ပွံက်တန်ဗတောန်ဂမၠိုၚ်

တၚ်ဂၞၚ်ပရေၚ်ဆဵုဂဗမ္ဂးဂှ် ယဝ်ရဒးပတောံၜတ်ကဵု အတိုၚ်နယ်စၟဳစၟတ် သၟာန်သွဟ်လိက် အတိုၚ်အခိုက်ကၞာတၠုၚ်လအာတြေံတြဟ်တေံမ္ဂး ဒှ်တဴအရာမသ္ဂုတ်သွာတ် မချိုတ်ပၠိုတ်မွဲရောၚ် သာ်ဝွံ ညးဂမၠိုၚ်စၟတ်လဝ်အိုတ်ရ။ စၞးဒးထၜးမံၚ်သက်သဳ ဒဒှ်ရ ကွးဘာဂမၠိုၚ်ဂှ် ကၠိုဟ်ခၠၚ်တဴ ပ္ဍဲပရောပရာမဗတောန်လဝ်တအ်ဂှ် ယဝ်ခါရထၜးကဵုသက်သဳ တၚ်ဂၞၚ်ပရေၚ်ဆဵုဂဗ အစောန်စရာဲကွးဘာဂမၠိုၚ် သွက်သ္ဂောံ ကလေၚ်သုၚ်စောဲနဇိုၚ်နတဲ မုဍေံတအ်ကတ်လ္ၚတ်ကၠုၚ်လဝ်မ္ဂး သာတုဲခိုဟ်ရောၚ်။ ယဝ်ရ ဒးထၜးဥပမာမ္ဂး… ပရေၚ်သၟာန်သွဟ်လိက်ဂှ် ဆအယာံမာတ် စၟဳစၟတ်တဴ ဗဟုသုတကွးဘာတအ်မကတ်လ္ၚတ်ကၠုၚ်လဝ် နူကဵုပရောဒဒှ်ဗွဲဇမၠေံမွဲသာ်ကီုလေဝ် တၚ်ဂၞၚ်ပရေၚ်ဆဵုဂဗဟီုဂှ် ပ္ဍဲအရာ မခၞံဗဒှ် ပုံဇမၠေံမွဲမွဲပိုဒ်ဂှ် ဍာ်ဒကေဝ် ကေုာံ ပရေၚ်အစောန်စရာဲခၞံဗဒှ် နူကွးဘာတအ် ဗီုလဵုပါလုပ်ဒၟံၚ်ရောဂှ် ဍေံထၜးပြာကတ်ကဵုရ။ ပ္ဍဲကဵုသွာၚ်ပရေၚ်ပညာဗတောန်ဖျေံ ကေုာံ ပ္ဍဲကဵု တန်ဗတောန် မတုဲကၠုၚ်တေံ မၞုံယၟု “သွက်သ္ဂောံသၠုၚ်ပတိုန် ကွတ်ဍာ်ဒကေဝ်ဂယိုၚ်လမျီုအ္စာ”  ‘TCSF for Teacher Professional Development’ တေံဂှ် အ္စာညးမဒှ်တၟိတၟိတအ်ဂှ် ဒးဒုၚ်သ္ဂုတ်သွာတ်တဴ နကဵုတၚ်ဂၞၚ်ဍာ်ဒကေဝ်သ္ပအစာံ ညံၚ်ရဴပ္ဍဲကဵု မူဝါဒ ဍာ်ဒကေဝ်မသ္ပအစာံ သွက်အ္စာမၞုံကၟိန်ဍုၚ်ဗမာဂမၠိုၚ် (TCSF) ကီု ညးတအ်ဂှ် တၚ်ဂၞၚ်ပရေၚ်ဆဵုဂဗ ဗတောန်ဖျေံ နဒဒှ်ကမၠောန်ဂယိုၚ်လမျီုတအ်ဂှ် ထၜးသက်သဳတုဲ သၠုၚ်ပတိုန်မာန်အိုတ်ရ။ တန်ဗတောန်ဝွံ ဒုၚ်သဇိုၚ်ကဵု “သွက်သ္ဂောံသၠုၚ်ပတိုန် ကွတ်ဍာ်ဒကေဝ်ဂယိုၚ်လမျီုအ္စာ”   ကေုာံ ကဵုအခေါၚ်အ္စာဂမၠိုၚ်သွက်သ္ဂောံ ဂၠိုက်ဂၠါဲသ္ၚဳဂၠိပ် သွာၚ်ဗွဲမဂၠိုၚ်ဂၠၚ် ပရောပရာ နနယ်သာ်လဵု ကေုာံ မုဟိုတ် တၚ်ဂၞၚ်ပရေၚ်ဆဵုဂဗတအ်ဂှ် ဒးသုၚ်စောဲတဴ နဒဒှ်တၚ်ဂၞၚ်သ္ပအစာံသွက်သ္ဂောံသ္ဂုတ်သွာတ်တအ်ကီု သီုကဵု သွက်သ္ဂောံ သ္ၚဳရံၚ်တဴ နဒဒှ်ဥပမာ ကုအ္စာတၟိတၟိ ညးမဒှ်စပတန် ဗတောန်ဖျေံလိက်ဂမၠိုၚ်တအ်ဂှ် သုၚ်စောဲတဴ တၚ်ဂၞၚ်ပရေၚ်ဆဵုဂဗတအ်ဏအ် သွက်သ္ဂောံသ္ၚဳဂၠိပ်တဴ အစောန်စရာဲဗတောန်ဖျေံညးတအ်လေဝ် နွံမာန်အိုတ်ကီုရ။ ပ္ဍဲကဵုတန်ဗတောန်ဝွံ မဝ်ဂျူမစၞောန်ထၜးလဝ် ဗွဲသၟဝ်တေံ ပါလုပ်အိုတ်ရ။

မဝ်ဂျူ ၁။ ဆက်မိတ် စၟဳစၟတ်သ္ဂုတ်သွာတ် ပရေၚ်ဆဵုဂဗ သွာၚ်ကတ်လ္ၚတ်ဂမၠိုၚ်

၁.၁။ ပရေၚ်ဆဵုဂဗ သွာၚ်ကတ်လ္ၚတ်ဂမၠိုၚ် စၟဳစၟတ်တဴ ပရေၚ်ကတ်လ္ၚတ်တုဲ (AoL) ကေုာံ အဃောကတ်လ္ၚတ် (AfL) ဂမၠိုၚ်

၁.၂။ ဂကူ၊ ဂုဏ်ဖဵု ကေုာံ တၚ်ကော်ဆော စၟဳစၟတ်တဴ ပရေၚ်ဆဵုဂဗ သွာၚ်ကတ်လ္ၚတ်ဂမၠိုၚ်

၁.၃။ ကဵုတဴစၟတ် ပရေၚ်ဆဵုဂဗ သွာၚ်ကတ်လ္ၚတ်ဂမၠိုၚ်

မဝ်ဂျူ ၂။ ပရေၚ်ဆဵုဂဗ သွာၚ်ဗတောန်ဖျေံ ကဆံၚ်ဂယိုၚ်လမျီုမာန်ဂမၠိုၚ်

၂.၁။ လၟေၚ်ကမၠောန် ကတ်လ္ၚတ်၊ ကလေၚ်သုၚ်စောဲ ကေုာံ ကလေၚ်သ္ၚဳဂၠိပ်

၂.၂။ ပကောံပကေဝ်တၚ်ဂၞၚ် ပရေၚ်ဆဵုဂဗ သွာၚ်ဗတောန်ဖျေံ ကဆံၚ်ဂယျိုၚ်လမျီုမာန်ဂမၠိုၚ်

ဝေါဟာရ မဒှ်အဓိကဂမၠိုၚ်

စၟဳစၟတ်တဴ ပရေၚ်ကတ်လ္ၚတ်တုဲ (AoL)၊ စၟဳစၟတ်တဴ အဃောကတ်လ္ၚတ် (AfL)၊ မူဝါဒ ဍာ်ဒကေဝ်မသ္ပအစာံ သွက်အ္စာကၟိန်ဍုၚ်ဗမာဂမၠိုၚ်၊ ကဆံၚ်စရာဲဍာ်ဒကေဝ် မသ္ပအစာံဂမၠိုၚ်၊ ပွဳဗွိုၚ် အပိုၚ်အခြာသ္ကုတ်ဂမၠိုၚ်၊ တၚ်နွံပၟိက် အောန်အိုတ်(ဗွဲတွဵုမယုတ်ဂမၠိုၚ်)၊ တၚ်စၞောန်ပ္ညုၚ်ဂမၠိုၚ်၊ ပရေၚ်ဖောအ်ဗြေဝ်တောတက် ကွတ်ဍာ်ဒကေဝ် ဂယိုၚ်လမျီု၊ ပရောပရာတၚ်ဂၞၚ်ပရေၚ်ဆဵုဂဗဂမၠိုၚ်၊ တၚ်လလောၚ် ကေုာံ လညာတ် ပ္ဍဲပရေၚ်ဗတောန်ဖျေံဂမၠိုၚ်၊   သ္ၚဳဂၠိပ် မူဝါဒသ္ပအစာံ ကဆံၚ်စရာဲဍာ်ဒကေဝ် သွက်အ္စာဂမၠိုၚ်။

တန်ဗတောန်ဝွံ နကဵုဘာသာကောန်ဍုၚ်အရၚ်ဗွဲသၟဝ်ဝွံလေဝ် တိုန်စိုပ်ကတ်လ္ၚတ်မာန်ကီုရ။

သင်ယူမှုအထောက်အထားမှတ်တမ်းဖြင့် စစ်ဆေးအကဲဖြတ်ခြင်း - https://mmteacherplatform.net/en/e-learning/courses/p-span-style-font-family-pyidaungsu-font-size-16px-thinyumhuataaukataamhattanko-sitsaeakepayatkhyin-draft-span-br-p
Portfolio Assessment - https://mmteacherplatform.net/en/e-learning/courses/p-portfolio-assessment-br-p
ၵၢၼ်ထတ်းထိၼ် ၽိုၼ်တမ်းၵၢၼ်ႁဵၼ်း  (Shan) - https://mmteacherplatform.net/en/e-learning/courses/attaattai-at-o-attan-at-at-course-14-shan
ဖီးဖိလံးယိ (Portfolio) အတၢ်သမံသမိးအကျဲ (S'gaw Karen) - https://mmteacherplatform.net/en/e-learning/courses/paipailanyi-portfolio-at-atthmanthmiakyae-course-14-s-gaw-karen
စူၭကီၪ့ဆၧမၩဆၧဘဲၩ့ဖၭ (Pwo Karen) - https://mmteacherplatform.net/en/e-learning/courses/su-ki-sa-m-sa-bae-pa
Hkaja lam matsing sumhting jahpan jai lang let masam maram ai lam (Jinghpaw) - https://mmteacherplatform.net/en/e-learning/courses/hkaja-lam-matsing-sumhting-jahpan-jai-lang-let-masam-maram-ai-lam
SIAMTEHNA THUBU ZANGIN SITTEL MATPIAKNA (Zolai- the language of Zomi) - https://mmteacherplatform.net/en/e-learning/courses/siamtehna-thubu-zangin-sittel-matpiakna-course-14-zolai-the-language-of-zomi

တၚ်ရန်တၟအ် တန်ဗတောန်ဂမၠိုၚ်

တန်ဗတောန်ဝွံ ရန်တၟအ်ကဵု သွက်သ္ဂောံဖန်ဗဒှ်ကဵု အ္စာဂမၠိုၚ် မွဲဟာန်ကေုာံ ညံၚ်သ္ဂောံကၠိုဟ်ခၠၚ်တဴ ပ္ဍဲအရာ တၚ်ဂၞၚ်ပရေၚ်ဆဵုဂဗဂမၠိုၚ် ဗွဲမသၠဲလး နဒဒှ် ကြိယာဗာ သွက်သ္ဂောံသ္ဂုတ်သွာတ်မွဲဂကူကီု၊ သွက်သ္ဂောံ စၟဳစၟတ်တဴ ဍာ်ဒကေဝ်ကမၠောန်ဂကောံကွးဘာဂမၠိုၚ်ကေုာံ နဒဒှ် အကာဲအရာအရပ်အစပ်ကြိယာဗာ သ္ဂုတ်သွာတ် အ္စာမဗတောန်ဖျေံဂမၠိုၚ် သီုၜါဂကူဝွံလေဝ် ညံၚ်သ္ဂောံသုၚ်စောဲမာန် ရန်တၟအ်လဝ်ရ။

ပ္ဍဲကဵုလအိတ်မဝ်ဂျူဝွံ ပိုယ်တအ်သၟဟ်အစောံတဴ ပ္ဍဲအရာ..

• ပါ်တၟေၚ် ပွမသ္ဂုတ်သွာတ် ဒုၚ်သဇိုၚ်ကဵု ဂကူပရေၚ်ဆဵုဂဗၜါဂကူတအ် မာန်ကၠုၚ်ကီု။
• ပရေၚ်စၟဳစၟတ် ဒုၚ်သဇိုၚ်ကဵုပရေၚ်ဆဵုဂဗဝွံဂှ် ဗီုလဵုဍေံဒှ်ဂုဏ်ဖဵုကဵု ပ္ဍဲအရာ စၟဳစၟတ်တဴ ပရေၚ်ကတ်လ္ၚတ်တုဲ (AoL) ကေုာံ စၟဳစၟတ်တဴ အဃောကတ်လ္ၚတ် (AfL) သီုၜါတအ်မာန်ဂှ် သောၚ်ကလးကဵုမာန်ကီု။
• ပ္တိတ်ကဵု သရုပ်စရၚ် မဒှ်ဂုဏ်ဖဵု ကေုာံ တၚ်ကော်ဆော ပ္ဍဲအရာသုၚ်စောဲတဴ ပရေၚ်ဆဵုဂဗကတ်လ္ၚတ်တအ်ဂှ် နဒဒှ် ကပေါတ်ကြိယာဗာ သွက်သ္ဂောံစၟဳစၟတ်သ္ဂုတ်သွာတ်တအ်ကီု။
• ပါ်တၟေၚ်ကၠေံ ကြိယာဗာ နယ်ကယ်ကဵုတဴစၟတ် သွက်သ္ဂောံ ပ္တန်ကဵုကဆံၚ် ပရေၚ်ဆဵုဂဗကတ်လ္ၚတ်ကီု။
• စၟဳစၟတ်တဴ လၟေၚ်ကမၠောန်မ္ဂး..”ကတ်လ္ၚတ်.. ကလေၚ်သုၚ်စောဲ.. ကလေၚ်သ္ၚဳဂၠိပ်” တအ်ကီု။
• ပါ်တၟေၚ်ပတိတ်တဴ လၟေၚ်ကမၠောန်သ္ၚဳဂၠိပ် “ဂေပ် (Gibb)” နကဵုကဆံၚ်ကဆံၚ်ကီု
• သဳကၠဳတဴ ဂုဏ်ဖဵု သ္ၚဳဂၠိပ် သွက်အ္စာ ကေုာံ ကောန်ကွးဘာဂမၠိုၚ်ကီု
• သ္ၚဳဂၠိပ်တဴ ဍာ်ဒကေဝ်အစောန်စရာဲ ပ္ဍဲကဵု မူဝါဒ ဍာ်ဒကေဝ်မသ္ပအစာံ သွက်အ္စာမၞုံကၟိန်ဍုၚ်ဗမာ ဂမၠိုၚ်ကီု
• ပါ်တၟေၚ်ကၠေံ ဂကူသက်သဳသာဓက ဍေံပံၚ်စုတ်ပါလုပ်မာန် ပ္ဍဲကဵု တၚ်ဂၞၚ်ပရေၚ်ဆဵုဂ သွာၚ်ဗတောန်ဖျေံ ကဆံၚ်ဂယိုၚ်လမျီုမာန် ညံၚ်ရဴ မဆက်စပ်တဴ ပ္ဍဲအရာ စၟဳစၟတ်တဴ  မူဝါဒ ဍာ်ဒကေဝ်မသ္ပအစာံ သွက်အ္စာမၞုံကၟိန်ဍုၚ်ဗမာ ဂမၠိုၚ်ကီုရောၚ်။