ဤသင်တန်းကို ကျောင်းသားများအား ပံ့ပိုးကူညီပေးနိုင်သော အပြန်အလှန်လေးစားမှုရှိပြီး စနစ်တကျစီမံခန့်ခွဲထားသည့် စာသင်ခန်းများကို ဖော်ဆောင်နိုင်ရန် လိုအပ်သော ကျွမ်းကျင်မှုများနှင့် အသိပညာများကို ဆရာများအား ဖြည့်ဆည်းပေးရန် စီစဉ်ရေးဆွဲထားပါသည်။ ဤသင်တန်းတွင် ဘေးကင်းလုံခြုံ၍ အကျိုးဖြစ်ထွန်းစေသည့် သင်ယူမှုဝန်းကျင်တစ်ခုကို ဖန်တီးနိုင်ရန်အတွက် ထိရောက်သော စာသင်ခန်း စီမံခန့်ခွဲမှုနည်းစနစ်များ၊ အပြုသဘောဆောင်သော စည်းကမ်းသတ်မှတ်မှု နည်းလမ်းများနှင့် ကျောင်းသားများအတွက် တစ်ကိုယ်ရေဖွံ့ဖြိုးတိုးတက်မှုဆိုင်ရာ နည်းလမ်းများကို အလေးပေးဖော်ပြထားပါသည်။ ဤသင်တန်းတွင် စည်းမျဉ်းစည်းကမ်းများ၊ ပုံမှန်လုပ်ရိုးလုပ်စဉ်လုပ်ငန်းများနှင့် မျှော်မှန်းချက်များကို ရှင်းလင်းစွာ ချမှတ်ခြင်း၏ အရေးကြီးပုံနှင့် ၎င်းတို့ကို စာသင်နှစ်အစကပင် ကျောင်းသားများအား မည်သို့ ထိရောက်စွာ ဆက်သွယ်ပြောဆိုမည်ကို စူးစမ်းလေ့လာရမည် ဖြစ်သည်။

ယခုသင်တန်းတွင် ဆရာနှင့်ကျောင်းသားအကြား အပြုသဘောဆောင်သော ဆက်ဆံရေးများ၊ ကျောင်းသားများ၏ မိမိကိုယ်ကိုထိန်းကျောင်းခြင်း၊ စာသင်ခန်းတွင်း အနှောင့်အယှက်ပေးသည့် အပြုအမူများကို ကာကွယ်ရန် ကြိုတင်စီမံဆောင်ရွက်ထားနိုင်သည့် လုပ်ဆောင်ချက်များ စသည်တို့ကို အလေးပေးဖော်ပြသွားမည်ဖြစ်သည်။ စာသင်ခန်းတွင်း စည်းမျဉ်းစည်းကမ်းများ အားကောင်းလာစေရန်၊ ကျောင်းသားများ၏ အပြုအမူအပြောင်းအလဲများအကြား စီမံခန့်ခွဲရန်နှင့် ကျောင်းသားများ၏ တာဝန်ခံမှုနှင့် ဖွံ့ဖြိုးမှုတို့ကို မြှင့်တင်ပေးရန် မည်သို့လုပ်ဆောင်ရမည်ကို လေ့လာသင်ယူရမည် ဖြစ်သည်။ အပြန်အလှန် တုံ့ပြန်ဆက်သွယ်မှုရှိသည့် လုပ်ငန်းများ၊ ဖြစ်ရပ်လေ့လာမှုများနှင့် ပြန်လည်သုံးသပ်သည့် လေ့ကျင့်ခန်းများမှတစ်ဆင့် ပူးပေါင်းဆောင်ရွက်မှု၊ သိလိုစိတ်နှင့် လေးစားမှုတို့ကို အားပေးသော ကောင်းစွာစီမံခန့်ခွဲမှုရှိသည့် စာသင်ခန်းတစ်ခု တည်ဆောက်ရန် လက်တွေ့ကျသည့်နည်းလမ်းများကို သင်ယူရမည်ဖြစ်သည်။

မော်ဂျူး (၁) စာသင်ခန်းစီမံခန့်ခွဲမှု

(၁.၁) ထိရောက်သော စာသင်ခန်းစီမံခန့်ခွဲမှု

(၁.၂) ပံ့ပိုးမှုအားကောင်းသော စာသင်ခန်းဝန်းကျင်များ

မော်ဂျူး (၂) အပြုသဘောဆောင်သည့် စည်းကမ်းဖြင့် အပြုသဘောဆောင်သည့် အပြုအမူများကို ပျိုးထောင်ခြင်း

(၂.၁) အပြုသဘောဆောင်သည့် စည်းကမ်း

(၂.၂) တစ်ကိုယ်ရေဖွံ့ဖြိုးတိုးတက်မှုနှင့် မိမိကိုယ်ကိုထိန်းကျောင်းခြင်း နည်းစနစ်များ

ဤသင်တန်းကို သင်ယူပြီးချိန်တွင် သင်သည် -

• စနစ်တကျစီမံခန့်ခွဲမှုနှင့် ပံ့ပိုးမှုရှိသော သင်ယူမှုဝန်းကျင်တစ်ခုကို တည်ဆောက်ရန်အတွက် စည်းမျဉ်းစည်းကမ်းများ၊ ပုံမှန်လုပ်ရိုးလုပ်စဉ်လုပ်ငန်းများနှင့် မျှော်မှန်းချက်များကို ရှင်းလင်းစွာ ချမှတ်ခြင်းနှင့်သက်ဆိုင်သည့် ထိရောက်သော စာသင်ခန်းစီမံခန့်ခွဲမှု နည်းလမ်းများကို စူးစမ်းလေ့လာနိုင်မည်။
• အပြန်အလှန် လေးစားမှု၊ ပူးပေါင်းဆောင်ရွက်မှုနှင့် ကျောင်းသား၏ စိတ်ဝင်တစား ပါဝင်ဆောင်ရွက်မှုကို အားပေးမြှင့်တင်ပေးနိုင်သည့် ဆရာနှင့်ကျောင်းသားအကြား အပြုသဘောဆောင်သော ဆက်ဆံရေးကို မည်သို့တိုးတက်စေနိုင်ကြောင်း နားလည်သဘောပေါက်လာမည်။
• ကျောင်းသားများ မသင့်လျော်သည့် အပြုအမူများကို မပြုလုပ်မိစေရန် အခြားဆရာများ အသုံးပြုနေသော  ကြိုတင်စီမံဆောင်ရွက်သည့် နည်းလမ်းများကို သတ်မှတ်ဖော်ထုတ်ပြီး စနစ်တကျစီမံခန့်ခွဲမှုရှိသည့် လူတိုင်းအကျုံးဝင်သော စာသင်ခန်းရပ်ဝန်းတစ်ခုကို ဖန်တီးတတ်မည်။
• သင့်လျော်သည့် အပြုအမူ၊ တာဝန်ခံမှုနှင့် တစ်ကိုယ်ရေဖွံ့ဖြိုးတိုးတက်မှုကို အားကောင်းစေသည့် အပြုသဘောဆောင်သော စည်းကမ်းသတ်မှတ်မှုဆိုင်ရာ နည်းလမ်းများကို စူးစမ်းလေ့လာနိုင်မည်။
• ကျောင်းသားများကို ၎င်းတို့၏ စိတ်ခံစားချက်များနှင့် အပြုအမူများကို ကိုယ်တိုင် စီမံခန့်ခွဲနိုင်စေရန် မိမိကိုယ်ကို ထိန်းကျောင်းခြင်း နည်းစနစ်များနှင့် အမှီအခိုကင်းပြီး တာဝန်ယူမှုရှိသူများဖြစ်လာအောင် လေ့ကျင့်သင်ကြားပေးနိုင်သော နည်းစနစ်များကို သတ်မှတ်ဖော်ထုတ်တတ်မည်။
• ကျောင်းသားများကို မိမိကိုယ်ကို ပြန်လည်သုံးသပ်မှုနှင့် ဖွံ့ဖြိုးမှုတို့အားကောင်းလာအောင် လုပ်ဆောင်ပေးနိုင်သည့် နည်းလမ်းများကို စီစဉ်ရေးဆွဲ၊ အကောင်ထည်ဖော်နိုင်ပြီး တစ်သမတ်တည်းရှိ၍ ပံ့ပိုးမှု အားကောင်းသော စာသင်ခန်းဝန်းကျင်တစ်ခု ဖန်တီးပေးနိုင်မည်။