ဤဘာသာရပ်စာအုပ်၏ အဓိကရည်ရွယ်ချက်မှာ ကျောင်းသားများအတွက် ICT နှင့်ဆက်စပ်သော အခြေခံဗဟုသုတများပို့ချပေးရန်၊ သင်ကြားခြင်း၊ သင်ယူခြင်းနှင့် အတတ်ပညာဖွံ့ဖြိုးတိုးတက်မှုတို့တွင် ICT ကို အသုံးပြုရန်နှင့် အလယ်တန်း နှင့် မူလတန်းကျောင်းများတွင် ICT ကို သင်ကြားနိုင်စေလာနိုင်စေရန်တို့ဖြစ်ပါသည် (မူလတန်းတွင် ICT သင်ကြားသည်ဆိုရာတွင် ဒေသဆိုင်ရာသင်ရိုးတွင် ICT နှင့် ပတ်သက်သည့် အစိတ်အပိုင်းများ ပါဝင်လာသည့်အခါမျိုးကို ဆိုလိုပါသည်)။ ICT သင်ကြားရခြင်း ရည်ရွယ်ချက်များ၊ အခြေခံပညာရေးနှင့် ဆရာအ တတ်သင်ပညာရေးတွင် ICT သင်ရိုးညွှန်းတမ်း ထည့်သွင်းခြင်းနှင့် အခြားခေါင်းစဉ်အမျိုးမျိုးဖြစ်ကြသော အခြေခံ ICTအယူအဆများ၊ မီဒီယာနှင့် သတင်းအချက်အလက် သိနားလည်မှု၊ ဒစ်ဂျစ်တယ်နှင့် အကျွမ်း ဝင်သောနိုင်ငံသားဖြစ်မှု၊ ကွန်ပျူတာ applicationများ၊ ပညာရေးအတွက် အင်တာနက်၊ ဆက်သွယ်ရေးနှင့် ICT စသည့် ခေါင်းစဉ်များကို ကျောင်းသားများက သင်ယူလေ့လာရမည်ဖြစ်ပါသည်။ မိမိတို့၏ သင်ကြားသင်ယူမှု အခြေအနေ အသီးသီးတွင် ICT ဆိုင်ရာ နည်းလမ်းကိရိယာများနှင့် ဗဟုသုတများကို အသုံးချတတ်စေပြီး အယူအဆများကို ပိုမိုနက်နဲစွာ နားလည်စေနိုင်သော သင်ယူမှုလုပ်ငန်းစဉ်များကို ဤ ICT ဘာသာရပ် သင်ရိုး အတွင်းတွင်ထည့်သွင်းထားပါသည်။