Akni lam m’dáng ciah ng’theina hngéit pei tumat pyan thám nak (Modern K'Cho)
0
(0 Reviews)
Certified
5 hour(s)
3 Enrollment(s)
84 View(s)
Share On :
Course Description
Notes: In this course, a modernized version of the K'Cho language is used to ensure it is more accessible and easier to understand for all K'Cho speakers. Given that the course includes technical and educational terms, tonal markers have been added to convey the meaning clearly and accurately. These markers help prevent misinterpretation and ensure that the intended meaning is understood without confusion, enhancing the overall effectiveness and efficiency of the language in educational contexts.
Shin ah lam m’shüm ung kyawng k’kài gui am gungkum hning ciah hluitä tu ng’kyu nak om neh ang’müi ng’shúng ah tängpang thèphyà ciah ca ng’thei khàtt gui m’dáng hning vai hlü ciah tatlah nak gui lah hmat pyinnya gui saya gui am k’bé péit vai pongpüi guthén ah kyak ci. Shin ah lam m’shüm ung üp òng neh ni bä hlak ciah ng’thei nak hngéit pèi tumat tüi pyan hning vai chüt gok ciah ca ng’thei khàt täng pang thèphyà nì gui ,akní lam hläkkhäm k’bäi k’hmüt nì lam gui lah kyawng k’kài gui ah phäh ah mät ah däm tài mòng nì lam gui m’túng neh m’dáng ci.Shin ah lam m’shüm ung hläkkhäm gui,a ng’neng ah bi ng’täp gui,bü gui ng’shíng hleih k’bäi nak ah aktúng mòng lah a cun gui ca ng’thei kum lèng law ge ung kyawng k’kài gui am i ah chüt gok hleih ng’hnguh ng’hmat vai cuh shui k’täih vai kya ci.
Tuhkbäih lam m’shüm ung saya lah kyawng k’kài ah ng’lak ah akní lam ng’khot ng’shèng nak gui,kyawng k’kài gui ah mät no mät m’htei nak,ca ng’thei khàt k’kyòng hmóng cáng ciah om kya gui hüng vai kham ne pongpüi hning ciah biloh gui,ci gui cuh m’túng ne m’dáng vai kya ci.Ca ng’thei khàt k’kyòng hläkkhäm k’thá ani lo vai, kyawng k’kài gui ah om kya a ng’thong ng’hlah ah ng’lak ah täng pang thèphyà vailah kyawng k’kài gui ah màmòng nak on däm tài nak gui m’hlüng m’taih péit vai i ah bi vai cuh ng’thei vai kya ci.Ng’hnguh ng’hmat tu ng’kyu nak om ciah biloh gui amòng lam shuilei nak gui lah k’hmì k’hmäi ba ah bi gäk gäk gui ung ka no ng’pòng ne binak ,hmat hlü m’lùng lah hlüitä nak gui k’thá pe ciah akní ah tängpang thèphyà nak om ciah ca ng’thei khàt tumat pyan vai a ng’hngün gé bi ni ng’thei vai kya ci.
Module 1: Ca ng’thei khàt tängpang thèphyà nak
1.1 Chüt gok ciah ca ng’thei khàt tängpang thè pyà nak
1.2 Gungkum nak k’thá ni ciah ca ng’thei khàt hngéit pèi gui
Module 2: Akní lam hläkkhäm on akní lam m’dáng ciah om kya gui pyan nak
2.1 Akní lam m’dáng ciah hläkkhäm
2.1 Mät ah däm tài nak lah mät no mät m’htéi nak nì gui
ခၞံဗဒှ် ပွဳပွူကတ်လ္ၚတ် မၞုံကဵုလညာတ်မသၠဲလးဂမၠိုၚ် (Mon) - https://mmteacherplatform.net/en/e-learning/courses/kh-anbdhat-pw-pwukatl-at-m-onk-ulnyaatmth-elgm-o-at-course-11-mon
Course Objectives
Tuhkbäih lam m’shüm kai nak on saya gui ung ang’müi ng’shung ah tängpang thèphyà nak,gungkum nak lah hlüitä tu ng’kyu nak om ciah ca ng’thei khàt gui tüi pyan hning vai gui hlü ciah tatlah gui lah nì lam gui gah hlak vai bü ci .Shin ah lam m’shüm ung ka no chütgok ciah ca ng’thei khàt tängpang thèphyà nì lam gui,akní lam hläkkhäm nì lam gui,lah kyawng k’kài gui ah ami mät ah däm tài nak lah mät no mät m’htei nak k’thá peit m’hlüng taih hning vai ah nilam gui thúk lo pui hleih hmat lo khai kya ci.Shin ah lam m’shüm a ng’phleh ung saya gui cuh ng’shíng ciah hläkkhäm gui, ang’néng bi ng’täp gui,lah yùm äp gui k’bäi lo hning vai kya neh saya lah kyawng k’kài ah ng’lak ah ni ciah ng’khot ng’shèng nak gungkum lo hning khai kya ci.Ca ng’thei khàt k’kyòng hmóng cáng hning ciahom kya gui hüng vai kham neh pongpüi hning ciah biloh gui cun phih mamong m’dáng law hning khai kya ci.
Cun kon ah ng’hnguh ng’hmat tu ng’kyu nak om ciah biloh gui,amòng lam shuilei nak gui lah k’hmì k’hmäi ba ciah bi gäk gäk nak(bi ng’lät) gui ung ka no hmat hlü m’lùng,hluitä nak lah màmòng nak k’thá pe neh akní ah tängpang thèphyà nak om ciah ca ng’thei khàt tumat tüi pyang hning ciah m’yung k’thá gui phih däm tài lo khai kya ci.
Learning Outcomes
Shin ah module ah chüm nak ung, na kya hning gui cuh
- Ang’müi ng’shung ah tängpang thèphyà nak lah gung nak om ciah ng’thei mòng hngéit pèi tumat pyantham vai hläkkhäm gui,a ng’néng a ng’täp ah bi gui lah yum äp gui ng’shíng hleih k’bäi vai gui on ng’khing ng’khong hleih chütgok ciah ca ng’thei khàt tängpang thèphyà nak nì lam gui na shui k’täih hning khai.
- Hluitä tu ng’kyu mòng, ng’pòng ne bi mòng lah kyawng k’kài gui ah m’lùng k’hngà mah neh ami cùmbòi bi nak k’thá pe ne m’hlüng m’taih hning ciah saya lah kyawng k’kài ah ng’lak ung akni lam m’dáng ciah ng’khot ng’sheng mòng i ah a däm tài hlak hning mòng na hmat lo khai.
- Kyawng k’kài gui no kä ng’hloi ciah om kya gui käh ami bi envai ahei saya gui no ami mang ah kham neh pongpüi biloh ah nì lam gui k’bäi m’dáng ne ang’müi ng’shung ah tängpang thèphyà nak om ciah k’chàng päng kyüm bòi nak ah ca ng’thei khàt hngéit pei tumat na pyang thei khai.
- Khin k’ká ciah om kya màmòng khan nak lah mät ah däm tài nak k’thá ni hlak ciah akni lam m’dáng ciah hläkkhäm vai k’bäi hlu nì lam gui na shùi k’täih hning khai.
- Kyawng k’kài gui cuh ngami ah m’lung ng’ngaih gui lah om kya gui ami mät no ami tängpang thèphyà hning vai mät no mät m’htéi nak nì lam gui lah ng’yi ng’pem nak kàng neh màmòng nak om ci gui ah ami kya lo vai m’cu m’ceng m’thei m’thang hning ciah nì lam gui na k’bäi m’dáng thei khai.
- Kyawng k’kài gui ami mät no ami mät k’hmì k’hmäi ba nak lah däm tài nak k’thá ani lo vai bi pe hning ciah nì lam gui pongpüi gukthen,phók m’dáng hning neh täng yop neh gungkum nak k’thá ni ciah ca ng’thei khàt hngéit pei tumat na pyan pe hning khai.
Please login to take this course
Lectures
Lam shüm leng nak
Module 1. Ca ng’thei khàt tängpang thèphyà nak
Module 1 Bücèng ah ng’thei gah gui lah gah vai ah tat-lah gui
1.1 Chüt gok ciah ca ng’thei khàt tängpang thèphyà nak
Module 1.1 ah phäh video ng’thei ca
Ca ng’thei khat tängpang thephya nak bimong ng’täp gui lah a ng’néng ah bi ng’täp màmòng gui
Module 1.1 ah phäh ashäng ng’düm neh k’hmi k’hmäi bà bimàwng 1
Module 1.1 ah phäh bi cam vai bimong
Module 1.1 ah phäh ashäng ng’düm neh k’hmi k’hmäi bà bimàwng 2
1.2 Gung kum k’thá ni ciah ca ng’thei khàt hngéit pèi gui
Module 1.2 ah phäh video ng’thei ca
Module 1.2 ah phäh bi cam vai bimong
Module 1.2 ah phäh ng’nyan cam ng’shi m’khá
Module 1 M’än
Module 2. Akní lam m’dáng ciah hläkkhäm on akní lam m’dáng ciah om kya gui pyan nak
Module 2 Bücèng ah ng’thei gah gui lah gah vai ah tat-lah gui
2.1 Akni lam m’dáng ciah hläkkhäm
Module 2.1 ah phäh ashäng ng’düm neh k’hmi k’hmäi bà bimàwng 1
Module 2.1 ah phäh bi cam vai bimong 1
Ca ng’thei khàt k’kyòng akni lam m’dáng ciah hläkkhäm k’chang hlu mòng hläkkhäm gui hmat neh ami läk täp vai
Module 2.1 ah phäh video ng’thei ca
Module 2.1 ah phäh ashäng ng’düm neh k’hmi k’hmäi bà bimàwng 2
Module 2.1 ah phäh ashäng ng’düm neh k’hmi k’hmäi bà bimàwng 3
Module 2.1 ah phäh bi cam vai bimong 2
Module 2.1 ah phäh bi cam vai bimong 3
Module 2.1 ah phäh ashäng ng’düm neh k’hmi k’hmäi bà bimàwng 4
Akní lam m’dáng ciah hläkkhäm hlipkhäm nak a ng’dün gui
Module 2.1 ah phäh bi cam vai bimong 4
2.2. Kyä shìng (mät) ah bädäm hlüng tai nak lah mät nawh mät m’thei nak nilam gui
Module 2.2 ah phäh ashäng ng’düm neh k’hmi k’hmäi bà bimàwng
Ak’ni hlu hläkkhäm ah phäh ah nang ah nilam gui
Module 2.2 ah phäh bi cam vai bimong 2
Module 2.2 ah phäh bi cam vai bimong 3
Module 2.2 ah phäh ng’nyan cam ng’shi m’khá
Module 2 M’än
Summary
Lam m’shüm a ng’päng k’hmì k’hmäi bà nak
Lam m’shüm m’än
K’däi neh k’täih k’khei vai gui lah ng’yung nak gui
Related Courses
