ဤဘာသာရပ်သည် မြန်မာနိုင်ငံအတွက် မျှော်မှန်းထားသော နိုင်ငံသားများနှင့် လူ့ဘောင်အဖွဲ့အစည်း ဖြစ်ထွန်းလာစေရန် အခြေခံပညာရေးသင်ရိုးညွှန်းတမ်းတွင် ထည့်သွင်းပျိုးထောင်ထားသည့် တန်ဖိုးထားမှုများနှင့် သဘောထားများကို စံနမူနာအဖြစ်ပြသခြင်းမှတစ်ဆင့် အမျိုးမျိုးသော သင်ယူမှုနယ်ပယ်များနှင့် ဘာသာရပ်များ သင်ကြားရာတွင် လိုအပ်သော ကျွမ်းကျင်မှုများရရှိအောင် ကျောင်းသားများအား ပြင်ဆင်ပေးမည်ဖြစ်သည်။ ထို့ပြင် ဤဘာသာရပ်သည် ကျောင်းသားများ၏ သမိုင်းနှင့် ပထဝီဝင်ဆိုင်ရာ လေ့လာစူးစမ်းမှု အရည်အချင်းများကို ဖွံ့ဖြိုးတိုးတက်စေမည်ဖြစ်သည်။ ၎င်းတို့၏ လေ့လာမှုများမှတစ်ဆင့် ယနေ့ကမ္ဘာနှင့် လူသားတို့၏ ဘဝများအပေါ် ဒေသတွင်း၊ ပြည်တွင်းနှင့် နိုင်ငံတကာပတ်ဝန်းကျင်၊ လူမှုအဖွဲ့အစည်းနှင့် ယဉ်ကျေးမှု အသွင်ဆင်တူမှု၊ ကွဲပြားမှုများက မည်ကဲ့သို့သက်ရောက်သည်ကို စတင်နားလည်လာလိမ့်မည်ဖြစ်သည်။ ဤသို့သော နားလည်သဘောပေါက်မှုသည် နိုင်ငံအတွင်း မတူကွဲပြားမှုများကို အင်အားတစ်ရပ်အနေဖြင့် တန်ဖိုးထား၍ မြန်မာနိုင်ငံသားများအဖြစ် ငြိမ်းချမ်းစွာယှဉ်တွဲနေထိုင်နိုင်မည့် နည်းလမ်းတစ်ခုကို မြှင့်တင်နိုင်ရန်အတွက် ကျောင်းသားများကို လမ်းညွှန်ပေးနိုင်မည် ဖြစ်သည်။ ကျောင်းသားများ အလယ်တန်းကျောင်းများတွင် ဝင်ရောက်လုပ်ကိုင်သောအခါ၌ ကျောင်းသင်ရိုးညွှန်းတမ်း၏ ယခုကဏ္ဍကိုသင်ကြားနိုင်ရန် အတွက်လည်း ဤဘာသာရပ်က ကြိုတင်ပြင်ဆင်ပေးမည် ဖြစ်ပါသည်။ ပညာရေးဒီဂရီကောလိပ် သင်ရိုးညွှန်းတမ်းမူဘောင်အရ ၎င်းတို့သည် ပထမနှစ်နှင့် ဒုတိယနှစ်တွင် လူမှုရေးဘာသာရပ်နှင့် ပတ်သက်သည့် အခြေခံဗဟုသုတများ ဖွံ့ဖြိုးလာရန်နှင့် လူမှုရေးဘာသာရပ်ကို သင်ကြားရန်အတွက် အခြေခံသင်နည်းဗေဒဆိုင်ရာ အသိပညာများ ဖွံ့ဖြိုးလာစေရန် မျှော်မှန်းထားပါသည်။ တတိယနှစ်နှင့် စတုတ္ထနှစ်တွင်မူ လူမှုရေးဘာသာရပ်ဆိုင်ရာ ပိုမိုနက်နဲသော အသိပညာဗဟုသုတများ ထပ်မံဖွံ့ဖြိုးလာပြီး လူမှုရေးဘာသာရပ်ကိုပိုမို၍ စနစ်တကျနားလည်မှု၊ လမ်းညွှန်မှုနှင့် စစ်ဆေးအကဲဖြတ်မှုတို့ကို ရရှိလာလိမ့်မည်ဖြစ်ပါသည်။
If you have not logged in, please to leave a review.
ဤဘာသာရပ်သည် မြန်မာနိုင်ငံအတွက် မျှော်မှန်းထားသော နိုင်ငံသားများနှင့် လူ့ဘောင်အဖွဲ့အစည်း...
ပိုမိုလေ့လာမည်ဤဘာသာရပ်သည် မြန်မာနိုင်ငံအတွက် မျှော်မှန်းထားသော နိုင်ငံသားများနှင့် လူ့ဘောင်အဖွဲ့အစည်း...
ပိုမိုလေ့လာမည်You can read Myanmar Version.Accessible online: https://www.idea.int/publications/c...
ပိုမိုလေ့လာမည်