ဆၧမၩလိၪ ဒိၭနဲၩ့ထၬလၧဆၧကွ့ၩနီၪ မွဲဝ့ၫဆၧလီၩနဲၪလၩ့အဖျီၩ့လၧ ကဲၪထၪ့အခိးအတၩအၪမၬလၧ ဆၧမၩလိၪဖိၪ လၧတၩ့ဆိၫ ဒဲ တၩ့ဖၨၪလဖၪအဂးလီၫ. ဆၧနီၪဖ့ၪဂဲးဖ့ၪဘၭ မၩဎိၭလၩ့ဆၧလၧၥၭဆုးလီၩ့, ဆၧၥၭဆီၪ့လၧ အဲၪဒိၭ ၥ့ၪယၫဝ့ၫ, ဒဲ လီၩ့ဎွါအၪ့ဎၬဆၧမၩထံးထံး, အီၪဒဲဆၧၥ့ၪဆၧဘၪလၧ ကအဲၪဒိၭမၩလိၪဆၧ ဒဲ ဖ့ၪဂဲးဖ့ၪဘၭ ဆၧဒိၪထၪ့ ထီၫထၪ့လၧ လးဝၩ့အမၠိၩမၠိၩနီၪလီၫ. လၧဆၧမၩလိၪ"ဆၧမၩလိၪဒိၭနဲၩ့ထၬလၧဆၧကွ့ၩ," ဖၧၩ့ လီၩ့ဎွါအၪ့ဎၬ ဆၧၥ့ၪဂ့ၩ ၥ့ၪဘၪလဖၪလၧ ဆၧမၩလိၪဖိၪၥံၪ လိၫဝ့ၫလၧ ဆၧၥၭလၩ့ဎိၭ ဒဲ ကမၩနၧၩ့ ဆၧမၩလိၪဒိၭနဲၩ့ထၬလၧဆၧကွ့ၩ, အၪနဲၪ့အနီၪ ဆရၫလဖၪနီၪ ကဖ့ၪဂဲးဖ့ၪဘၭ ဆၧၥ့ၪဂ့ၩၥ့ၪဘၪ ကဒိၪထၪ့ထီၫထၪ့  ဘဲၫၥ့ၪလဲၪလၧ ဆၧမၩလိၪဖိၪ ဆၧကိၪ့ဘၪကိၪ့ၥ့ၪ ကဖျဲၩ့ဎးနီၪလီၫ. လၩ့ဆၫ့ဒၪဆၧ ဆၧမၩလိၪယီၩ ဖိၫစိၩဝ့ၫလၧ ဆၧဆူၭဎၩလဖၪနီၪ ဆရၫလၧ ၥီၪ့လိၪ ဆၧမၩလိၪဖိၪ တၩ့ဆိၫလဖၪနီၪ ၥိၩ့ၥ့ၪဝ့ၫလၧ ကမၩဆၧၩ့ဆၪ့ထွ့ၫ ဆၧမၩလိၪဒိၭနဲၩ့ထၬလၧဆၧကွ့ၩ, လၧဆၧမၩ အလၩ့ထံး ဒဲ  အၥနိၫလဖၪ ကဆုးမ့ၬလၧ ဆၧမၩလိၪဖိၪလဖၪ လၧတၩ့ဆိၫ ဒဲ တၩ့ဖၨၪ ဆၧမၩလိၪဒူၭ နီၪလီၫ.

လံၬဘံၪ့လၩ့စဲၪ ၁.  ဆၧမၩလိၪ ဒိၭနဲၩ့ထၬလၧဆၧကွ့ၩ

၁.၁. ဆၧၥီၪ့လိၪအဖျီၩ့ ဒိၭနဲၩ့ထၬလၧ ဆၧကွ့ၩ

၁.၂. အကၧၩ့ဒိၪအခံးအဂၩ့လဖၪလၧ ဆၧမၩလိၪ ဒိၭနဲၩ့ထၬလၧဆၧကွ့ၩ

လံၬဘံၪ့လၩ့စဲၪ ၂.  ဒုၭထီၫထၪ့ မၩဆၧၩ့လိၬၥၭ ဒဲ မၩဎိၭလၩ့ဆၧ

• လီၩ့ဎွါအၪ့ဎၬ အဒီၩ့လဖၪလၧ အကၧၩ့ဒိၪဆၧၥီၪ့လိၪအဖျီၩ့လၧ ဆၧမၩလိၪ ဒိၭနဲၩ့ထၬလၧဆၧကွ့ၩ. 
• ထုၭဖျီၪထၪ့ အကၧၩ့ဒိၪဆၧအခံးအဂၩ့လၧ ဆၧမၩလိၪ ဒိၭနဲၩ့ထၬလၧဆၧကွ့ၩ.
• အၪ့နၩ့ဘဲၩ့ဖၭ ဆၧၥီၪ့လိၪ ဒဲ ဆၧမၩလိၪဆၧမၩလဖၪ, အီၪက့ၪၥုၪ့အီၪက့ၪၥၭလၧ ဆၧမၩလိၪဒိၭနဲၩ့ထၬလၧ ဆၧကွ့ၩ.
• လီၩ့ဎွါအၪ့ဎၬ ဆၧၥုၭဘူၭၥၭလၧ မၩဆၧၩ့လိၬၥၭ ဒဲ မၩဎိၭလၩ့ဆၧလၧ ဆၧၥီၪ့လိၪ ဒဲ ဆၧမၩလိၪ ဆၧမၩလဖၪလီၫ. 
• အၪ့နၩ့ဘဲၩ့ဖၭထဲၩ့ ဆၧၥီၪ့လိၪ ဒဲ ဆၧမၩလိၪဆၧမၩလဖၪ, ထုၭဖျီၪထၪ့အလးလၩ ဒဲ ၥ့ၪယၫအမူၩဒၩလဖၪ ဘဲၫဆရၫအၥိၭ ကယိထွ့ၫမၩဆၧၩ့လိၬၥၭ ဒဲ မၩဎိၭလၩ့ဆၧ ဆၧမၩလိၪဆၧမၩလဖၪ.
• မၩကဲၪထၪ့ ဆၧဆုးကျိၭလိၬၥၭလၧ ဆၧမၩလိၪနီၪ ဎိၭဒီၪထၬ ဘဲၫၥ့ၪလဲၪ ဒဲ ဆရၫကဂၩနီၪ ကမၩဆၧ ဂ့ၩမၬလၧ အဝ့ၫၥံၪလးလၩ ဒဲ ၥ့ၪယၫအမူၩဒၩလၧ ကဒိၪထၪ့ထီၫထၪ့ ဆၧမၩဆၧၩ့လိၬၥၭ ဒဲ မၩဎိၭလၩ့ဆၧ လၧ ဆၧမၩလိၪဒုၭဖၧၩ့နီၪလီၫ.