Tangtawng pek panin pilsinna ii khiatna kikaihzia tawh kisai-in mikim’ san theih ding om ngei nailo hi. Thungaihsun mi leh pilsinsak sya a tuamtuamte in amau’ zia a tuam tek tawh khiatna kai uhhi. Tua mah bangin theorist tuamtuamte in zong laihilhna ii ngimna leh laihilhziate tawh kisai thulunggeelte leh thuthuk pomziate a thupi tuamtuam genkhiatna nei uh hi. Laihilhsya tampite in zong amau’ thupi ngaihsut thute leh thupaipite bulphuhin laihilhna tawh kisai amau’ thuthuk pomziate leh laihilhziate phuangkhia uh a, tuate in hilh dingin thupi a sak uh thu (siamna, lungsim puakzia, thutheihna, cihte) ahi zong in, kuate hilh sawm cih ahi zongin, bangci hilh dingin geel cih ahi zongin, kilangsak hi. A tawpkhakna ah, a neihtaang uh lungtup kung ahihleh sangnaupangte’ tungah pilsinna a hoih theipen piak ding ahi hi. Eite in pilsinna tawh kisai a kibang lo thuthuk pomziate, theory-te leh sangkhan sunga a zatkhiatziate uh tawh kisai-in dottelna i bawl ding a, tua pen hih thupomziate laihilh syate in pilsinna kilamzia tuamtuamte sungah bangci bangin pankhia thei ding cih a thukzaw-in a theihtel nading uh leh pilsinsak nasepna ah amau’ mimal thuthuk pomziate tawh hong sep theih nading uh ngimna ahi hi.

Hih thusinna in a nuai-a module-te huam hi.

Module 1. Pilsinna leh pilsinna tawh kisai thuthuk pomzia kankhiatna

1.1. Pilsinna ah thuthuk pomzia thupitna

1.2. Sangkhan sunga zat ding pilsinna lam theory-te leh nasepzia zawipi tuamtuamte

Module 2. Pilsinna tawh kisai nang’ mimal thuthuk pomzia phuankhiatana

 2.1. Pilsinna lam thuthuk ngaihsun mipil minthangte leh amaute’ thuthuk pomzia

  2.2. Laihilhna tawh kisai nangma’ mimal thuthuk pomzia phuankhiatna

Kammal dingpite

Kilambehna bulphuh kalsuanzia (Constructivism); Etkak Khinkhaina Theory (Critical Theory); Pilsinna lam thuthuk pomzia, Kisap peelmawh thute a bulphuh kalsuanzia (Essentialism); Mihing panlak dinmun a bulphuh kalsuanzia (Existentialism); Leitungbup ahuamkim ngaihsut thupomzia (Globalization); Sunmang-lungngaih a bulphuh kalsuanzia (Idealism); Makaih sepkhiatna; Khanto thumaan bulphuh kalsuanzia (Perennialism); Khangthak khennelh kalsuanzia (Post-modernism); Muhtheih gah a bulphuh kalsuanzia (Pragmatism); Thupiang thu-om a bulphuh kalsuanzia (Realism); Pilsinna tawh kilamthakna a bulphuh kalsuanzia (Reconstructionism) ; Thu-omzia zui-a kimakaihna

Hih sinna neihtheih na ding akingah kampau tuamtuamte

English version: Exploring Personal Philosophies in Education - https://mmteacherplatform.net/en/e-learning/courses/course4-eng

Myanmar version: ပညာရေးဆိုင်ရာ ကိုယ်ပိုင်အတွေးအခေါ်များကို စူးစမ်းလ... - https://mmteacherplatform.net/en/e-learning/courses/course4-mm

PILSINNA AH MIMAL THUTHUK POMZIATE KANKHIATNA (Zolai- the language of Zomi): https://mmteacherplatform.net/en/e-learning/courses/p-pilsinna-ah-mimal-thuthuk-ngaihsutnate-kankhiatna-course-4-zolai-the-language-of-zomi-p

လီၩ့ဎွါအၪ့ဎၬ နၫ့ဆါဆၧဆီၫ့မီၪ့ကိၪ့ၥ့ၪလၧ ဆၧကိၪ့ဘၪကိၪ့ၥ့ၪ (Pwo Karen): https://mmteacherplatform.net/en/e-learning/courses/font-face-pyidaungsu-li-dawaa-da-n-saasa-sai-mi-ki-l-sa-ki-ba-ki-font

တၢ်ဃုသ့ၣ်ညါမၤလိနီၢ်ကစၢ်အတၢ်ဆိကမိၣ် တၢ်ပၥ်သး ဘၣ်ထွဲဒီး တၢ်ကူၣ်ဘၣ်ကူၣ်သ့ (S'gaw): https://mmteacherplatform.net/en/e-learning/courses/p-exploring-personal-philosophies-in-education-course-4-s-gaw-p

Pyinnya mong lah pyinnya mong ngah-tüh shui k’täih nak (Classic K'Cho): https://mmteacherplatform.net/en/e-learning/courses/p-pyinnya-mong-lah-pyinnya-mong-ngah-tueh-shui-k-taeih-nak-p

Pyinnya mòng lah pyinnya mòng ngah-tüh shui k’täih nak (Modern K'Cho): https://mmteacherplatform.net/en/e-learning/courses/p-pyinnya-mong-lah-pyinnya-mong-ngah-tueh-shui-k-taeih-nak-course-4-modern-k-cho-p

ၵၢၼ်လဵပ်ႈႁဵၼ်းတူၺ်း ပၢႆးဝူၼ်ႉၶပ်ႉသူၼ်ႇတူဝ် ၼႂ်းပၢႆးပၺ်ႇၺႃႇ (Shan): https://mmteacherplatform.net/en/e-learning/courses/p-atl-at-attu-at-p-wu-at-at-thu-at-tuwat-atp-p-at-course-4-shan-p

Hih thusinna in laisinte pilsinna tawh kisai thuthuk pomziate azaina theitelin a tawpna ah pilsinna vai’ adingin amau’ mimal aituam thuthuk pomzia a phuankhiat zawh nadingun kigingkholsak hi.

Hih module na sin khit ciang in anuai-a te na hih thei ding hi.

• Pilsinna ah thuthuk pomzia a thupitzia khinkhai etkakin lungngai  thei ding.
• Thuthuk pomzia a thupipente ahi zongin, pilsinna lam theory-te ahi zongin, tuate sangkhan sungah zatsinzia ding ahi zongin, tomlak thei ding
• Sangkhan sungah pilsinna makai bangin zat thieh ding nasepzia zawipi tuamtuamte ahizongin, tua zawipite a tawsawn theory-te ahi zongin kankhia thei ding
• Na theihsa pilsinna lam thuthuk ngaihsun mipilte leh amau’ hawmkhiat thuthuk pomziate gawmtuah thei ding;
• Pilsinna lam thupi ngaihsutpen thute lungngai-in tuate, na laihilhna vaiheelzia sungah    gawmkhawm thei ding
• Nangma’ mimal laihilhna thuthuk pomzia gelhkhia thei ding.