လက်တွေ့တန်းပြလေ့ကျင့်ခြင်း (Practicum) သင်ယူမှုနယ်ပယ်သည် ပညာရေးဒီဂရီကောလိပ်  သင်ရိုးညွှန်းတမ်းတွင် ပါဝင်ပါသည်။ မြန်မာနိုင်ငံ၏ အခြေခံပညာ သင်ရိုးညွှန်းတမ်းတွင် သတ်မှတ်ထားသော သင်ရိုးအကြောင်းအရာများကို သင်ကြားနိုင်သည့် ဆရာများအဖြစ် ပြင်ဆင်လေ့ကျင့်ပေးနိုင်ရန် ရည်ရွယ်ပြီး ဤသင်ယူမှုနယ်ပယ်ကို ထည့်သွင်းထားခြင်းဖြစ်သည်။ ကျောင်းသား (သို့) မူလတန်းဆရာလောင်းများသည် အခြေခံကျွမ်းကျင်မှု ကောင်းမွန်စွာရရှိစေရန်အတွက် မူလတန်း၊ အလယ်တန်း အဆင့်နှင့် ကိုက်ညီသော စာပေစံများကို သင်ယူရမည်ဖြစ်ပြီး မူလတန်းကျောင်းသားများကို ထိရောက်စွာသင်ကြားနိုင်မည့် ဆရာများ ဖြစ်လာစေရန် ရည်ရွယ်ပါသည်။ (ပညာရေးဒီဂရီကောလိပ်သင်ရိုးညွှန်းတမ်း အညွှန်းဘောင်၊ ၂၀၁၈) ထိုရည်ရွယ်ချက်များ ပြည့်မီစေရန်အတွက် ဤသင်ယူမှုနယ်ပယ်တွင် ကျောင်းသားများကို ၎င်းတို့သင်ကြားမည့်  မူလတန်းကျောင်းသားများ၏ ဘက်စုံတိုးတက်မှုကို ကူညီဆောင်ရွက်ပေးနိုင်သည့် လိုအပ်သော စွမ်းရည်များ တိုးတက်လာစေရန် ပုံဖော်ပေးမည်ဖြစ်သည်။ ဤသင်ယူမှုနယ်ပယ်ကို သင်ယူပြီးမြောက်ပါက ကျောင်းသားများသည် ကောင်းစွာပြင်ဆင်ထားသော၊ ယုံကြည်မှုရှိသော ဆရာများ ဖြစ်လာစေရန် လိုအပ်သော ကျွမ်းကျင်မှုများကို ရရှိမည်ဖြစ်ပြီး မူလတန်းကျောင်းသားများကိုသင်ယူမှုဦးတည်ချက်များ၊ သင်ယူမှုနယ်ပယ်များ နှင့် ဘာသာရပ်ဆိုင်ရာများကို ပေါက်မြောက်စေရန် အတွက် ကူညီထောက်ပံ့ပေးနိုင်မည် ဖြစ်သည်။