ၸဵမ်မိူဝ်ႈၵွၼ်ႇပူၼ်ႉမႃးၼၼ်ႉ ဢမ်ႇတွၼ်ႉယၢမ်ႈမီး ၶေႃႈပိုတ်ႇတီႈပွင်ႇပၢႆးပၺ်ႇၺႃႇ ဢၼ်ႁပ်ႉႁၼ် မိူၼ်ၵၼ်သေပွၵ်ႈ။ ၸဝ်ႈပၢႆးဝူၼ်ႉ လႄႈ ၽူႈႁူႉမေႃၶဝ် တိုၼ်းမီးၶေႃႈပိုတ်ႇတီႈပွင်ႇ ၸွမ်းၼင်ႇလၢႆးတၢင်း ႁင်းၶဝ်။ ၼင်ႇၼၼ် ၸဝ်ႈၾိင်ႈတႅတ်ႈ(theorist) တင်းလၢႆၵေႃႈ လႆႈတၢင်ႇပၢႆး တၢင်းၶႆႈၸႂ် လႄႈ ပၢႆးဝူၼ်ႉၶပ်ႉ ဢၼ်ပႅၵ်ႇပိူင်ႈၵၼ်ႁင်းၽႂ်မၼ်း ၵပ်းၵၢႆႇလူၺ်ႈယိူင်းဢၢၼ်း လႄႈ လွၵ်းလၢႆးၵၢၼ်သွၼ် ဢၼ်ဝႃႈၼၼ်ႉမႃး ဝႆႉယူႇ။ မေႃသွၼ်ၵမ်ႈၼမ်ၼႆႉ ႁုၼ်ႈမုၼ်းပၢႆးဝူၼ်ႉၶပ်ႉၵၢၼ်သွၼ်ၶဝ် ဢမ်ႇၼၼ် လွၵ်းလၢႆးၵၢၼ်သွၼ်ၶဝ် လူၺ်ႈဢိင်ၼိူဝ် ၵႃႊၶၼ်လႄႈလၵ်းပိူင်ႁင်းၶဝ် ႁႂ်ႈပေႃးမႅၼ်ႈငမ်ႇ  ၸွမ်းၼင်ႇတၢင်းယုမ်ႇယမ်ၶဝ်ဝႃႈ သွၼ်လွင်ႈ ဢီႈသင်ၼၼ်ႉ ပဵၼ်ဢၼ်လမ်ႇလွင်ႈ (ၸိူဝ်ႉၼင်ႇ ၼမ်ႉၵတ်ႉ၊ တူၼ်ႈၸႂ်၊ လႄႈ တၢင်းႁူႉ)၊ ယိူင်းတႃႇတေသွၼ် ၽႂ်၊ လႄႈ သမ်ႉမီးၽႅၼ် တႃႇတေသွၼ်ၸိူင်ႉႁိုဝ် ၼႆၼၼ်ႉယဝ်ႉ။ ၵူၺ်းၼႃႇ ယိူင်းဢၢၼ်းလိုၼ်းသုတ်း ၶဝ်တႄႉ ၵေႃႈ ပဵၼ်တႃႇတေပၼ်ပၢႆးပၺ်ႇၺႃႇဢၼ်လီထီႈသုတ်း ႁႂ်ႈသူႇၸူးလုၵ်ႈႁဵၼ်းၵွၺ်းၼင်ႇၵဝ်ႇ။ ပေႃး ႁဝ်းႁူႉပွင်ႇ ထိုင် ပၢႆးဝူၼ်ႉၶပ်ႉ၊ ၾိင်ႈတႅတ်ႈပၢႆးပၺ်ႇၺႃႇ လၢႆလၢႆလွင်ႈသေဢမ်ႇၵႃး ႁူႉထိုင်ပႃး လွင်ႈလၢႆးဢဝ် ၸႂ်ႉတိုဝ်းၼႂ်း ႁွင်ႈႁဵၼ်းၼႆၸိုင် တေၸွၺ်ႈႁႂ်ႈမေႃသွၼ်ၶဝ် မီးတၢင်းပွင်ႇၸႂ်လိုၵ်ႉလမ်ႇဝႃႈ တေႁဵတ်း    ႁိုဝ်ဢဝ်တၢင်းႁပ်ႉ ႁၼ်(concept)ၸိူဝ်းၼၼ်ႉ မႃးၸႂ်ႉတိုဝ်း ၼႂ်းၵၢၼ်ပၢႆးပၺ်ႇၺႃႇၼႆသေဢမ်ႇၵႃး၊ တေၸွၺ်ႈႁႂ်ႈ မေႃသွၼ်ၶဝ် ႁုၼ်ႈမုၼ်းမႃးလႆႈ ပၢႆးဝူၼ်ႉၶပ်ႉသူၼ်ႇတူဝ်ၶဝ် ပုၼ်ႈတႃႇပၢႆးပၺ်ႇၺႃႇလူးၵွၼ်ႇၼၼ်ႉယဝ်ႉ။  

ၼႂ်းပၢႆးႁဵၼ်းၼႆႉ ပႃးဝႆႉၵိင်ႇပၢႆး ၼင်ႇၸိူဝ်းပႃႈတႂ်ႈၼႆႉယူႇ။ 

ၵိင်ႇပၢႆး (1) လဵပ်ႈႁဵၼ်းတူၺ်း ပၢႆးပၺ်ႇၺႃႇ လႄႈ ပၢႆးဝူၼ်ႉၶပ်ႉ လိူၺ်ႈပၢႆးပၺ်ႇၺႃႇ

(1.1) တၢင်းလမ်ႇလွင်ႈ ပၢႆးဝူၼ်ႉၶပ်ႉ ၼႂ်းပၢႆးပၺ်ႇၺႃႇ 

(1.2) ၾိင်ႈတႅတ်ႈလိူၺ်ႈပၢႆးပၺ်ႇၺႃႇ လႄႈ လွၵ်းလၢႆး လၢႆလၢႆလၢႆး ပုၼ်ႈတႃႇဢဝ်ၸႂ်ႉ တိုဝ်းၼႂ်းႁွင်ႈႁဵၼ်း

ၵိင်ႇပၢႆး (2) ၵၢၼ်ႁုၼ်ႈမုၼ်း ပၢႆးဝူၼ်ႉၶပ်ႉလိူၺ်ႈပၢႆးပၺ်ႇၺႃႇ ႁင်းၵွၺ်း

(2.1) ၸဝ်ႈပၢႆးဝူၼ်ႉၶပ်ႉလိူၺ်ႈပၢႆးပၺ်ႇၺႃႇ ၽူႈလိုဝ်းလင်ႊ လႄႈ ပၢႆးဝူၼ်ႉၶပ်ႉၸိူဝ်းၶဝ် 

(2.2) ၵၢၼ်ႁုၼ်ႈမုၼ်း ပၢႆးဝူၼ်ႉၶပ်ႉၵၢၼ်သွၼ်ႁင်းသူၼ်ႇတူဝ်

ထွၺ်ႈၵႂၢမ်းလမ်ႇလွင်ႈ

ပၢႆးယုမ်ႇႁပ်ႉလိူၺ်ႈၵၢၼ်ၵေႃႇသၢင်ႈတၢင်းႁူႉ၊ ၾိင်ႈတႅတ်ႈၾၢႆႇထတ်းသၢင်၊ ပၢႆးဝူၼ်ႉၶပ်ႉ ပၢႆးပၺ်ႇၺႃႇ၊ ပၢႆးယုမ်ႇႁပ်ႉလိူၺ်ႈလွင်ႈလူဝ်ႇပဵၼ်လူဝ်ႇမီး၊ ပၢႆးယုမ်ႇႁပ်ႉလိူၺ်ႈလွင်ႈသိုပ်ႇ ၸုၵ်းၸင်ႈလႆႈ၊ လွင်ႈလိူၺ်ႈတူဝ်ႈလုမ်ႈၾႃႉ၊ ပၢႆးယုမ်ႇႁပ်ႉလိူၺ်ႈၸႂ်ဝူၼ်ႉႁၼ်၊ လွင်ႈႁဵၼ်းသၢင်ႈ ၵၢၼ်ဢွၼ်ႁူဝ်၊ ပၢႆးယုမ်ႇႁပ်ႉလိူၺ်ႈလွင်ႈမၼ်ႈယိုၼ်း၊ ပၢႆးယုမ်ႇႁပ်ႉလိူၺ်ႈပူၼ်ႉပိူင်ၵၢပ်ႈပၢၼ်မႂ်ႇ၊ ပၢႆးယုမ်ႇႁပ်ႉလိူၺ်ႈၵၢၼ်ထူပ်းမိုဝ်း၊ ပၢႆးယုမ်ႇႁပ်ႉလိူၺ်ႈပိူင်ပဵၼ်တေႉ၊ ပၢႆးယုမ်ႇႁပ်ႉလိူၺ်ႈၵၢၼ်မႄးၵေႃႇသၢင်ႈတၢင်းႁူႉ၊ ၵၢၼ်ဢွၼ်ႁူဝ်ၸွမ်းငဝ်းလၢႆး။

ၽႃႇသႃႇ ဢၼ်မီးဝႆႉတႃႇပၢႆးႁဵၼ်းၼႆႉ

English version: Exploring Personal Philosophies in Education - https://mmteacherplatform.net/en/e-learning/courses/course4-eng

Myanmar version: ပညာရေးဆိုင်ရာ ကိုယ်ပိုင်အတွေးအခေါ်များကို စူးစမ်းလေ့လာခြင်း. - https://mmteacherplatform.net/en/e-learning/courses/course4-mm

PILSINNA AH MIMAL THUTHUK POMZIATE KANKHIATNA (Zolai- the language of Zomi): https://mmteacherplatform.net/en/e-learning/courses/p-pilsinna-ah-mimal-thuthuk-ngaihsutnate-kankhiatna-course-4-zolai-the-language-of-zomi-p

လီၩ့ဎွါအၪ့ဎၬ နၫ့ဆါဆၧဆီၫ့မီၪ့ကိၪ့ၥ့ၪလၧ ဆၧကိၪ့ဘၪကိၪ့ၥ့ၪ (Pwo Karen): https://mmteacherplatform.net/en/e-learning/courses/font-face-pyidaungsu-li-dawaa-da-n-saasa-sai-mi-ki-l-sa-ki-ba-ki-font

တၢ်ဃုသ့ၣ်ညါမၤလိနီၢ်ကစၢ်အတၢ်ဆိကမိၣ် တၢ်ပၥ်သး ဘၣ်ထွဲဒီး တၢ်ကူၣ်ဘၣ်ကူၣ်သ့ (S'gaw): https://mmteacherplatform.net/en/e-learning/courses/p-exploring-personal-philosophies-in-education-course-4-s-gaw-p

Pyinnya mong lah pyinnya mong ngah-tüh shui k’täih nak (Classic K'Cho): https://mmteacherplatform.net/en/e-learning/courses/p-pyinnya-mong-lah-pyinnya-mong-ngah-tueh-shui-k-taeih-nak-p

Pyinnya mòng lah pyinnya mòng ngah-tüh shui k’täih nak (Modern K'Cho): https://mmteacherplatform.net/en/e-learning/courses/p-pyinnya-mong-lah-pyinnya-mong-ngah-tueh-shui-k-taeih-nak-course-4-modern-k-cho-p

ပွမဂၠိုက်ဂၠဲါ ဒဿန ပူဂဵု ပ္ဍဲကဵုပရေၚ်ပညာဂမၠိုၚ် (Mon) https://mmteacherplatform.net/en/e-learning/courses/p-pwmg-aikg-ea-d-n-pug-u-pdek-upyae-atpnyagm-o-at-nbsp-mon-course-4-p

ၼႂ်းပၢႆးႁဵၼ်းၼႆႉ ႁႅၼ်းဝႆႉပၼ် တႃႇႁႂ်ႈလုၵ်ႈႁဵၼ်းၶဝ် ပွင်ႇၸႂ် ပၢႆးဝူၼ်ႉၶပ်ႉလိူၺ်ႈပၢႆးပၺ်ႇၺႃႇ ဢၼ်မီးဝႆႉတင်း ၼမ်တင်းလၢႆသေဢမ်ႇၵႃး၊ တႃႇႁႂ်ႈႁုၼ်ႈမုၼ်းမႃးလႆႈ ပၢႆးဝူၼ်ႉၶပ်ႉလိူၺ်ႈသူၼ်ႇတူဝ်    ႁင်းၵွၺ်း တွၼ်ႊတႃႇပၢႆး ပၺ်ႇၺႃႇ ၼႆၼၼ်ႉယဝ်ႉ။

ၽွၼ်းလႆႈၵၢၼ်ႁဵၼ်း ဢၼ်မုင်ႈမွင်းဝႆႉ

• မီးတၢင်းထတ်းသၢင်သေယဝ်ႉ ၶူၼ်ႉၶႆႈယႅၵ်ႉၶိုၼ်း တၢင်းလမ်ႇလွင်ႈၶွင် ပၢႆးဝူၼ်ႉၶပ်ႉ ၼႂ်းပၢႆးပၺ်ႇ ၺႃႇ။
• မေႃႁဵတ်းႁူဝ်ႁုပ်ႈ ပၢႆးဝူၼ်ႉၶပ်ႉ လႄႈ ၾိင်ႈတႅတ်ႈ လိူၺ်ႈပၢႆးပၺ်ႇၺႃႇ ဢၼ်ပဵၼ်ငဝ်ႈပဵၼ်ၵၼ်း တင်းလၢႆသေ သမ်ႉတေႁဵတ်းႁိုဝ် ဢဝ်မႃးၸႂ်ႉတိုဝ်း တီႈၵၢၼ်ထူပ်းမိုဝ်း ၼႂ်းႁွင်ႈႁဵၼ်း။
• လႆႈလဵပ်ႈႁဵၼ်း လွၵ်းလၢႆးလၢႆလၢႆမဵဝ်း တႃႇတေဢဝ်ၸႂ်ႉတိုဝ်း ၼႂ်းႁွင်ႈႁဵၼ်း လႄႈ လဵပ်ႈႁဵၼ်း လွင်ႈ ၾိင်ႈတႅတ်ႈ ဢၼ်လွၵ်းလၢႆးၸိူဝ်းၼၼ်ႉ ယၼ်ႇႁၢၵ်ႈမႃး။
• ႁုပ်ႈတွမ်ႊဢဝ် လွင်ႈတၢင်းၸဝ်ႈပၢႆးဝူၼ်ႉၶပ်ႉလိူၺ်ႈပၢႆးပၺ်ႇၺႃႇ ဢၼ်သူလႆႈႁူႉမႃး လႄႈ လွင်ႈဝႃႈ ၸဝ်ႈပၢႆးဝူၼ်ႉၶပ်ႉၸိူဝ်းၼၼ်ႉ သၢင်ႈမႃးပၢႆးဝူၼ်ႉၶပ်ႉဢီႈသင်လၢႆလၢႆ။
• မေႃၶူၼ်ႉဝူၼ်ႉယႅၵ်ႉၶိုၼ်း လႄႈ မေႃႁွမ်းပဝ်းဢဝ် ၵႃႊၶၼ်ပၢႆးပၺ်ႇၺႃႇ ဢၼ်ပဵၼ်လွၼ်ႉပဵၼ် ၵႅၼ်မၼ်း သႂ်ႇၼႂ်းလွၵ်းလၢႆးၵၢၼ်သွၼ်ၸဝ်ႈၵဝ်ႇ။
• မေႃတႅမ်ႈလူင်း ပၢႆးဝူၼ်ႉၶပ်ႉၵၢၼ်သွၼ် ၶွင်သူၼ်ႇတူဝ်ၸဝ်ႈၵဝ်ႇ။