မူလတန်းကျောင်းသားများ၏ သိပ္ပံဘာသာရပ်အပေါ်  စိတ်ဝင်စားမှုနှင့် လေ့လာသင်ယူမှုကို ကူညီလမ်းညွှန်ရန်အတွက် ကျောင်းသားများကို ဤသင်ရိုးက ပြင်ဆင်ပေးသွားမည် ဖြစ်ပါသည်။ ကျောင်းသားများသည် သိပ္ပံပညာ လုပ်ငန်းစဉ်ကျွမ်းကျင်မှုများ၊ ဆင်ခြင်စဉ်းစားရေး ကျွမ်းကျင်မှုများ၊ ဖန်တီးမှုနှင့် ပြဿနာဖြေရှင်းရေး ကျွမ်းကျင်မှုများ၊ မေးခွန်းထုတ်မှုနှင့် ပူးပေါင်းလေ့လာသင်ယူရေး ကျွမ်းကျင်မှုများကဲ့သို့သော မရှိမဖြစ်လိုအပ်သော ကျွမ်းကျင်မှုများကို တိုးတက်သွားမည်ဖြစ်ပြီး သူတို့၏ စာသင်ခန်းများ၌ မူလတန်းကျောင်းသားများနှင့်အတူ ၎င်းကျွမ်းကျင်မှုများကို အသုံးပြုသွားနိုင်မည် ဖြစ်ပါသည်။ ကျောင်းသားများအနေဖြင့် မူလတန်းကျောင်းသားများ၏ လေ့လာသင်ယူမှုကို တိုးတက်မြင့်မားစေရန်အတွက် ကောင်းစွာ ဒီဇိုင်းရေးဆွဲထားသော သင်ခန်းစာများကို လက်တွေ့လုပ်ငန်းများ၊ လွတ်လပ်သော လေ့လာသင်ယူမှုများ၊ နေ့စဉ်ဘဝ အတွေ့အကြုံများနှင့် ချိတ်ဆက်မှုများမှတစ်ဆင့် အကောင်အထည်ဖော် ဆောင်ရွက်နိုင်မည့် တတ်ကျွမ်းမှုများလည်း ရရှိသွားမည် ဖြစ်ပါသည်။ ထို့ပြင် ကျောင်းသားများသည် မူလတန်းကျောင်းသားများ၏ နားလည်မှုကို စစ်ဆေးနိုင်ရန်နှင့် သဘောထား မှတ်ချက်ပေးနိုင်ရန်အတွက် လေ့လာသင်ယူမှုဆိုင်ရာလုပ်ငန်းများနှင့် ပူးပေါင်း ချိတ်ဆက်ထားသော မတူညီသော စစ်ဆေးအကဲဖြတ်မှု လေ့ကျင့်ခန်းများကို စီစဉ်အသုံးပြုသွားနိုင်မည် ဖြစ်ပါသည်။ ဤသင်ရိုးတွင် သင်ကြားနည်းဆိုင်ရာ အသိပညာနှင့် ဘာသာရပ်ဆိုင်ရာ အသိပညာတို့ကို ပေါင်းစပ်ထားပြီး သက်ရှိများ၊ ဒြပ်၊ စွမ်းအင်၊ ကမ္ဘာမြေကြီးနှင့် အာကာသ၊ သဘာဝပတ်ဝန်းကျင်ဆိုင်ရာ ခေါင်းစဉ်များ ပါဝင်ပါသည်။bb