျိ/တၢ်အိၣ်အသး နီၢ်နီၢ်တဖၣ် အပူၤအဂီၢ်န့ၣ်လီၤ. တၢ်အဝဲအံၤမ့ၢ်တၢ်အဂ့ၢ်အကျိၤ, လၢဘၣ်မနုၤအဃိတၢ်သမံသမိးဒီးထိၣ်ကွၢ်တၢ် အတၢ်တ့အတကွီၣ်တဖၣ် အလီၢ်အိၣ်ဝဲလၢကမ့ၢ်တၢ်လၢ အဆီၣ်ထွဲမၤစၢၤတၢ်တုၤလီၤတီၤလီၤလၢ တၢ်သုးဘူး အကျဲၤတဖၣ်အံၤအဂီၢ်, ဒီးလၢအလဲၤအသးတကျိၤဃီ, ဘၣ်လိၥ်ဖိးဒ့ဒီးပှၤလိတၢ်ဖိခၢၣ်သးဒီး တၢ်သ့ထီၣ်ဘၣ်ထီၣ် အဂံၢ်ထံးလံၥ်ညိၣ်သိၣ်ဒိၣ်န့ၣ်လီၤ.တၢ်အစၢမ့ၢ်ဝဲ - ကၠိဖိတဖၣ်ကသ့ပၥ်ဖျါထီၣ် အတၢ်သ့တၢ်ဘၣ်တဖၣ်ဒီး တၢ်သ့ၣ်ညါ နၢ်ပၢၢ်တဖၣ် ခီဖျိတၢ်ဟူးတၢ်ဂဲၤတဖၣ်လၢအအိၣ်ဒီးအခီပညီဒီးလၢ အဘျူးအိၣ်တဖၣ်,လၢအမၤဖျါထီၣ် အဝဲသ့ၣ် အတၢ်မၤလိန့ၢ်တၢ်တဖၣ်န့ၣ် တၢ်ကသူအီၤလၢ အဝဲသ့ၣ် အတၢ်အိၣ်မူ, တၢ်အိၣ်အသးနီၢ်နီၢ်အပူၤလၢ ကျဲဒ်လဲၣ်အဂ့ၢ်လီၤ. လၢတၢ်မၤလိအကျဲအဝဲအံၤအပူၤ, အဆိကတၢၢ်နကဃုသ့ၣ်ညါမၤလိန့ၢ်ဘၣ်ဃးဒီး တၢ်သမံသမိးဒီးထိၣ်ကွၢ်တၢ်ဖံးတၢ်မၤန့ၣ် နသူအီၤလၢ ကပၥ်ဖျါထီၣ် တၢ်ဒိၣ်ဒိၣ်လဲၢ်လဲၢ်ဘၣ်ထွဲတၢ်သ့တၢ်ဘၣ်တဖၣ်ဒီး တၢ်သ့ၣ်ညါတဖၣ် ကသ့လၢကျဲ ဒ်လဲၣ်အဂ့ၢ်န့ၣ်လီၤ. မ့ၢ်ဝဲၤအလီၢ်ခံန့ၣ်, နကဃုသ့ၣ်ညါမၤလိဘၣ်ဃး, နကဘၣ် ဒုးဘၣ်ထွဲဖျါဆှံအါထီၣ် တၢ်သမံသမိးဒီးထိၣ်ကွၢ်တဲၥ်ကွၢ်တၢ် အတၢ်ဖံးတၢ်မၤတဖၣ်ဆူ တၢ်သူန့ၢ်တၢ်လၢ သးသမူနီၢ်နီၢ်ဒီး တၢ်အိၣ်အသးနီၢ်နီၢ်အပူၤ ခီဖျိတၢ်သမံသမိးဒီး ထိၣ်ကွၢ်တၢ်သူန့ၢ်တၢ်သ့နီၢ်နီၢ်ဒ်လဲၣ်န့ၣ်လီၤ. 

တၢ်မၤလိအကျဲအံၤပၣ်ဃုၥ်ဝဲဒီး တၢ်မၤလိအတကွီၣ် လၢလၥ်တဖၣ်အံၤ - 

တၢ်မၤလိအတကွီၣ် ၁. တၢ်သမံသမိးဒီးထိၣ်ကွၢ်တၢ်သ့ဖံးသ့မၤတၢ်အလုၢ်အပှ့ၤ.

၁.၁. တၢ်သမံသမိးဒီးထိၣ်ကွၢ်တၢ်သ့ဖံးသ့မၤတၢ်အက့ၢ်အဂီၤအိၣ်ဖျါတဖၣ်.

၁.၂. တၢ်သူတၢ်ပၥ်ပနီၣ်အနီၣ်ထိၣ်တဖၣ်ဒီး တၢ်သမံသမိးကွၢ်တၢ်အစရီတဖၣ်ဒ်အမ့ၢ်တၢ်သမံသမိး

ဒီးထိၣ်ကွၢ်တၢ်အလုၢ်အပှ့ၤအပီးအလီတခါအသိး -

၁.၃. တၢ်ပၥ်ပနီၣ်အနီၣ်ထိၣ်တဖၣ်အက့ၢ်အဂီၤအိၣ်ဖျါလၢတၢ်လိၣ်ဘၣ်အီၤတဖၣ်.

တၢ်မၤလိအတကွီၣ် ၂. တၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့နီၢ်နီၢ်အလုၢ်အပှ့ၤ.

၂.၁. တၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့နီၢ်နီၢ်အက့ၢ်အဂီၤအိၣ်ဖျါတဖၣ်.

၂.၂. တၢ်မၤလိအဂ့ၢ်မိၢ်ပှၢ်တဖၣ်လၢအပၣ်ဃုၥ်ဝဲဒီးတၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့နီၢ်နီၢ်.

တၢ်ကတိၤဖျၢၣ်လၢတၢ်သူအီၤလၢအရ့ဒိၣ်တဖၣ်

တၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့နီၢ်နီၢ်အလုၢ်အပှ့ၤ Authentic assessment; တၢ်ဃုသ့ၣ်ညါမၤလိတၢ်အဂ့ၢ်အကျိၤတဖၣ် case studies; တၢ်သမံသမိးကွၢ်တၢ်အစရီတဖၣ် checklists; တၢ်သ့ထီၣ် ဘၣ်ထီၣ်တဖၣ် competencies; တၢ်သ့ထီၣ် ဘၣ်ထီၣ်အဂံၢ်ထံးအတၢ်ကူၣ်ဘၣ်ကူၣ်သ့ - competency-based education (CBE); ပှၤမၤလိတၢ်ဖိခၢၣ်သးအတၢ်သုးဘူးအကျဲ learner-centered approach; တၢ်မၤလိန့ၢ်တၢ် အတၢ်ကဲထီၣ်အသးတဖၣ် learning outcomes; တၢ်သမံသမိးဒီးထိၣ်ကွၢ်တၢ်သ့ဖံးသ့မၤတၢ်အလုၢ်အပှ့ၤ performance assessment; တၢ်မၤလိန့ၢ်တၢ်အတၢ်အုၣ်အသးအတၢ်မၤနီၣ်မၤဃါတဖၣ် portfolios; တၢ်တိၥ်ကျဲၤတၢ်မၤအဂံၢ်ထံးတၢ်မၤလိန့ၢ်တၢ် (project-based learning); နီၣ်ထိၣ်အတၢ်ပၥ်ပနီၣ် - rating scale; တၢ်သိၣ်လိအတၢ်ဂဲၤဒိ - role-playing; တၢ်ပၥ်ပနီၣ်အနီၣ်ထိၣ်တဖၣ် - rubrics; တၢ်မၤဒိးတၢ်တဖၣ် - simulations

ကျိၥ်တဖၣ်လၢတၢ်မၤန့ၢ်အီၤသ့လၢတၢ်မၤလိအကျဲအံၤအဂီၢ်

Designing Assessment Responsive to Student's Learning - https://mmteacherplatform.net/en/e-learning/courses/p-designing-assessment-responsive-to-student-s-learning-p

ကျောင်းသားများ၏ သင်ယူမှုကို ပိုမိုထိရောက်စွာ ပံ့ပိုးပေးနိုင်သည့် စစ်ဆေးအကဲဖြတ်မှုများ စီစဉ်ဆောင်ရွက်ခြင်း - https://mmteacherplatform.net/en/e-learning/courses/p-style-line-height-1-5-span-style-font-family-pyidaungsu-kyaaungthamyaa-e-thinyumhuko-pomotaiyaaukswa-panpopenaingthnyat-sitsaeakepayatmhumyaa-sisinsaaungyawetkhyin-span-br-p-2

တၢ်တ့တိၥ်ကျဲၤထီၣ် တၢ်သမံသမိးဒီး ထိၣ်ကွၢ်တၢ်လၢအဆီၣ်ထွဲမၤစၢၤတၢ်တုၤလီၤတီၤလီၤတဖၣ်လၢကၠိ အတၢ်မၤလိ န့ၢ်တၢ်အဂီၢ် (S'gaw Karen) -https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-t-attti-atkyae-tai-at-t-atthmanthmidi-tai-atkw-att-atl-asai-attawem-s-t-attu-li-ti-li-tpa-atl-k-i-at-atm-li-n-att-atagi-at-course-8-s-gaw-karen-font-br-p

SANGNAUPANGTE’ LAISINNA DUNGZUI-A SITTEL MATPIAK NADING GEELKHOLHNA (Zolai - the language of Zomi) -https://mmteacherplatform.net/en/e-learning/courses/p-sangnaupangte-laisinna-dungzui-a-sittel-matpiak-nading-geelkholhna-course-8-zolai-the-language-of-zomi-p

Kyawng k’kai gui ah ng’thei nak chüt gok tu ba hleih gung kum hning ciah teng m’shù mòng gui pong püi nak (Modern K'Cho) - https://mmteacherplatform.net/en/e-learning/courses/p-style-text-align-justify-kyawng-k-kai-gui-ah-ng-thei-nak-chuet-gok-tu-ba-hleih-gung-kum-hning-ciah-teng-m-shu-mong-gui-pong-puei-nak-course-8-modern-k-cho-p 

Kyawng k’kai gui ah ng’thei nak chüt gok tu ba hleih gung kum hning ciah teng m’shu mong gui pong püi nak (Classic K'Cho) -https://mmteacherplatform.net/en/e-learning/courses/p-span-style-white-space-normal-kyawng-k-kai-gui-ah-ng-thei-nak-chuet-gok-tu-ba-hleih-gung-kum-hning-ciah-teng-m-shu-mong-gui-pong-puei-nak-course-8-classic-k-cho-span-p

ဎိၭဎဲၫလၩ့ဆၧဘဲၩ့ဖၭ လိၫဘၪဝ့ၫလၧ ဆၧမၩလိၪဖိၪဆၧမၩလိၪ (Pwo Karen) - https://mmteacherplatform.net/en/e-learning/courses/font-face-pyidaungsu-dai-dae-l-sa-bae-pa-li-ba-w-l-sa-m-li-pai-sa-m-li-course-8-pwo-karen-font

ႁဵတ်းၵၢၼ်ထတ်းထိၼ် ဢၼ်မႅၼ်ႈငမ်ႇၸွမ်းၼင်ႇတင်း ၵၢၼ်ႁဵၼ်းလုၵ်ႈႁဵၼ်း (Shan) - https://mmteacherplatform.net/en/e-learning/courses/p-at-attaattai-at-atm-at-ngan-un-in-tin-at-atlu-at-at-course-8-shan-p

Jawngma ni a hkaja lam tangdu masan sa na matu jai lang mai ai masam maram ladat ni  (Jinghpaw) - https://mmteacherplatform.net/en/e-learning/courses/div-style-text-align-justify-span-style-font-size-1rem-jawngma-ni-a-hkaja-lam-tangdu-masan-sa-na-matu-jai-lang-mai-ai-masam-maram-ladat-ni-course-8-jinghpaw-span-div

တၢ်မၤလိအကျဲအံၤအတၢ်တိၥ်ပၥ်လၢအရ့ဒိၣ်ကတၢၢ်တခါမ့ၢ်ဝဲ ဒ်သိးကကတဲၥ်ကတီၤထီၣ်န့ၢ်နၤလၢ တၢ်သ့တၢ်ဘၣ်တဖၣ်ဒီး တၢ်သ့ၣ်ညါနၢ်ပၢၢ်တၢ်လၢအဘၣ်ထွဲလိၥ်အသးတဖၣ်, လၢအကဆၢတဲၥ် ပၥ်လီၤဝဲလၢ နကဘၣ်ဒုးလိၣ်ထီၣ်ဖးထီၣ်တၢ်သမံသမိးဒီး ထိၣ်ကွၢ်တၢ်သ့ဖံးသ့မၤတၢ် (မ့တမ့ၢ်) တၢ်သူန့ၢ်တၢ်သ့နီၢ်နီၢ်အလုၢ်အပှ့ၤ, လၢအကဒုးသ့ထီၣ်ဘၣ် ထီၣ်န့ၤလၢ နတၢ်မၤဘၣ်လိၥ်ဖိးမံက့ၤ နတၢ်သမံသမိးဒီး ထိၣ်ကွၢ် အတၢ်တိၥ်ကျဲၤလၢ ပှၤမၤလိတၢ်ဖိခၢၣ်သး/ တၢ်သ့ထီၣ်ဘၣ်ထီၣ် အဂံၢ်ထံးလံၥ်ညိၣ်သိၣ်ဒိၣ်တခါအပူၤ,လၢအဆၢကတီၢ်ဖဲလဲၣ်အဂ့ၢ်န့ၣ်လီၤ.

တုၤမ့ၢ်တၢ်မၤလိအတကွီၣ်အံၤကတၢၢ်ကွံၥ်ဝဲန့ၣ်,နကသ့ထီၣ်လၢ

• ကွၢ်ကဒါက့ၤဒီးဃုမၤဖျါထီၣ်က့ၤတၢ်ဖံးတၢ်မၤလၢ တၢ်ဟ့ၣ်လီၤတဖၣ်လၢအမၤဂ့ၤမၤအါထီၣ် တၢ်ဆိကမိၣ်တၢ်အတၢ်သ့တၢ်ဘၣ်လၢ အပတီၢ်ဖုၣ်တဖၣ်မ့ၢ်ဖဲလဲၣ်တဖၣ်လဲၣ်, ဒီးတၢ်ဖံးတၢ်မၤလၢ အမၤဂ့ၤမၤအါထီၣ် တၢ်ဆိကမိၣ်တၢ်အတၢ်သ့တၢ်ဘၣ်လၢ အပတီၢ်ထီတဖၣ်မ့ၢ်ဖဲလဲၣ်တဖၣ်လဲၣ်န့ၣ်လီၤ.
• ပၥ်ဖျါထီၣ်တၢ်သမံသမိးဒီးထိၣ်ကွၢ် တၢ်သ့ဖံးသ့မၤတၢ်အက့ၢ်အဂီၤအိၣ်ဖျါတဖၣ်အမံၤ.
• ဃုမၤဖျါထီၣ်တၢ်သမံသမိးဒီး ထိၣ်ကွၢ်တၢ်သ့ဖံးသ့မၤတၢ်အတီၤပတီၢ်တဖၣ်လၢ တၢ်မၤလိ အတၢ်တိၥ်ကျဲၤတခါအပူၤ.
• သ့ၣ်ညါနၢ်ပၢၢ်ထီၣ်လၢတၢ်ပၥ်ပနီၣ်အနီၣ်ထိၣ်တဖၣ်ဒီးတၢ်သမံသမိးကွၢ်တၢ်အစရီတဖၣ် မ့ၢ်တၢ်မနုၤလဲၣ်, ဒီးဘၣ်တၢ်သူအီၤလၢ ကသမံသမိးဒီးထိၣ်ကွၢ်ကၠိဖိတဖၣ်လၢ ကျဲဒ်လဲၣ်အဂ့ၢ်, ဒီး
• ဃုမၤဖျါထီၣ်တၢ်ပၥ်ပနီၣ်အနီၣ်ထိၣ်တဖၣ်ဒီး တၢ်သမံသမိးကွၢ်တၢ်အစရီတဖၣ်,အက့ၢ်အဂီၤ အိၣ်ဖျါလၢအလိၣ်ဝဲတဖၣ်အဂ့ၢ်လီၤ.
• တၢ်ဒုးနဲၣ်ပၥ်ဖျါထီၣ် တၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့နီၢ်နီၢ်အခီပညီ -
• ဃုထံၣ်မၤဖျါထီၣ်တၢ်လၢအလီၤဂၥ်လိၥ်အသးတဖၣ်ဒီးတၢ်လီၤဆီလိၥ်အသးတဖၣ်လၢတၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့နီၢ်နီၢ်ဒီး တၢ်သ့ဖံးသ့မၤတၢ်အဂံၢ်ထံး  တၢ်သမံသမိးဒီးထိၣ်ကွၢ်တၢ်, ခံခါအံၤအဘၢၣ်စၢၤ.
• ဃုထံၣ်မၤဖျါထီၣ်တၢ်သမံသမိးဒီးထိၣ်ကွၢ်တၢ်သူန့ၢ်တၢ်သ့အတၢ်အက့ၢ်အဂီၤအိၣ်ဖျါတဖၣ်, တၢ်အဒိအတဲၥ်တဖၣ်ဒီးအတၢ်ကဲဘျုးတဖၣ်,ဒီး
• ဒုးဘၣ်ထွဲမၤဘၣ်လိၥ်က့ၤတီၤဒၢးအတၢ်ဟူးတၢ်ဂဲၤအတၢ်“ဟ့ၣ်ထီၣ်”တဖၣ်ဆူတၢ်ဖံးတၢ်မၤမူဒါလၢ တၢ်အိၣ်အသးနီၢ်နီၢ်တဖၣ်အပူၤဒီးအတၢ်သ့တၢ်ဘၣ်လၢအဘၣ်ထွဲလိၥ်အသးတဖၣ်လီၤ.