ဤသင်တန်းတွင် မူလတန်းကျောင်းသားများကို ထိရောက်စွာ သင်ကြားပေးနိုင်သည့် ဆရာတစ်ဦးဖြစ်လာစေရန်အတွက် သိပ္ပံဘာသာရပ်ဆိုင်ရာအသိပညာများသာမက မူလတန်းအရွယ်ကျောင်းသားများအား သိပ္ပံဘာသာရပ်ကို စိတ်ပါဝင်စားမှုရှိလာအောင် သင်ကြားပို့ချပေးနိုင်သည့် နည်းလမ်းများ၊ နည်းဗျူဟာများကိုလည်း လေ့လာရမည် ဖြစ်ပါသည်။

ဤ သင်တန်းတွင် အဓိကအားဖြင့် အောက်ပါ မော်ဂျူးများကို သင်ယူရပါမည်-

• မော်ဂျူး (၁) သိပ္ပံ ဘာသာရပ်ကို မိတ်ဆက်ခြင်း
• မော်ဂျူး (၂) သိပ္ပံနည်းကျ ဆောင်ရွက်ခြင်း
• မော်ဂျူး (၃) ဇီဝဗေဒ
• မော်ဂျူး (၄) ဒြပ်ဝတ္ထု
• မော်ဂျူး (၅) ရူပဗေဒ
• မော်ဂျူး (၆) စစ်ဆေးအကဲဖြတ်ခြင်း
• မော်ဂျူး (၇) သင်ပြမှု ပုံစံများ

ဤသင်တန်း၏ အဓိကရည်ရွယ်ချက်မှာ အခြေခံပညာမူလတန်း သိပ္ပံသင်ရိုးညွှန်းတမ်းကို ထိရောက်‌ကောင်းမွန်စွာ သင်ကြားပေးနိုင်ရန် လိုအပ်သည့် အသိပညာ၊ ကျွမ်းကျင်မှုများနှင့် စိတ်နေသဘောထားများ ရရှိလာစေရန် ဖြစ်သည်။

ဤသင်တန်းတွင် သင်ယူသူများသည် -

• သိပ္ပံ၏ သဘာဝနှင့် ရည်ရွယ်ချက်များနှင့်ပတ်သက်၍ နားလည်သဘောပေါက်မှုကို ပြသတတ်မည်။
• မူလတန်းကျောင်းဆင့် သိပ္ပံပညာ၏ ရည်ရွယ်ချက်များကို ရှင်းပြတတ်မည်။
• သိပ္ပံနှင့်ပတ်သက်၍ မူလတန်း ကျောင်းသားများအတွက် သင်ယူမှု ရည်ရွယ်ချက်များနှင့် ရင်းနှီးကျွမ်းဝင်မည်။ (မူလတန်းသိပ္ပံ သင်ရိုးမာတိကာ)
• သိပ္ပံနည်းကျဆောင်ရွက်ခြင်းကို နားလည်သဘောပေါက်လာမည်။
• သိပ္ပံနည်းကျ ဆောင်ရွက်မှု၏ အဓိက အင်္ဂါရပ်များကို ဆွေးနွေးတတ်မည်။
• အပင်နှင့် သတ္တဝါများ၏ ကွဲပြားသော အမျိုးအစားများနှင့် အဓိက အစိတ်အပိုင်းများကို ကြည့်ရှုလေ့လာ၍ ခွဲခြားတတ်ပြီး ရှင်သန်ကြီးထွားရန်လိုအပ်ချက်များကိုဖော်ထုတ်တတ်မည်။
• မူလတန်းကျောင်းသားများအား အပင်နှင့် သက်ရှိသတ္တဝါများကို အမျိုးအစား ခွဲခြားတတ်ရန် သင်ကြားပေးနိုင်မည်။
• ပန်းပွင့်သော အဓိက အစိတ်အပိုင်းများကို သိရှိနားလည်ပြီး ပန်းပွင့်များ၏ ဝတ်မှုန်ကူးခြင်း၊ သန္ဓေအောင်ခြင်းနှင့် ဇီဝသံသရာလည်ခြင်းအကြောင်းကို ရှင်းပြတတ်မည်။
• မူလတန်း ကျောင်းသားများအား အလင်းဖြင့်အစာချက်လုပ်ခြင်း ဖြစ်စဉ်ကို ရှင်းပြပြီး အပင်ကြီးထွားမှုဆိုင်ရာ သိပ္ပံနည်းကျ စူးစမ်းလေ့လာမှုကို ဆောင်ရွက်တတ်မည်။
• သက်ရှိသတ္တဝါများ၏ လိုအပ်ချက်များနှင့် ဇီဝသံသရာ စက်ဝန်းကို မူလတန်းကျောင်းသားများအား သင်ပြတတ်မည်။
• အသက်ရှူခြင်းနှင့် သွေးလည်ပတ်မှုဆိုင်ရာစနစ် အဓိကအစိတ်အပိုင်းများ၏ လည်ပတ်ပုံကို မူလတန်းကျောင်းသားများနားလည်အောင် သင်ပြတတ်မည်။
• ကွဲပြားသော ပတ်ဝန်းကျင်များကို နှိုင်းယှဉ်ပြီး သက်ရှိများနှင့် ၎င်းတို့ပတ်ဝန်းကျင်များအကြား ဆက်သွယ်မှုကို ရှင်းပြတတ်မည်။
• ရေသံသရာလည်ခြင်းအကြောင်းကို ရှင်းပြတတ်မည်။
• လေထု၊ ရေထု ညစ်ညမ်းမှုအမျိုးအစားများနှင့် သက်ရှိများနှင့် ပတ်ဝန်းကျင်တို့အပေါ် ၎င်း၏ သက်ရောက်မှုများကို ဖော်ထုတ်တတ်ပြီး ဖန်လုံအိမ် အာနိသင်၏ သက်ရောက်မှုကို ရှင်းပြတတ်မည်။
• ဒြပ်ဝတ္ထုနှင့် ပတ်သက်သော အသိသညာများနှင့် သင်ကြားနည်းများကို နားလည်သဘောပေါက်လာမည်။
• မူလတန်းတွင် “ဒြပ်ဝတ္ထု” သင်ကြားမှုနှင့်ပတ်သက်၍ လိုအပ်သော အသိပညာနှင့် နားလည်သဘောပေါက်မှုများ ရရှိသွားမည်။
• “ဒြပ်ဝတ္ထု” အကြောင်း ကျောင်းသားများ၏ နားလည်သဘောပေါက်စေရန် လက်တွေ့လုပ်ငန်းများနှင့် သိပ္ပံနည်းကျ စူးစမ်းလေ့လာမှု လုပ်ငန်းများကို ဖော်ထုတ်တတ်မည်။
• “ဒြပ်ဝတ္ထု” အကြောင်း သင်ကြားရာတွင် တွေ့ရတတ်သော အခက်အခဲများနှင့် လွဲမှားတတ်သော နားလည်မှုများကို မည်သို့ဖြေရှင်းရမည်ကို စဉ်းစားတတ်မည်။
• “ဒြပ်ဝတ္ထု၏ဂုဏ်သတ္တိများ” ကို မူလတန်းကျောင်းသားများ နားလည်သဘောပေါက်စေရန် နေ့စဉ်သုံးနေကျ ပစ္စည်းများကို နမူနာပေးခြင်းဖြင့် ရှင်းပြတတ်မည်။
• ကျောက်များ၏ ဂုဏ်သတ္တိအချို့နှင့် နေ့စဉ်ဘဝ၌ အသုံးပြုပုံများကို ဖော်ပြတတ်မည်။
• မြေဆီလွှာဖွဲ့စည်းမှုတွင် ကျောက်မှုန်များအပြင် အခြားသော အော်ဂနစ်ပစ္စည်းများ ပါရှိနေသည်ကို ရှင်းပြတတ်မည်။
• မတူညီသော မြေဆီလွှာများကို နှိုင်းယှဉ်ကြည့်နိုင်ပြီး ကျောက်မှုန်အရွယ်အစားအလိုက် တွေ့ရသည့် မြေဆီလွှာ၏ ကွဲပြားခြားနားသော ဂုဏ်သတ္တိများကို လက်တွေ့စမ်းသပ်တတ်မည်။
• ကမ္ဘာ့အပေါ်ခွံလွှာကို အလွန်ကြီးမားသော  မြေထုချပ်များဖြင့် မည်သို့ ဖွဲ့စည်းထားကြောင်း ဖော်ပြတတ်မည်။
• မြေထုချပ်များနှင့် မြေထုချပ် ရွေ့လျားမှုတို့ကြောင့် မြေမျက်နှာသွင်ပြင် အမျိုးမျိုး ဖြစ်လာကြောင်းကို ရှင်းပြတတ်မည်။
• လေထဲရှိ ဓာတ်ငွေ့များ၏အမည်ကို သိရှိခေါ်ဆိုတတ်ပြီး လေထု၏ ပေါင်းစပ်ဖွဲ့စည်းမှုပုံစံကို ဖော်ပြတတ်မည်။
• လေတွင် အလေးချိန်ရှိကြောင်း ပြသတတ်မည်။
• ရေထု၏အဓိပ္ပာယ်ကို ဖော်ပြ၍ ကွဲပြားသော ရေချိုရင်းမြစ်များကို ဖော်ထုတ်တတ်မည်။
• သက်ရှိပုံစံများ အားလုံးအတွက် ရေ၏အရေးပါပုံကို သိမြင်တန်ဖိုးထားတတ်မည်။
• ရေချိုဖြည့်တင်းမှုသည် မည်သို့သောအကြောင်းကြောင့်မျှ ခန်းခြောက်မသွားကြောင်းကို ရှင်းပြတတ်မည်။
• ပင်လယ်ရေမှ ရေချိုကို ထုတ်ယူရန် လက်တွေ့စမ်းသပ်လုပ်ဆောင်တတ်မည်။
• အာကာသနှင့် ဆက်နွှယ်သော အစုအဝေးများနှင့် အခြေအနေများကို အမည်သိရှိခေါ်ဆိုတတ်မည်။
• လနှင့် နေတို့၏ နှိုင်းရအရွယ်အစားများနှင့် ကမ္ဘာမှ ၎င်းတို့ကြား အကွာအဝေးများကိုဖော်ပြတတ်မည်။
• နေမှ အစဉ်လိုက်တည်ရှိနေသော ဂြိုဟ်များကို စာရင်းပြုစုခြင်းအပါအဝင် နေအဖွဲ့အစည်း၏အစိတ်အပိုင်းများကို ဖော်ပြတတ်မည်။
• တွန်းအားနှင့် ဆွဲအားတို့ကို အခြေခံ၍ အား ဆိုသည်မှာ မည်သည်ဖြစ်ကြောင်း ရှင်းပြတတ်မည်။
• ရွေ့လျားမှုအတွက် လိုအပ်သော အားများ၏ အခန်းကဏ္ဍကို သိမြင်၍  သက်ရောက်မှုကို လက်တွေ့စမ်းသပ်ပြသတတ်မည်။
• မြန်နှုန်းသည် သွားသည့်အကွာအဝေးနှင့် ကြာသည့်အချိန်တို့ဖြင့် ဆက်စပ်နေကြောင်း အလေးထား သိမြင်လာမည်။
• အလင်းသည် မျဉ်းဖြောင့်များအတိုင်းသွားကြောင်း သရုပ်ပြသင်ကြားတတ်မည်။
• အလင်းပြန်ခြင်းနှင့် အလင်းယိုင်ခြင်းအကြောင်း ရှင်းပြတတ်မည်။
• အရာဝတ္ထုများ၏ အရောင်သည် အဘယ်ကြောင့် မတူညီရကြောင်း ဆွေးနွေးတတ်မည်။
• အသံသည် တုန်ခါမှုမှထုတ်လွှတ်သော စွမ်းအင်ပုံစံတစ်ရပ်ဖြစ်ကြောင်း ဖော်ထုတ်တတ်မည်။
• အသံများတွင် မည်သို့သော ကွဲပြားသည့် စူးသံ (သို့မဟုတ်) ကွဲပြားသည့် ကျယ်လောင်သံ ရှိနိုင်ကြောင်း ရှင်းပြတတ်မည်။
• လေကို ဖြတ်သွားသည့် အသံ၏ မြန်နှုန်းကို တိုင်းတာတတ်ပြီး မတူညီသော ကြားခံနယ်များတွင် အသံ၏မြန်နှုန်း ပြောင်းလဲကြောင်းကို ရှင်းပြတတ်မည်။
• အပူသည် စွမ်းအင်ဖြစ်ကြောင်း ဖော်ထုတ်၍ အပူနှင့် အပူချိန်တို့အကြား ကွဲပြားမှုကို ရှင်းပြတတ်မည်။
• အပူချိန်ပြောင်းလဲနှုန်းတစ်လျှောက် အပူမည်သို့ ကူးသွားကြောင်းကို ရှင်းပြတတ်မည်။
• အပူလျှောက်ကူးခြင်း၊ အပူစီးကူးခြင်းနှင့်  အပူဖြာကူးခြင်းတို့ဖြစ်ပေါ်စဉ်  အပူမည်သို့ရွေ့လျားကြောင်း ဖော်ပြတတ်မည်။
• လျှပ်စစ်သည် စွမ်းအင်ပုံစံတစ်ရပ်ဖြစ်ကြောင်း ဖော်ထုတ်တတ်မည်။
• လျှပ်စစ်စီးရန်အတွက် လျှပ်စီးပတ်လမ်းပြည့်တစ်ခု၏ အရေးပါပုံကို သိမြင်တတ်မည်။
• အရာဝတ္ထုပစ္စည်းများကို လျှပ်ကူးပစ္စည်းများ (သို့မဟုတ်) လျှပ်ကာပစ္စည်းများ ဟုတ်၊ မဟုတ်စမ်းသပ်ဆုံးဖြတ်တတ်မည်။
• နေ့စဉ်ဘဝတွင် လျှပ်စစ်အသုံးအဆောင်ပစ္စည်းများအား အသုံးပြုပုံကို ဖော်ပြ၍ ဘေးကင်းစွာ အသုံးပြုရန်အတွက် ဆွေးနွေးတတ်မည်။
• သံလိုက်ဓာတ်သည် စွမ်းအင်ပုံစံ တစ်ရပ်ဖြစ်ကြောင်း သိရှိပြီး သံလိုက်တစ်ခု၏ ဝင်ရိုးစွန်းများကို ဖော်ထုတ်တတ်မည်။
• သံလိုက်ဓာတ်ရှိသော ပစ္စည်းအချို့နှင့် သံလိုက်ဓာတ်မရှိသော ပစ္စည်းအချို့ကို ဖော်ထုတ်တတ်မည်။
• သံလိုက်ဓာတ်၏ ဥပဒေသများကို ဖော်ပြ၍ လျှပ်စစ်သံလိုက်တစ်ခု ပြုလုပ်တတ်မည်။
• မူလတန်းအဆင့် သိပ္ပံဘာသာရပ်တွင် သင်ယူမှုကို အထောက်အကူပြုနိုင်သည့် စစ်ဆေး အကဲဖြတ်ခြင်း နည်းဗျူဟာများနှင့်နည်းလမ်းများကို သိရှိလေ့လာနိုင်မည်။
• မူလတန်း သိပ္ပံသင်ခန်းစာပြင်ဆင်ရာတွင် လိုအပ်သော အဆင့် ငါးဆင့်ကိုဖော်ထုတ်တတ်မည်။
• မူလတန်းသိပ္ပံ သင်ခန်းစာအား ပြင်ဆင်သည့် အဆင့် ငါးဆင့်ကို အသုံးပြု၍ သင်ခန်းစာ စီစဉ်ရေးဆွဲတတ်မည်။
• မူလတန်းကျောင်းအဆင့်၌ သိပ္ပံသင်ခန်းစာများကို သင်ကြားရာတွင် လိုအပ်သည့်ပစ္စည်းများ၏ အပိုင်းအခြားနှင့် အမျိုးအစားများကို ရှင်းပြတတ်မည်။
• အုပ်စုငယ်ဖြင့် စမ်းသပ်သင်ကြားခြင်းဖြင့် မူလတန်း သိပ္ပံသင်ခန်းစာကောင်းတစ်ခုကို မည်သို့သင်ကြားနိုင်ကြောင်း စောင့်ကြည့်လေ့လာတတ်မည်။
• မူလတန်းသိပ္ပံ သင်ခန်းစာကောင်းတစ်ခုကို မည်သို့သင်ကြားနိုင်ကြောင်း သရုပ်ပြတတ်မည်။