Myanmar Teacher Platform

Home
E-learning
Courses
NA SANGNAUPANGTE THEIHTELNA (Zolai - the language of Zomi)

NA SANGNAUPANGTE THEIHTELNA (Zolai - the language of Zomi)

Certified 5 hour(s) 11 enrollment(s) 18 lecture(s) 6 quizz(es) 615 view(s)

No Rating Yet

NA SANGNAUPANGTE THEIHTELNA (Zolai - the language of Zomi)

Course Description

Hih, Na Sangnaupangte Theihtelna, cih thusinna pen syanu syapate lampan a lungmuanhuai, a huamkim laisinna phualte a phuankhiat zawh nadingun hitaleh, sangnaupangte’ kitangsap thute tawh a kituak, phattuamna gah a piangsak, a lunglut-huai kisinna namte a piak zawh nading uh hitaleh, amau’ ngahsa siamcinnate leh vanlena a omte zatkhiat hong siam nading uh, cih deihna tawh a kigeel ahi hi. Hih thusinna sungah a nuai-a module teng kihel hi.

1. Na sangnaupangte thei in

1.1. Sinna thubullette

1.2. Sepkhiat bulphuh laisinna leh thungaih bulphuh laisinna

1.3. Laisinna ah kitangsapte le deihzawk thute

2. Vaihaksa hunte ah laisinte’ kiginkholhna

2.1. Lunggimna nam tuamtuamte nawktan zawh nading zawileziate phuankhiatna

2.2. Maslow’ Kitangsapna Dawlte

2.3. Laisinna a dongkhak thute theihsakna

Kammal dingpite

Sepkhiat bulphuh laisinna; Khensattawm theihna; Laisinna a dongkhak thute; pankhop laisinna; Kibanglo khentelna; A muibun laisinna; Lungsim cidam-nopsakna; Zahtakna lam kitangsapte; Puasehna; Muhzia genkikna; Kihelkim theihna; Khuakpilna lam cidam-nopsakna, Laisinna thuguipite; Laisinte’ bulphuh vaiheelzia; Itna leh kipaikanna lam kitangsapte; Thungaih bulphuh laisinna; Taksa pumpi kitangsapte; Khatlekhat a hoihlamin kizopna; Limtak lungngaihna; Thawhzawhkikna; Thukin vaihawm siamna; Galbitna lam kitangsapte; Mahlemah kikhansuahna lam kitangsapte; Lawpsuahna leh panpihna tawh kilam pilsinna phual; Lunggimsak thute; A gusuak thei lunggimna ahkl. a sialam lunghihmawhna; Cidam-nopsakna.

Hih sinna neihtheih na ding akingah kampau tuamtuamte

သင်ယူသူများကို သိရှိနားလည်ခြင်း - https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-thinyuthumyaako-thiyahinalikhyin-font-br-p

Understanding Your Students - https://mmteacherplatform.net/en/e-learning/courses/div-understanding-your-students-div

Ng’thei ci gui hnguh-hmat K’shing K’chanak (Classic K'Cho) - https://mmteacherplatform.net/en/e-learning/courses/ng-thei-ci-gui-hnguh-hmat-k-shing-k-chanak-without-tone

Ng’thei ci gui hnguh-hmat K’shing K’chanak (Modern K'Cho) - https://mmteacherplatform.net/en/e-learning/courses/p-k-cho-understanding-your-students-p

တၢ်သ့ၣ်ညါနၢ်ပၢၢ် နၦၤကၠိဖိတဖၣ်အဂ့ၢ် (S'gaw) - https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-t-atth-atnyan-atp-at-n-k-ipaitpa-atag-at-course-1-s-gaw-font-br-p

ႁူႉၸၵ်းလုၵ်ႈႁဵၼ်းသူ (Shan) - https://mmteacherplatform.net/en/e-learning/courses/p-u-atlu-at-atthu-br-p

Jawngma Ni A Ntsa Chyena Ai Lam (Jinghpaw) - https://mmteacherplatform.net/en/e-learning/courses/p-jawngma-ni-a-ntsa-chyena-ai-lam-nbsp-p

ၥ့ၪယၫနၪၥ့ၪ ဆၧမၩလိၪဖိၪလဖၪ (Pwo) - https://mmteacherplatform.net/en/e-learning/courses/p-span-style-font-family-pyidaungsu-y-n-sa-m-li-pai-lpa-span-br-p

Course Objectives

Hih thusinna in sangnaupangte’ theihtel nadinga a kisam thubullette, laisindante leh zawipite hong telsakin hong zangkhia theisak ding hi.

Learning Outcomes

Sinna thubullette leh a muibun sinna, hihte nih memat zomtuah thei;
Laisinna inndei sunga thupiangte tungtawnin a muibun sinna thubullette kankhia thei;
Sepkhiat bulphuh laisinna leh thungaih bulphuh laisinna khentelin tua laisinna nam khatta a kilangsak gamtat sepkhiatnate kankhia thei;
A muibun laisinna paiziate leh, a langkhat ah, laisinna inndei sunga sangnaupangte khat ciat in lai bangci sin, laisin maban zop nading bang kisam cih thu theihtelna, hihte nih zomtuah thei;
Khat tengkhia-in kantelna (case study) tungtawnin laisinna-a deihzawk thute leh laisin dingin kiginkholhna, cihte kankhia thei
Laisinna inndei sungah sangnaupangte a sukha thei, a gusuak thei lunggimsak thute khentel thei ding
Sangnaupangte phawkkhakna, a thugen uh lungluttak ngaihsakna, cihte a thupitzia syanu syapa in telkan thei ding
Laisinna a dongkhak thute leh sangnaupangte’ lunggimnate theihpih nadingin Maslow’ Kitangsapna Dawlte ii gennopna telkan thei ding
Laisinna a dongkhak thei thute tawh kisai-in vaikin thuphamawh ahkl. haksat buaina in a sukkhakna muna a kituakkhate ahilo, a kibehlap dangte khentel thei ding
Lawpsuahna leh panpihna tawh kilam pilsinna phual ii limlemelte genkhia thei ding
Kiho kithuah vai leh lungsim lawnkhakna tawh kisai sinna ah gamtat sepkhiatnate zong kihel a, tuate sungah bang teng piding cih leh a piding thute in haksat nawkkhiat zawh nading sepzia hoihte a piankhiat nadingin bangci huh cih thu khentel thei ding