အဓိပ္ပာယ်ဖြည်ထုတ်ခြင်း (decode)၊ စူးစမ်းရှာဖွေမှု အခြေပြု သင်ယူမှု (inquiry-based learning)၊ အကြောင်းအရာ ဆက်သွယ်ပြပုံစံ/ စိတ်ကူးပုံဖော်ခြင်း (mind map)၊ ရုပ်ပုံဖော်ကြည့်ခြင်း (visualisation)၊ 5Es၊ လိုက်လျောညီထွေ ရှင်သန်မှု (adaptation)၊ ခန္ဓာကိုယ်အပေါ်လွှာများ (body covering)၊ အရေပြားလွှာ (dermis)၊ အရေပြားအပေါ်ယံလွှာ (epidermis)၊ အပြင်အရိုးငြမ်း (exoskeleton)၊ အင်္ဂါရပ် (feature)၊ အကြေးခွံ (scale)၊ အရွယ်ရောက်ချိန် (puberty)၊ အမန်တန်နိယာမ (Amonton’s law)၊ ပုံဆောင်မဲ့ (amorphous)၊ အဗိုဂါဒရိုနိယာမ (Avogadro’s law) ၊ ဘွိုင်းလ်နိယာမ (Boyle’s law)၊ ချားလ်စ်နိယာမ (Charles’ law)၊ ပုံဆောင်ခဲ အသွင်ဆောင်သော (crystalline)၊ ဟိုက်ဒြိုဂျင် (Hydrogen) ၊ ဟိုက်ဒြိုဂျင်ပါအောက်ဆိုက်ဒ် (hydrogen peroxide) ၊ မဂ္ဂနီဆီယမ် (magnesium)၊ မိုးလ်အပိုင်းဂဏန်း (mole fraction) ၊ စံတိုက်ခြင်း (titration)၊ အမ်ဖီပတ်သစ်မော်လီကျူး၊ ပျော်ဝင်ပစ္စည်း၊ ပျော်ဝင်နိုင်စွမ်း၊ ဖျော်ရည်၊ ဆိုင်းရည်၊ အရှိန်(acceleration)၊ ဖိအား (pressure)၊ ခုခံမှု(resistance)၊ စကေလာ (scalar)၊ အမြန်(speed)၊ ဗက်တာ (vector)၊ အလျင်(velocity)၊ အရွေ့(displacement)။

• မူလတန်းသိပ္ပံဘာသာရပ်၏ ရည်မှန်းချက်များ၊ မူလတန်းသိပ္ပံ ပြဋ္ဌာန်းစာအုပ်များနှင့် ဆရာလမ်းညွှန်၏ဖွဲ့စည်းပုံကို ပြန်လည်သုံးသပ်တတ်မည်။
• မူလတန်း သိပ္ပံသင်ရိုးမာတိကာ၏ သင်ကြားမည့်အကြောင်းအရာများနှင့် သင်ကြားမှုအစီအစဉ်များကို ရှင်းပြတတ်မည်။
• သိပ္ပံဘာသာရပ်ရှိ စူးစမ်းရှာဖွေမှုအခြေပြု သင်ယူခြင်း၏ သဘောတရားများနှင့် လုပ်ငန်းစဉ်များကို ရှင်းပြတတ်မည်။
• စူးစမ်းရှာဖွေရာတွင် အသုံးပြုသည့် သိပ္ပံဆိုင်ရာကျွမ်းကျင်မှုများနှင့် စူးစမ်းလေ့လာမှုအမျိုးအစားများကို သတ်မှတ်ဖော်ထုတ်တတ်မည်။
• မူလတန်းအောက်ဆင့် ကျောင်းသားများ၏ သိပ္ပံနည်းကျဆောင်ရွက်ပုံများကို တိုးတက်ကောင်းမွန်စေမည့် နည်းလမ်းများကို ဆွေးနွေးတတ်မည်။
• သင်ယူစဉ်နှင့် သင်ကြားပြီး စစ်ဆေးအကဲဖြတ်ခြင်းနည်းလမ်းများနှင့် တုံ့ပြန်အကြံပြုချက်များကို သတ်မှတ်ဖော်ထုတ်တတ်မည်။
• ပူးပေါင်းဆောင်ရွက်သင်ကြားခြင်းဖြင့် မူလတန်းကျောင်းသားများ၏ ပူးပေါင်းဆောင်ရွက်မှုဆိုင်ရာ ကျွမ်းကျင်မှုများနှင့် တစ်ကိုယ်ရေတိုးတက်မှုတို့ကို မည်သို့ ပျိုးထောင်နိုင်ကြောင်း ရှင်းပြတတ်မည်။
• မူလတန်းအောက်ဆင့် သင်ပြမှုပုံစံများရေးဆွဲနည်းကိုလေ့လာရမည်ဖြစ်ပြီး 5Es နမူနာပုံစံဖြင့် ထိရောက်သော သင်ခန်းစာရေးဆွဲနည်းကို ဒီဇိုင်းဆွဲအသုံးပြုတတ်မည်။
• အပင်များ၏ ပြင်ပအစိတ်အပိုင်းများနှင့် ၎င်းတို့ပေါက်ရောက်ရှင်သန်ရာ ဒေသများအလိုက် အပင်အမျိုးအစားများကို ဖော်ပြတတ်မည်။
• လူသားအပါအဝင်သက်ရှိသတ္တဝါများ၏ ခန္ဓာကိုယ်အပေါ်လွှာအမျိုးအစားများကို ရှင်းပြပြီး စူးစမ်းလေ့လာတတ်မည်။
• သက်ရှိသတ္တဝါများ၏ ခန္ဓာကိုယ်ရွေ့လျားနိုင်မှုအမျိုးမျိုးကို ဖော်ပြတတ်မည်။
• လူ့ခန္ဓာကိုယ်၏ ပြင်ပအစိတ်အပိုင်းများနှင့် ၎င်းတို့ကို မည်သို့အသုံးပြုကြောင်း ရှင်းပြတတ်မည်။
• အရွယ်ရောက်ချိန်တွင် လူသားများ၌ ဖြစ်ပွားသော ရုပ်ပိုင်းဆိုင်ရာနှင့် ဓာတ်ပိုင်းဆိုင်ရာပြောင်းလဲမှုများကို ရှင်းပြတတ်မည်။
• သက်ရှိသတ္တဝါများနှင့် လူသားများ၏ ဇီဝကမ္မဆိုင်ရာလိုအပ်ချက်များကို ဖော်ပြတတ်မည်။
• လူ့အစာခြေစနစ်၏ လုပ်ဆောင်ချက်များကို ရှင်းပြတတ်ပြီး သက်ရှိသတ္တဝါများ၏ အစာခြေစနစ်များကို နှိုင်းယှဉ်ကြည့်တတ်မည်။
• မတူညီသော သဘာဝပတ်ဝန်းကျင်များတွင် ရာသီအလိုက် ပြောင်းလဲမှုများဖြစ်ပေါ်စေသောအချက်များကို ထည့်သွင်းစဉ်းစားတတ်ပြီး ရာသီအလိုက်အခြေအနေများနှင့် မိုးလေဝသ၏ အကျိုးသက်ရောက်မှုကို သတ်မှတ်ဖော်ထုတ်တတ်မည်။
• လေ့လာခဲ့သည့် သိပ္ပံဆိုင်ရာအသိသညာများကို ပထမတန်း/ဒုတိယတန်းအတွက် သင်ကြားမှုရင်းမြစ်များ ဖန်တီးတတ်မည်။
• ဒြပ်အခြေအနေအမျိုးမျိုး၏ ပြောင်းလဲမှုများကို ရှင်းပြတတ်မည်။
• ပုံဆောင်ခဲအသွင်ဆောင်သော အစိုင်အခဲနှင့် ပုံဆောင်ခဲအသွင်မဆောင်သော အစိုင်အခဲကို အဓိပ္ပာယ်ဖွင့်ဆိုတတ်မည်။
• ဒြပ်ဝတ္ထု၏အရည်အခြေအနေနှင့် ရုပ်ခြေပြစည်းကို ရှင်းပြတတ်မည်ဖြစ်သည်။
• အက်စစ်-ဗေ့စ် စံတိုက်ခြင်းကို အခြေခံ၍ ပျော်ရည်တစ်ခု၏ပြင်းအားကို တွက်ချက်တတ်မည်။
• စံနှုန်းကိုက်ဓာတ်ငွေ့နှင့် နိယာမကို ဖော်ထုတ်တတ်မည်။
• မိုးလ်အပိုင်းဂဏန်းကို အဓိပ္ပာယ်ဖွင့်ဆိုတတ်ပြီး ပေးထားသောပုစ္ဆာများကို ဖြေရှင်းတတ်မည်။
• ဓာတ်ခွဲခန်းတွင် ဟိုက်ဒြိုဂျင်ဓာတ်ငွေ့ထုတ်ဖော်ပုံကို သရုပ်ပြသင်ကြားတတ်မည်။
• ပျော်ရည်အမျိုးအစားများကို နှိုင်းယှဉ်ကြည့်တတ်ပြီး ပျော်ဝင်နိုင်စွမ်းကို အဓိပ္ပာယ်ဖွင့်ဆိုတတ်မည်။
• ပျော်ရည်နှောများ၊ ဆိုင်းရည်နှင့်ပျော်ရည်တို့၏ ဂုဏ်သတ္တိများကို ဥပမာများဖြင့် ဖော်ပြတတ်မည်။
• လူမှုအဖွဲ့အစည်းတွင် ဓာတုဗေဒ၏ အဓိကကျသော အခန်းကဏ္ဍကို တန်ဖိုးထားတတ်မည်။
• မူလတန်းကျောင်းသားများ၏အသိပညာ ဖွံ့ဖြိုးတိုးတက်စေရန် ၎င်းတို့၏ နေ့စဉ်ဘဝနှင့်ချိတ်ဆက်၍ ဓာတုဗေဒအကျိုးပြုများနှင့် ဓာတုဘေးဥပဒ်များအကြောင်းကို သင်ကြားလာနိုင်မည်။
• စကေလာတန်ဖိုးနှင့် ဗက်တာတန်ဖိုးများကို ဖော်ပြတတ်မည်။
• အကွာအဝေး၊ အရွေ့၊ အမြန်၊ အလျင်နှင့် အရှိန်တို့အကြား ကွဲပြားခြားနားချက်ကို ရှင်းပြတတ်မည်။
• အငွေ့နှင့်အရည်တို့တွင်ရှိသော ဖိအားများကို ဖော်ပြတတ်မည်။
• ပါစကယ်၏ နိယာမနှင့် နေ့စဉ်ဘဝတွင် ၎င်း၏ အသုံးဝင်ပုံကို ရှင်းပြတတ်မည်။
• အရာဝတ္ထုများအပေါ် ကမ္ဘာ့ဆွဲအား၏ သက်ရောက်မှုနှင့်အတူ ဒြပ်ထုနှင့် အလေးချိန်ကြား ကွဲပြားခြားနားချက်ကို ရှင်းပြတတ်မည်။
• အာခီးမီးဒီးစ်၏ နိယာမကိုအသုံးပြုတတ်မည်။
• လှိုင်းများ၏ ဝိသေသလက္ခဏာများကို ဖော်ပြတတ်မည်။
• လက်တွေ့စမ်းသပ်ခြင်းမှတစ်ဆင့် တုန်ခါမှုနှင့်အကွာအဝေးတို့ကိုမူတည်၍ အသံအဆင့်များကို စူးစမ်းလေ့လာတတ်မည်။
• အလင်းရင်းမြစ်များကို သတ်မှတ်ဖော်ထုတ်တတ်မည်။
• အလင်းသည် ကြေးမုံခုံးနှင့် ကြေးမုံခွက်တို့ကိုဆုံသောအခါ ဖြစ်ပေါ်လာသော အလင်းလမ်းကြောင်းများကိုပြရန် ပုံများကို အသုံးပြုတတ်မည်။
• တည်ငြိမ်လျှပ်စစ်နှင့် ရွေ့လျားလျှပ်စစ်တို့ကို နှိုင်းယှဉ်ကြည့်တတ်မည်ဖြစ်ပြီး ဥပမာများ ပေးတတ်မည်။
• ကူးလောင်း၏ နိယာမကို အသုံးပြုတတ်မည်။
• အပူချိန်ကို ဆဲလ်စီးယပ်နှင့် ဖာရင်ဟိုက်စကေးလ်ဖြင့် တိုင်းတာတွက်ချက်တတ်မည်။
• အပူပွမြှောက်ဖော်ကိန်းများကို သုံးပြီး အလျားရှည်ခြင်း၊ ဧရိယာပြန့်ခြင်းနှင့် ထုထည်ပွခြင်းတို့ကို ဆန်းစစ်တတ်မည်။
• လေထုအတွင်းအပူစီးကူးမှုဖြစ်စဉ်၊ ဥတုရာသီနှင့် မိုးလေဝသပုံစံများအပေါ် သက်ရောက်မှုတို့ကို ရှင်းပြတတ်မည်။
• နေအဖွဲ့အစည်း၏အဓိကကျသော ဂြိုလ်များတွင် ရှိသည့် ကွဲပြားခြားနားချက်များကို စူးစမ်းရှာဖွေတတ်မည်။
• ဘာသာရပ်ဆိုင်ရာ အသိသညာများကို အသုံးပြုပြီး မူလတန်းအဆင့် ပထမတန်း၊ ဒုတိယတန်းကျောင်းသားများအတွက် ထိရောက်သော သိပ္ပံသင်ကြားမှုလုပ်ငန်းစဉ်များ ဖန်တီးရေးဆွဲတတ်မည်။