Hih, Sepkhop Laisinna leh Sepkhop-Panpih Laisinna tungtawnin Sangnaupangte’ Sepkhiatzia Puahtohna, cih thusinna pen pilsinsakte in sang inndei sungah sepkhop laisinna leh sepkhop-panpih laisinna zawipite ahi zongin, vaiheelziate ahi zongin, muibuntak pankhia-in a khansak theih nadingun amau’ tungah thutheihna leh siamnate guat nadingin a kigeel ahi hi. Hih thusinna sungah a nuai-a module-te kihel hi.

Module 1. Sepkhop Laisinna Muibut nading Zawipite

1.1.Sepkhop laisinna leh a phattuamnate theihtelna

1.2.Sepkhop laisinna venghuam lamzia ding

Module 2.Sang Inndei’ ading Sepkhop-Panpih Laisinna Sepkhiat Gamtatte Geelkholhna

2.1.Sepkhop-panpih laisinna i cih in

2.2.Sangnaupang tuamtuamte’ ading sinkhop-panpih laisinna a namnamin khenna

Module 3.Sepkhop Laisinna leh Sepkhop-Panpih Laisinna ah Sepkhiatzia Puahtohzia Ding

3.1.Veelcianna zialedante zatkhiatna

3.2.Tonate kantan zawhna

Kammal Dingpite

Sittel malgualhte leh sittelzia thumeilette, sepkhop laisinna vengnuam, sepkhop-panpin laisinna kilamzia, beelpawl thukankhiatna, veelcianna zialedante, khangualpih leh mahlemah sittel matpiakna, sangnaupangte’ sepkhiatzia etkak khinkhaina, Ngaihsun-Pawlkop-Hawmsawn (Think-Pair-Share), VARK laisin zialetong (VARK learning styles).

Hih sinna neihtheih na ding akingah kampau tuamtuamte

Improving Student’s Performance Through Collaborative And Cooperative Learning: https://mmteacherplatform.net/en/e-learning/courses/p-improving-student-s-performance-through-collaborative-and-cooperative-learning-p

ပူးပေါင်းဆောင်ရွက်သင်ယူခြင်းနှင့် ပူးပေါင်းပါဝင်လုပ်ဆောင်သင်ယူခြင်းဖြင့် ကျောင်းသားများ၏ စွမ်းဆောင်ရည်ကို ဖွံ့ဖြိုးတိုးတက်စေခြင်း: https://mmteacherplatform.net/en/e-learning/courses/p-improving-student-s-performance-through-collaborative-and-cooperative-learning-mm-p

ဢဝ်ၵၢၼ်ႁဵၼ်း ဢၼ်မီးလွင်ႈႁူမ်ႈႁွမ်းၵၼ်သၢင်ႈ လႄႈ ဢၼ်ၸွၺ်ႈၵၼ်သၢင်ႈသေယဝ်ႉ ယုၵ်ႉမုၼ်း လမ်ႉၵတ်ႉႁႅင်းသၢင်ႈလုၵ်ႈႁဵၼ်း(Shan)- https://mmteacherplatform.net/en/e-learning/courses/wat-at-at-atmilwin-uan-un-atth-in-l-at-w-at-atth-in-theywat-yu-at-mu-at-lan-at-inth-in-lu-at-at-course-12-shan

သၠုၚ်ပတိုန်ဍာ်ဒကေဝ်ကွးဘာ နူပရေၚ်ကတ်လ္ၚတ် နနယ်ပါလုပ်မွဲကရောံ ကေုာံ နယ်ပံၚ်ကောံကၠောန်ဗဒှ် (Mon)- https://mmteacherplatform.net/en/e-learning/courses/th-u-atptoandaatdkewatkwbaa-nupyae-atkatl-at-nnepalokmwekyaawan-keuaan-nepan-atkawank-awanbdhat-course-12-mon

Vunvai biloh ng’thei ng’thang nak lah vunvai cum boi ng’thei ng’thang nak on kyawng k’kai gui ah m’yung k’tha hlüng tai hlak nak (Classic K'Cho)- https://mmteacherplatform.net/en/e-learning/courses/vunvai-biloh-ng-thei-ng-thang-nak-lah-vunvai-cum-boi-ng-thei-ng-thang-nak-on-kyawng-k-kai-gui-ah-m-yung-k-tha-hlueng-tai-hlak-nak-course-12-classic-k-cho

Vunvai biloh ng’thei ng’thàng nak lah vunvai cum bòi ng’thei ng’thàng nak on kyawng k’kài gui ah m’yung k’thá hlüng tài hlak nak (Modern K'Cho)- https://mmteacherplatform.net/en/e-learning/courses/vunvai-biloh-ng-thei-ng-thang-nak-lah-vunvai-cum-boi-ng-thei-ng-thang-nak-on-kyawng-k-kai-gui-ah-m-yung-k-tha-hlueng-tai-hlak-nak-course-12-modern-k-cho

တၢ်မၤဂ့ၤထီၣ်ကၠိဖိအတၢ်မၤလိန့ၢ်တၢ်အကျိၤအကျဲခီဖျိ တၢ်မၤလိတၢ်လၢအမ့ၢ် တၢ်ဖံးသကိးမၤသကိးဃုၥ်တၢ် ဒီးတၢ်မၤသကိးတၢ်ဃူဃူဖိးဖိး (S'gaw Karen)- https://mmteacherplatform.net/en/e-learning/courses/t-atm-g-tai-atk-ipaiat-atm-lin-att-atakyai-akyaekhipayai-t-atm-lit-atl-am-at-t-atpaanthkim-thkigau-att-at-dit-atm-thkit-atgaugaupaipai

ဒုၭထီၫထၪ့ဆၧမၩလိၪဖိၪဆၧဒုၭဖျီၪထၪ့ဆၧမၩ ခၫ့ဖျီၫ့လၧ မၩဎိၭလၩ့ဆၧဆၧမၪလိၪ ဒဲ နုၬလၩ့မၩဆၧၩ့ဆၧဆၧမၩလိၪ (Pwo Karen)- https://mmteacherplatform.net/en/e-learning/courses/du-tai-ta-sa-m-li-pai-sa-du-payai-ta-sa-m-kh-payai-l-m-dai-l-sa-sa-m-li-de-nu-l-m-sa-sa-sa-m-li-course-12-pwo-karen

SEPKHOP LEH PANKHOP LAISINNA TUNGTAWNIN SANGNAUPANGTE' SEPKHIATZIA PUAHTOHNA (Zolai- the language of Zomi)- https://mmteacherplatform.net/en/e-learning/courses/sepkhop-leh-pankhop-laisinna-tungtawnin-sangnaupangte-sepkhiatzia-puahtohna-course-12-zolai-the-language-of-zomi

Rau jawm galaw ai lam hte rau jawm shanglawm hkaja ai lam a marang e jawmgma ni a galaw lu ai atsam ningja hpe kunghpan rawtjat shangun ai lam (Jinghpaw)- https://mmteacherplatform.net/en/e-learning/courses/rau-jawm-galaw-ai-lam-hte-rau-jawm-shanglawm-hkaja-ai-lam-a-marang-e-jawmgma-ni-a-galaw-lu-ai-atsam-ningja-hpe-kunghpan-rawtjat-shangun-ai-lam-jinghpaw

Hih thusinna pen sepkhop laisinna leh sepkhop-panpih laisinna zawipite hitaleh, tuate’ phattuamnate hitaleh, tuate pilsinsak syanu syapate in a kicingin a theihtel nading uh, cih ngimna ahi hi. Hih thusinna in sangnaupangte’ laisinna zialetong a tuamtuamte a zui thei, kihelkimna leh kipanpihna a om, laisinna venghuamte phuankhiat theih nading leh kepcing theih nading takzat siamnate, syanu syapate’ tungah guan hi. Pilsinsak syate in veelcianna zialedante zatna tungtawnin sangnaupangte’ kihelna a khansak theih nadingun leh sepkhiatzia a sittel theih nadingun a muibun gamtat sepkhiatte bangci geelin bangci patkhiat ding cih ahi zongin, beelpawl nasepnate-a kituak thei zel tonate bangci pulakkhiat ding cih ahi zongin, hih thute sinkha ding uh hi. Hih thusinna a man ciangin pilsinsak syate in sangnaupangte sungah etkak khinkhai siamna, kiho kithuah siamna leh beelpawl nasep siamna, cihte a phungvuh thei zah dongin amau’ laihilh zatsinnate khangtosak thei ding uh hi.

Hih sinsakna man ciangin, sangnaupangte in anuai-a teng sem thei ding hi:

●Sepkhop laisinna thu, a khiatna, a phattuamnate leh a panpih nam venghuam khat phuankhiat a thupitzia cihte a kicingin tel ding;

●Sepkhop laisinna huzap gimnam khat lamkip nading leh kepcing nading takzat zawipite zangkhia thei ding

●Sangnaupangte sungah etkak khinkhai siamna, kiho kizop siamna, gualtat leh lungphawnna lam kitoptohna cihte a phungvuh sepkhop laisinna gamtat sepkhiatte pankhia thei ding

●Sepkhop laisinna leh sepkhop-panpih laisinnate a namnamin khenkhia thei, tehkak thei-in a kilamdannate etkak thei ding;

●A kibanglo sangnaupangte tungah muhna (visual), zakna (auditory), simna / gelhna (reading / writing), leh pumpi gamtatna (kinesthetic) zangin laisin mite’ kisapna tawh a kituak lian mah piak nadingin sepkhop-panpih laisinna gamtat sepkhiatte a namnamin khen thei ding;

●Sangnaupangte sungah kiho kithuahna leh sepkhopna phungvuh nading zawileziate sinkha ding a, tua in beelpawl sunga kihel mi khempeuh ii neihkhop tupna a tangtut nadingin lawptak kihelsak semkhiasak ding hi.

●A huamkim leh a panpih nam laisinna venghuam a pian nadingin sepkhop-panpih laisinna gamtat sepkhiatte puahto zuunto ding

●Sepkhop-panpih laisinna gamtat sepkhiatte’ muibutna etkak khinkhai nading siamnate leh sangnaupangte’ kihelna leh laisinna gahte khansak ding vai ah a kitangsam bangin leptuahnate bawl siamna kitawmto ding

●A lawhcing sepkhopna a piangsak thei beelpawl kiho kithuahna leh mimal khatciat’ kihelna ii limlelmel thupite khentel in, sepkhop laisinna venghuamte veelcian theihna leh sittel theihna lakkhia ding

●Sepkhop-panpih laisinna gamtat sepkhiatte’ muibutna etkak khinkhai nadingin mahlemah sittel matpiakna, khangualpih bsittel matpiakna leh sittel malgualhte zang thei ding

●Sangnaupangte kikal ah kiho kithuah siamnate a khan nading leh ki-up kimuanna lamkip nading zawipite zang thei-in a kipumkhatzaw, gahleteh a piangsakzaw laisinna venghuam khat vaihawm nading vai ah a kituak mun tonate pulakkhia-in kantan zo ding

●Sangnaupang khempeuh beelpawl gamtat sepkhiatte lawptak kihelin a mapan tek nadingun a muibun beelpawl nasepna leh sepkhop-panpihna a thapia zialedante takzat ding.