Online
Google Play StoreApple App StoreAPK DownloadFacebookYouTubeLoginRegister
Myanmar Teacher Platform Logo

MYANMAR TEACHER PLATFORM

  1. Home
  2. My Courses
  3. E-Learning
  4. Courses

Course Detail

Vunvai biloh ng’thei ng’thang nak lah vunvai cum boi ng’thei ng’thang nak on kyawng k’kai gui ah m’yung k’tha hlüng tai hlak nak (Classic K'Cho)

0

(0 Reviews)

Certified

5 hour(s)

9 Enrollment(s)

201 View(s)

Share On :

Course Description

Shin ah lam m’shüm cuh vunvai biloh ng’thei ng’thang nak lah vunvai cumboi biloh ng’thei ng’thang nak ni lam gui on k’phein k’et ni gui cuh ca ng’thei khat k’kyong ah chüt gok hlei bi neh m’dang hnging vai lah m’hlüng m’thai biloh hnging vai hlü ciah tat-lah nak lah hmat pyinnya gui saya gui noh ami gah vai bü ne gukthen ah kya ci. Shin ah lam m’shüm ung k’ka ah module gui boi ci.

Module 1. Chütgok hleih vunvai biloh ng’thei ng’thang vai phäh ah ni lam gui

1.1. Vunvai biloh ng’thei ng’thang mong k’shing hmat nak lah acun ah bämcam gui

1.2. Vunvai biloh ng’thei ng’thang hnging ah hngeit pei tumat pyantham nak

Module 2. Ca ng’thei khat k’kyong vunvai cumboi biloh ng’thei ng’thang nak mamong gui täng pang gukthen nak

2.1. Vunvai cumboi biloh ng’thei ng’thang nak

2.2. Kä täng ciah kyawng k’kai gui ah hlü nak on ng’gui khai ah vunvai cumboi biloh ng’thei ng’thang mong täng pang biloh nak

Module 3. Vunvai biloh ng’thei ng’thang nak lah vunvai cumboi biloh ng’thei ng’thang nak on kyawng k’kai gui ah bi hning m’yung k’tha m’däm m’tai hning mong

3.1. Teng k’täih nak ah ni lam gui mang ca nak 

3.2.  Ng’cet ci gui phlän nak

K’chi ng’lung ak’tung gui

Shui k’täih vai among ama gui boi ciah tamthek gui (checklists) lah teng m’shu vai k’bäi caya gui (rubrics), vunvai biloh ng’thei ng’thang hnging ciah ng’thei mong hngeit pei (collaborative learning enviroment), vunvai cumboi biloh ng’thei ng’thang mong pung can (cooperative learning structure), a ng’uk ah shui k’täih nak bi mong, k’täih teng m’shu nak ah ni lam gui, tumat lah tumat, lah mät no mät teng m’shu nak gui, kyawng k’kai gui ah bi hnging m’yung k’tha teng m’shu nak, ngah-tüh-ng’toi-teipai nak, VARK ng’thei mong pung can gui (hnguh nak, ng’yak nak, k’khei nak lah hngün hngok nak gui on ng’thei mong.)

Shin ah lam m'shün ung ng'dü kho k'chang ah k'chi gui on na kai hnging ci.


Course Objectives

Shin ah lam m’shüm ung vunvai biloh ng’thei ng’thang nak lah vunvai cumboi biloh ng’thei ng’thang nak ah ni lam gui lah acun gui ah bä nak gui saya gui nawh ng’shong hleih ami hnguh hmat vai bü nak nei. Shin ah lam m’shün ung ka no kyawng k’kai gui ah a ng’cha ng’kyüm be ciah ng’thei nak pung can gui k’be hnging neh ngami ah m’lung k’hnga mah neh ami hlipkhäm hnging ah gungkum k’tha ni ciah ng’thei mong hngeit pei gui pyantham hnging vai hlü ciah age ah tat-lah gui cuh saya gui am pyantham pei gui khai kya ci. Saya gui no teng k’täih ni lam gui mang neh kyawng k’kai gui ah cumboi biloh mong teng m’shu thei vai, a ng’uk biloh gui ung om kya lo shan ciah a ng’cet gui gählei hnging vai lah chütgok ciah ng’thei mong biloh gui täng päng gu-then neh bi m’dang hnging vai, i ah bi vai cuh ng’thei vai kya ci. Shin ah lam m’shüm a ng’pyi ung saya gui cuh kyawng k’kai gui ah thuk hleih k’hmi k’hnai ngah-tüh nak, ng’hnguh ng’hmat pyein hlak nak lah a ng’uk binak, ci ah m’yung k’tha gui a däm tai law vai gung hnging khai ah m’thei mong bi gäkgäk gui däm tai lo khai kya ci.

Learning Outcomes

Shin ah module ah chüm nak ung, na kya hning gui cuh

  • Vunvai biloh ng’thei ng’thang mong ah ang’phlan nak lah bämcam gui ng’shong ng’bai hleih hmat neh gungkum k’tha ni ciah hngeit pei tumat pyannak ah aktung mong na hmat lo khai;
  • Vunvai bilo ng’thei ng’thang hnging ah ng’thei mong hngeit pei tumat pyan vai lah m’htei vai age ah kya ciah ni lam gui na mang ca thei khai; lah
  • Kyawng k’kai gui ah akthuk ah k’hmi k’hmäi ngah-tüh nak, ng’hnguh ng’hmat tu ng’kyu mong m’yung k’tha gui, k’chang hlu mong lah m’lung ng’ngaih lam däm tai nak gui a gah vai ah bilo pyangtham pe hnging neh chüt gok ciah vunvai biloh ng’thei ng’thang bi mong gui na phok m’dang thei khai.
  • Vunvai biloh ng’thei nak (Collaborative Learning) lah vunvai cumboi ng’thei ng’thang nak (Cooperative learning) gui m’tu m’täng neh na m’cha thei khai;
  • (Hnguh teng, ng’yak, k’khei guk lah hngün hngok mong -VARK) gui ung k’tha bä tuba ciah ng’thei ci gui mah ah kä täng ciah ng’thei ci a hlü hlü k’be peit vai vunvai cumboi ng’thei ng’thang biloh gui m’cha ne na bi hnging khai;
  • Ng’htoi k’boi avan gäng k’tha cumboi neh ng’htawi ng’dü bü ceng gui pyi phleh awng tang hlak kon ah kyawng k’kai gui ah ng’lak ah ng’hnguh ng’hmat tu kyu nak lah vunvai cumboi biloh nak gui m’hlüng m’taih hnging ciah ng’thei mong ni lam gui na ng’thei hnging khai;
  • K’chang päng kyüm boi neh gungkum nak om ciah ng’thei mong hngeit pei tumat akya lo vai vunvai biloh ng’thei nak gui ahlü a ci ah na pyang tham bilohf thei khai; lah
  • Vunvai cumboi biloh ng’thei nak mamong gui ah chütgok nak gui k’täih m’shu neh kyawng k’kai gui ah m’lung k’hnga mah neh cumboi biloh mong lah ng’thei gah ng’lon gui däm tai hlak vai a hlü a ci ah m’taga pyantham nak gui bilo thei ciah na tat-lah gui däm tai lo khai.
  • Ongtang ciah vunvai biloh nak ah phäh ah ang’htawi ung pyein hlak ng’shün ng’phan nak gui lah kyawng k’kai tumat täi ah cumboi biloh nak gui ung om khai ah ak’tung ang’bäng gui k’hmüt m’dang hning vai kon ah vunvai biloh nak om ciah ng’thei nak hngeit pei gui cuh teng k’täih teng m’shu hning ciah m’yung k’tha gui phih na m’dang thei khai.
  • Vunvai cumboi biloh ng’thei nak bimong gui ah chütgok nak cuh teng m’shu vai “mät nawh mät teng m’shu nak” mät gui teng m’shu tu ng’kyu nak “teng k’täih vai ang’ma gui boi ciah tamthek” ng’tüi ci na mang hning khai.
  • Ng’hlawi law pui neh ak’cho ng’tüi ng’dang nak ciah ng’thei nak hngeitpei tumat tüi pyan nak ung om shan ciah ang’cet ng’cong gui gählei phlän k’kan hning neh kyawng k’ka gui ah ng’lak ung ng’yum nak gui a om vailah ng’thung ng’hlang pyein hlak ng’shün ng’phan hlu tatlah gui hlüng tai neh ani nak vai gungkum hning ciah nilam gui na mang law thei khai.
  • Kyawng k’kai gui van gäng k’tha neh vunvai cumboi neh ang’uk phäh phäh awn ng’thei nak bimong gui ung cumboi biloh hning vai chütgok ciah ang’htawi bimong gui,vunvai cumboi biloh gui,ng’tüi ci gui ng’dang nak ciah nilam gui cuh age ah mamong na m’dang hning khai.

Please login to take this course

Lam shüm leng nak

Module 1. Chütgok ciah vunvai biloh ng’thei ng’thang nak vai phäh ah ni lam gui

Module 1 Büceng ah ng’thei gah gui lah gah vai ah tat-lah gui

Module 1.1 ah phäh video ng’thei ca

Module 1.1 ah phäh ng’nyan cam ng’shi m’kha

Module 1.1 ah phäh ashäng ng’düm neh k’hmi k’hmäi ba bimawng 2

Module 1.1 ah phäh video ng’thei ca 2

Module 1.1 ah phäh ng’nyan cam ng’shi m’kha 2

Module 1.1 ah phäh bi cam vai bimong

1.2. Vunvai bilo ng’thei hnging ah hngeit pei tumat pyannak

Module 1.2 ah phäh ashäng ng’düm neh k’hmi k’hmäi ba bimawng

Module 1.2 ah phäh ng’nyan cam ng’shi m’kha

Module 1 M’än

Module 2. Ca ng’thei khat k’kyong vunvai cumboi ng’thei ng’thang nak biloh gui tängpang gukthen nak

Module 2 Büceng ah ng’thei gah gui lah gah vai ah tat-lah gui

2.1. Vunvai cumboi biloh ng’thei ng’thang nak

Module 2.1 ah phäh ashäng ng’düm neh k’hmi k’hmäi ba bimawng 1

Vunvai biloh ng’thei ng’thang nak (Collaborative learning) lah vunvai cumboi biloh ng’thei ng’thang nak (Cooperative learning)

Module 2.1 ah phäh video ng’thei ca

Module 2.1 ah phäh ashäng ng’düm neh k’hmi k’hmäi ba bimawng 2

Module 2.1 ah phäh bi cam vai bimong

2.2. Kä täng ciah kyawng k’kai gui ah ahlü mong on a ng’gui vai cum päng biloh ng’thei ng’thang mong täng pang biloh nak

Module 2.2 ah phäh ashäng ng’düm neh k’hmi k’hmäi ba bimawng

Ng'thei müi ahlü hlü om ciah kyawng k'kai gui ah phäh ng'khaw neh ng'pyan ng'thang nak

Module 2.2 ah phäh ng’nyan cam ng’shi m’kha

Module 2 M’än

Module 3. Vun vai biloh ng’thei nak lah vunvai cumboi biloh awn kyawng k’kai gui ah bihning m’yung abädäm hlüngtai nak mong

Module 3 Büceng ah ng’thei gah gui lah gah vai ah tat-lah gui

3.1. Teng k’täih hlu nilam gui mang nak

Module 3.1 ah phäh ashäng ng’düm neh k’hmi k’hmäi ba bimawng

Module 3.1 ah phäh video ng’thei ca

Module 3.1 ah phäh ng’nyan cam ng’shi m’kha

Module 3.1 ah phäh bi cam vai bimong

3.2. Ang’cet ng’cong gui phlän nak

Module 3.2 ah phäh ashäng ng’düm neh k’hmi k’hmäi ba bimawng

Module 3.2 ah phäh bi cam vai bimong 1

Module 3.2 ah phäh ng’nyan cam ng’shi m’kha

Module 3 M’än

Lam m’shüm a ng’päng k’hmi k’hmäi ba nak

Lam m’shüm m’än

K’däih ne k’khei vai gui/a ng’yung ng’khap gui

Related Courses

chatGPTicon
;