Ndai sharin lamang hta, shada karum shingtau hkat ai, hkungga lara hkat ai hte atsawm lajang hparan da ai jawnggawk shingwang ni hpe lu gyin shalat hkra jawng sara ni hpe atsam ni hte zai ladat ni shajat ya na matu yaw shada ai. Sara saranum ni gaw, tangdu ai jawnggawk hparan hpareng ladat ni, mai kaja ai ritkawp tara hte shani ai ladat ni, hte jawngma ni a dinghkrai rawtjat galu kaba lam ni dinghkrai hkangzing ai lam hpe shatsaw lu ai lai ladat ni hpe sung sung chyena wa lu na re. Ndai sharin lamang ngut jang, sara saranum ni gaw, n-gun ja ai sara-jawngma kanawn mazum lam ni hpe gawgap nga ai hte dingsa ai akyang lailen ni kaw na makawp maga na matu tauhkrau hkyen lajang ai masing ni hpe tatut hkrang shapraw nga let, sang lang ai ritkawp ni, man man galaw ai bungli ni, hte myit mada lam ni hpe gawgap lu na re. Hti htang akyu jaw ai bungli lamang ni, mabyin hkaja ai lam ni, sung sung sumru yu ra ai shaman shakyang lam ni hpe galaw ai marang e, rau jawm galaw ai, myit lawm hpa re ai hte atsawm lajang hparan da ai jawnggawk shingwang hpe hkangzing lu ai na matu sara saranum ni a atsam hpe n-gun shaja ya na rai nna, dai zawn re jawnggawk gaw jawngma ni a grai chye mayu ai myit, hkungga lara hkat ai lam hte lit la chye ai lam hpe shapan shalat ya lu nga ai.

• Atsawm hkrang shapraw da ai hte karum shingtau hkat ai hkaja shingwang hpe gyin shalat lu na matu sanglang ai ritkawp ni, man man galaw ai bungli ni hte myit mada lam ni hpe gawgap ai zawn re tangdu ai jawnggawk hparan hpareng zai ladat ni hpe sawk tam mu lu na; 
• Shada da hkungga lara ai lam, rau jawm galaw ai lam hte jawngma a shanglawm ai lam hpe sharawt lu na matu mai kaja ai sara-jawngma kanawn mazum lam hpe gara hku shalat shapan na lam hpe chyena na;
• Nhtuk manu ai akyang lailen ni kaw na makawp maga na matu kaga sara ni jai lang mat wa ai tauhkrau hkyen lajang ai lai ladat ni hpe ginhka masat chye wa na, atsawm hparan lajang da ai hte yawng shanglawm lu ai jawnggawk shingwang byin hkra lu hparan na;
• Htuk manu ai akyang lailen, lit la chye ai myit hte dinghkrai rawtjat galu kaba ai lam hpe n-gun jaw lu ai mai kaja ai ritkawp tara gawgap ai zai ladat ni hpe sawk sagawn hkaja lu na;
• Jawngma ni hku nna tinang a hkamsha lam ni hte akyang lailen hpe hparan lu hkra, hte dinghkrai ndut ndang galaw lu ai lam hte lit la ai lam hpe sharawt shatsaw ya lu hkra dinghkrai hkangzing ai ladat ni hte shanhte hpe gara hku hkinghku jahkum dat ya na lam hpe ginhka masat lu na; hte
• Jawngma a sung sung myit yu chye ai lam hte rawtjat galu kaba ai lam hpe shalat shapan ya lu ai zai ladat ni hpe hkyen lajang nna tatut hkrang shapraw nga let matut n di ai hte karum shingtau hkat ai jawnggawk shingwang hpe mung hkangzing nga lu na.