Myanmar Teacher Platform

Course Description

မသန်စွမ်းကလေးများသည်လည်း အခြားကလေးများနည်းတူ ပညာသင်ခွင့်ရှိကြောင်းကို လူ့အခွင့်အရေး ကြေညာချက်စာတမ်း အပိုဒ် (၂၆) တွင်လည်းကောင်း၊ ကမ္ဘာ့ကုလသမဂ္ဂ မသန်စွမ်းသူများ အခွင့်အရေးဆိုင်ရာ သဘောတူစာချုပ် အပိုဒ် (၂၄) တွင်လည်းကောင်း၊ ရေရှည်ဖွံ့ဖြိုးတိုးတက်ရေးပန်းတိုင်များ၏ ရည်ရွယ်ချက် (၄) တွင်လည်းကောင်း အသီးသီးဖော်ပြထားပါသည်။ ထို့သို့ဖော်ပြတိုက်တွန်းချက်များရှိနေသော်လည်း မြန်မာ နိုင်ငံရှိ မသန်စွမ်းကလေးအများစုသည် ပညာသင်ခွင့်ဆုံးရှုံးနေဆဲဖြစ်သည်။ ထိုသို့ဖြစ်နေရသည်မှာ မသန်စွမ်း ကလေးများအနေဖြင့် ပညာသင်ယူနိုင်စွမ်းမရှိသောကြောင့်မဟုတ်ဘဲ မြန်မာနိုင်ငံတွင် မသန်စွမ်းမှုနှင့် လူတိုင်း အကျုံးဝင်ပညာရေးဆိုင်ရာအသိပညာများ  ဖြန့်ဝေမှုအားနည်းနေမှုကြောင့် မသန်စွမ်းကလေးများ၏ ပညာ သင်ယူနိုင်မှုကိုဖြည့်ဆည်းပေးရန်အတွက် လိုအပ်နေသောပညာရေးစနစ်နှင့်မူဝါဒ မခိုင်မာသေးသောကြောင့် ဖြစ်သည်။ ထိုကြောင့် ဤသင်ခန်းစာမှတစ်ဆင့် မသန်စွမ်းမှုဆိုင်ရာ အမြင်သစ်နှင့် လူတိုင်းအကျုံးဝင်ပညာရေး ဆိုင်ရာ သိမှတ်ဖွယ်ရာများကို မျှဝေသွားမည်ဖြစ်ပါသည်။

ကျွန်ုပ်တို့လူမှုအသိုင်းအဝိုင်းတွင် မှားယွင်းစွာယူဆထားခဲ့ကြသည်မှာ မသန်စွမ်းကလေးများသည် သူတို့တွင် ရှိနေသော ချို့ယွင်းအားနည်းချက်များကြောင့် အခြားကလေးများကဲ့သို့ ပညာမသင်ကြားနိုင်ကြဟု ယူဆမိ တတ်ကြပါသည်။ အမှန်သည်ကား မသန်စွမ်းကလေးများ ပညာသင်ယူခွင့်ဆုံးရှုံးနေရသည်မှာ သူတို့၏ ချို့ယွင်းအားနည်းချက်များ ရှိသောကြောင့်မဟုတ်ဘဲ လက်ရှိကျင့်သုံးနေသောပညာရေးစနစ်သည် သူတို့၏ လိုအပ်ချက်ကို မဖြည့်ဆည်းနိုင်သေးသောကြောင့် ဖြစ်သည်။ တစ်နည်းအားဖြင့် လူတိုင်းအကျုံးဝင်ပညာရေး ကို လက်တွေ့အကောင်အထည်ဖော်ရန် အားနည်းနေခြင်းကြောင့်ဖြစ်သည်။ ဤသင်ခန်းစာတွင် လူတိုင်း အကျုံးဝင်ပညာရေးကို အကောင်အထည်ဖော် ဆောင်ရွက်ရာတွင် သိရှိသင့်သည့် သိမှတ်ဖွယ်ရာအချို့ကို မျှဝေ ထားပါသည်။ 

Course Objectives

-        မသန်စွမ်းကလေးများအပါအဝင် ကလေးတိုင်းအတွက် ပညာသင်ကြားခွင့်သည် မွေးရာပါအခွင့်အရေး တစ်ရပ်ဖြစ်ကြောင်းသိရှိလက်ခံနိုင်ရန်နှင့် သင်ယူသူမသန်စွမ်းကလေးတစ်ဦးချင်းစီအား ပညာသင်ရန် သင့်တော်သော ပံ့ပိုးမှုများလက်လှမ်းမီရရှိနိုင်ပါက အခက်အခဲမရှိ အခြားသင်ယူသူကလေးများနှင့် အတူ ကောင်းစွာသင်ယူနိုင်ကြောင်းသိရှိလာစေရန်။  

Assessment and Certification

In order to get the certification, you need to finish all the course work, quizzes and final assessment.

Rating & Reviews (5 - Best, 1 - Worst)

Please login and take the course to rate and review.