ဖီးဖိလံယိ(portfolio)မ့ၢ်တၢ်သမံသမိးအကျဲသနူအက့ၢ်အဂီၤလၢအလီၤတံၢ်ဒိၣ်န့ၢ်ဒံးမိၢ်လုပၢ်လၢ်တီၤဒၢးပူၤတၢ်ဒိးစဲးန့ၣ်လီၤ. ဖီးဖိလံယိ (portfolio)ပၥ်ဖျါထီၣ်ဝဲၦၤကၠိဖိတဂၤအကံၢ်အစီ လၢကသူဝဲတၢ်လၢ အမၤလိ တ့ၢ်ဝဲတဖၣ်ဆူ တၢ်ကဲထီၣ်လိၣ်ထီၣ်အဂီၢ်ဒီးတမ့ၢ်ထဲလၢ ၦၤကၠိဖိနၢ်ပၢၢ်တၢ်လၢအမၤလိဝဲ ဒီးဝံၤဘၣ်.  အဒိ ဖဲတၢ်ဒိးစဲး တခါ သမံသမိးဝဲၦၤကၠိဖိတဂၤ အတၢ်သ့ၣ်ညါနၢ်ပၢၢ်လၢ တၢ်တဲပူဖုၣ်ကိၥ်ဖိတယုၢ်အခါ   ဖီးဖိလံယိ (portfolio)ပၣ်ဃုၥ် ဒီးတၢ်တဲပူဖုၣ်ကိၥ်ဖိလၢအဘၣ်တၢ်ကွဲး ကၠိဖိတဂၤအတၢ်နၢ်ပၢၢ်အကံၢ်အစီ ဒၣ်ဝဲန့ၣ်လီၤ.  လၢတၢ်သိၣ် လိအတၢ်ဖံးတၢ်မၤအပူၤဒီးဒ်ပမၤလိတ့ၢ်လံအီၤလၢ အပူၤကွံာ်တၢ်မၤလိဘၣ်ဃး “TCSF လၢကၠိ သရၣ်တၢ်ဖံးတၢ်မၤ ဂ့ၤဒိၣ်ထီၣ်ထီထီၣ်အဂီၢ်”  အပူၤအသိး ကၠိသရၣ်အသီတဖၣ် ဘၣ်တၢ်သမံသမိးအီၤ ဒီးကၠိသရၣ် တၢ်မၤတၢ်သ့အတၢ်မၤတကွီၣ် အဒိဒ်သိး ကီၢ်ပယီၤကၠိသရၣ် အတၢ်သ့န့ၢ်အိၣ်န့ၢ်တဖၣ် အတီၤပတီၢ်တကွီၣ် (CSF) ဒီးအဝဲသ့ၣ်ဒုးအိၣ်ထီၣ်တၢ်သိၣ်လိ အဖီးဖိလံယိ (portfolio)  လၢကနဲၣ်ဖျါထီၣ် အဝဲသ့ၣ် အတၢ်မၤ တၢ်သ့အကံၢ်အစီတဖၣ်န့ၣ်လီၤ. တၢ်မၤလိ တခါအံၤကဒုးအိၣ်ထီၣ်တၢ်မၤလိဘၣ် ကၠိသရၣ်တၢ်ဖံးတၢ်မၤ ဂ့ၤဒိၣ်ထီၣ်ထီထီၣ်အဂီၢ်”  ဒီးပျဲကၠိ သရၣ်တဖၣ် ဃုသ့ၣ်ညါအါထီၣ်ဘၣ်ဃးဖီးဖိလံယိ (portfolio) ဘၣ်တၢ်သူအီၤ ဒ်တၢ်သမံသမိးအကျဲသနူအက့ၢ် အဂီၤတခါအသိးဒ်လဲၣ်ဒီးလၢမနုၤအဃိလဲၣ်န့ၣ်လီၤ. ကွၢ်တၢ်အဒိဂံၢ်ခီၣ်ထံးကၠိသရၣ်တဖၣ်သူဝဲတၢ်သိၣ်လိအဖီးဖိလံယိဒ်သိးကသ့ၣ်ညါက့ၤအဝဲသ့ၣ်အတၢ်သိၣ်လိ အကံၢ်အစီအဂီၢ်န့ၣ်လီၤ. 

တၢ်မၤလိပၣ်ဃုၥ်ဒီးတၢ်မၤလိအခိၣ်တီလၢလၥ်တဖၣ်န့ၣ်လီၤ. 

တၢ်မၤလိအတကွီၣ် (၁)  တၢ်ဒုးသ့ၣ်ညါ ဖီးဖိလံယိ တၢ်သမံသမိးအကျဲသနူအက့ၢ်အဂီၤ  

၁.၁ ဖီးဖိလံယိဒ်အမ့ၢ်တၢ်မၤလိအတၢ်သမံသမိးတၢ် ဒီး တၢ်သမံသမိးတၢ်လၢတၢ်မၤလိအဂီၢ်  

၁.၂ ဖီးဖိလံယိအတၢ်သမံသမိးအကလုၥ်, အဘျုးအဖှိၣ် ဒီး တၢ်တၤတၢ်တဖၣ်    

၁.၃ တၢ်ဟ့ၣ်ဖီးဖိလံယိ အမး

တၢ်မၤလိအတကွီၣ် (၂)  တၢ်သိၣ်လိဖီးဖိလံယိစဲၣ်နီၤ  

၂.၁ “တၢ်မၤလိ, စူးကါ, တၢ်ကွၢ်ထံကဒါက့ၤ” အတၢ်မၤအကျိၤအကျဲ  

၂.၂ တၢ်ပၥ်ဖှိၣ် တၢ်သိၣ်လိဖီးဖိလံယိစဲၣ်နီၤတခါ 

တၢ်ကတိၤဖျၢၣ်လၢအဘၣ်တၢ်သူအီၤ,လၢအရ့ဒိၣ်တဖၣ်

တၢ်မၤလိအတၢ်သမံသမိးတၢ်, တၢ်သမံသမိးကျဲသနူလၢ တၢ်မၤလိအဂီၢ်, ကီၢ်ပယီၤ (TCSF),  တၢ်သ့တၢ် ဘၣ်အတီၤပတီၢ်,ကဝီၤဒိၣ်အလီၢ်ကဝီၤတဖၣ်, တၢ်လိၣ်ဘၣ်အစှၤကတၢၢ်, နီၣ်ထိၣ်တဖၣ်,  တၢ်လဲၤထီၣ် လဲၤ ထီလၢအစဲၣ်နီၤ, ဖီးဖိလံယိတၢ်မၤလိခိၣ်တီ, တၢ်သိၣ်လိအတၢ်ပၥ်ဖျါအတၢ်ဆိမိၣ်ဆိမး, ပီးလီလၢ ဃုသ့ၣ်ညါကၠိသရၣ်အတၢ်သ့တၢ်ဘၣ်အတီၤပတီၢ်တကွီၣ်တဖၣ်န့ၣ်လီၤ.

ကျိၥ်တဖၣ်လၢတၢ်မၤန့ၢ်အီၤသ့လၢတၢ်မၤလိအကျဲအံၤအဂီၢ်  

သင်ယူမှုအထောက်အထားမှတ်တမ်းဖြင့် စစ်ဆေးအကဲဖြတ်ခြင်း - https://mmteacherplatform.net/en/e-learning/courses/p-span-style-font-family-pyidaungsu-font-size-16px-thinyumhuataaukataamhattanko-sitsaeakepayatkhyin-draft-span-br-p
Portfolio Assessment - https://mmteacherplatform.net/en/e-learning/courses/p-portfolio-assessment-br-p
ၵၢၼ်ထတ်းထိၼ် ၽိုၼ်တမ်းၵၢၼ်ႁဵၼ်း  (Shan) - https://mmteacherplatform.net/en/e-learning/courses/attaattai-at-o-attan-at-at-course-14-shan
ဖီးဖိလံးယိ (Portfolio) အတၢ်သမံသမိးအကျဲ (S'gaw Karen) - https://mmteacherplatform.net/en/e-learning/courses/paipailanyi-portfolio-at-atthmanthmiakyae-course-14-s-gaw-karen
စူၭကီၪ့ဆၧမၩဆၧဘဲၩ့ဖၭ (Pwo Karen) - https://mmteacherplatform.net/en/e-learning/courses/su-ki-sa-m-sa-bae-pa
Hkaja lam matsing sumhting jahpan jai lang let masam maram ai lam (Jinghpaw) - https://mmteacherplatform.net/en/e-learning/courses/hkaja-lam-matsing-sumhting-jahpan-jai-lang-let-masam-maram-ai-lam
SIAMTEHNA THUBU ZANGIN SITTEL MATPIAKNA (Zolai- the language of Zomi) - https://mmteacherplatform.net/en/e-learning/courses/siamtehna-thubu-zangin-sittel-matpiakna-course-14-zolai-the-language-of-zomi

တၢ်မၤလိအံၤ အတၢ်တိၥ်ပၥ်မ့ၢ် ဒ်သိးကၠိသရၣ်တဖၣ်ကနၢ်ပၢၢ်သ့ၣ်ညါ ဖီးဖိလံယိအတၢ်သမံသမိးအကျဲသနူ ခံကပၤလၢၥ် ဒ်အမ့ၢ် ကျဲသနူလၢတၢ်သမံသမိးကၠိဖိအတၢ်ဟူးတၢ်ဂဲၤ, တၢ်ဖံးတၢ်မၤဒီးကျဲသနူလၢ တၢ်သမံသမိးကၠိသရၣ် အတၢ်လဲၤ ထီၣ်လဲၤထီန့ၣ်လီၤ.

တုၤမ့ၢ်တၢ်မၤလိအတကွီၣ်အံၤကတၢၢ်ကွံၥ်ဝဲဒီး,နကသ့ထီၣ်လၢ

• သ့ၣ်ညါပဲၥ်ထံနီၤဖး ဖီးဖိလံယိခံကလုၥ်အတၢ်လီၤဆီလိၥ်သးတဖၣ်.  
• တဲနၢ်ပၢၢ်ဘၣ်ဃးတၢ်ကွၢ်ထံဆိကမိၣ်ကဒါက့ၤဖီးဖိလံယိအကျဲခံခါလၢအမ့ၢ်  တၢ်မၤလိအတၢ်သမံသမိး တၢ် ဒီး တၢ်သမံသမိး တၢ်လၢ တၢ်မၤလိန့ၢ်တၢ်အဂီၢ်ဒ်လဲၣ်,  
• ကွဲးရဲၣ်လီၤတၢ်ကဲဘျုးဒီး တၢ်တၤတၢ်လၢ တၢ်သူဖီးဖိလံယိ ဒ်ပီးလီတခါလၢတၢ်သမံသမိးအဂီၢ်
• ဒုးနဲၣ်ပၥ်ဖျါထီၣ်တၢ်ပီးတၢ်လီ လၢတၢ်သူအီၤလၢတၢ်ဟ့ၣ်အမး တီၤပတီၢ်အဂီၢ်
• ဃုထံၣ်သ့ၣ်ညါ “တၢ်မၤလိ,စူးကါ,တၢ်ကွၢ်ထံဆိကမိၣ်က့ၤ” အကျိၤအကျဲ
• ပၥ်ဖျါထီၣ် Gibb အတၢ်ကွၢ်ထံဆိကမိၣ်က့ၤတၢ်အတၢ်မၤကျိၤကျဲအပတီၢ်တဖၣ်
• ကတိၤသကိးတၢ်ကဲဘျုးကဲဖှိၣ်လၢတၢ်ကဲထီၣ်လိၤထီၣ်လၢသရၣ်ဒီးကၠိဖိတဖၣ်အဂီၢ်
• ကွၢ်ကဒါက့ၤဒိမ့န်တၢ်သ့တၢ်ဘၣ်လၢကီၢ်ပယီၤကၠိသရၣ်တၢ်သ့တၢ်ဘၣ်တၢ်ပၥ်ပနီၣ်ပတီၢ်အတကွီၣ်ပူၤ.
• ပၥ်ဖျါထီၣ်တၢ်အုၣ်ကီၤအကလုၥ်လၢတၢ်ဖၢနုၥ်လီၤအီၤသ့လၢကၠိသရၣ်စဲၣ်နီၤဖီးဖိလံယိအပူၤ,ဒ်လၢအဘၣ်ထွဲဒီးကီၢ်ပယီၤကၠိသရၣ်တၢ်သ့တၢ်ဘၣ်တီၤပတီၢ်တကွီၣ်အတၢ်လူၤကွၢ်နီၣ်တၢ်