စာသင်ခန်း သင်ကြားရေးသည် လှုပ်ရှားသက်ဝင်၍ စိန်ခေါ်မှုများသည်။ ကျောင်းသားများသည် သူတို့သင်ရသော ကလေးများ၏ လိုအပ်ချက်များကို ဖြည့်ဆည်းနိုင်ရန် မည်သို့ ထိရောက်စွာ တုံ့ပြန်ရမည်ဆိုသည့် ချဉ်းကပ်မှုများကို တိုးတက်ကျွမ်းကျင်အောင် လေ့ကျင့်ထားရမည်။ မြန်မာနိုင်ငံသည် မတူကွဲပြားသော နိုင်ငံတစ်နိုင်ငံဖြစ်ပြီး ပညာရေး စနစ်၏ အစိတ်အပိုင်းအများအပြားမှာ ဗဟိုက ပြဌာန်းထားသော်ငြားလည်း စာသင်ခန်း တစ်ခုချင်းအလိုက် ကွဲပြားလိမ့်မည်။ တပည့်များကို သင်ကြားရာနှင့် ကျွမ်းကျင်မှု စွမ်းရည်များကို လေ့ကျင့်ရာ၌ ထိတွေ့ အတွေ့အကြုံများလေလေ၊ ကိုယ့်ကိုယ်ကိုယ် ယုံကြည်မှုတိုး၍ အခြေအနေအသီးသီးကို တုံ့ပြန်နိင်လေလေ ဖြစ်သည်။ ဤလက်တွေ့တန်းပြ လေ့ကျင့်ခြင်းသင်တန်းသည် ကျောင်းသားများအား လက်တွေ့ပတ်ဝန်းကျင် အခြေအနေ၌ သင်ကြားခြင်းကို လေ့ကျင့်ရန် အခွင့်အရေး ပေးပါသည်။ ပညာရေး ဒီဂရီကောလိပ် ဘွဲ့သင်တန်းရှိ နယ်ပယ်အသီးသီးကို သင်ယူရာတွင် ပညာရေး ဘာသာရပ်၊ ဘာသာရပ် တစ်ခုချင်းစီနှင့် ပြန်လည်သုံးသပ်ခြင်းဆိုင်ရာ ကျွမ်းကျင်မှုများမှ လေ့လာသင်ယူခဲ့သည့် သဘောတရားနှင့် လက်တွေ့ပိုင်း အသိပညာရပ်များကို တစ်ပေါင်းတည်းဖြစ်အောင် ဆက်စပ်ပေးရသည်။  ဤသို့ ပေါင်းစည်း ဆက်စပ်ပေးရာ၌ လက်တွေ့တန်းပြ လေ့ကျင့်ခြင်းသည် အရေးပါသည်။ လေ့တွေ့တန်းပြ လေ့ကျင့်ခြင်း၌ ဤအစိတ်အပိုင်းများ ပေါင်းစည်းမှုသည် ကျောင်းသားများအား စွမ်းရည်ပြည့်တပြီး ဘက်စုံထူးချွန်သော ဘွဲ့ရဆရာများအဖြစ် မြန်မာပညာရေး စနစ်၌ တာဝန်ထမ်းဆောင်နိုင်ရန် ဖွံ့ဖြိုးတိုးတက်အောင် ကူညီပေးပါသည်။ ဤသင်တန်းအဆုံး၌ ကျောင်းသားများသည် ကျောင်းပတ်ဝန်းကျင်ရှိ ဆရာများ၏ အလုပ်ဆိုင်ရာ အခန်းကဏ္ဍနှင့် တာဝန် ဝတ္တရားများကို ပို၍ သဘောပေါက်လာမည် ဖြစ်ပါသည်။