Myanmar Teacher Platform

Home
E-learning
Courses
သင်ယူသူဗဟိုပြု ချဉ်းကပ်နည်းနှင့် တတ်ကျွမ်းမှုအခြေပြု ချဉ်းကပ်နည်း

သင်ယူသူဗဟိုပြု ချဉ်းကပ်နည်းနှင့် တတ်ကျွမ်းမှုအခြေပြု ချဉ်းကပ်နည်း

Certified 5 hour(s) 113 enrollment(s) 25 lecture(s) 2 quizz(es) 2826 view(s)

Course Description

ဤ ‘သင်ယူသူဗဟိုပြု ချဉ်းကပ်နည်းနှင့် တတ်ကျွမ်းမှုအခြေပြု ချဉ်းကပ်နည်း’ သင်တန်းသည် ဆရာများအတွက် သင်ယူသူဗဟိုပြုပြီး တတ်ကျွမ်းမှုအခြေပြုသည့် သင်ကြားရေး ချဉ်းကပ်နည်းများကို ထိရောက်စွာ အကောင်အထည်ဖော်နိုင်ရန် လိုအပ်သည့် ကျွမ်းကျင်မှုများနှင့် အသိပညာများ ရရှိစေရန် အထောက်အကူပြုပါသည်။ ဆရာများအနေဖြင့် အဓိကအရေးပါသည့် ထည့်သွင်းစဉ်းစားချက်များနှင့် လက်တွေ့ကျင့်သုံးနည်းများမှတစ်ဆင့် ကျောင်းသားများ၏ လိုအပ်ချက်နှင့် ကိုက်ညီပြီး စိတ်ဝင်စားဖွယ်ရာ၊ အစီအစဉ်တကျရှိသည့် သင်ခန်းစာများကို ပြင်ဆင်ရေးဆွဲနိုင်မည် ဖြစ်သည်။

သင်တန်းတွင် အောက်ပါ မော်ဂျူးများ ပါဝင်ပါသည်။

မော်ဂျူး (၁) - သင်ယူသူဗဟိုပြု ချဉ်းကပ်နည်းနှင့် ၎င်းကို မြန်မာကျောင်းစာသင်ခန်းများတွင် လက်တွေ့အသုံးချနိုင်မည့် နည်းလမ်းများ

(၁.၁) သင်ယူသူဗဟိုပြု ချဉ်းကပ်နည်း သဘောတရားများ

(၁.၂) မြန်မာကျောင်းစာသင်ခန်းများတွင် သင်ယူသူဗဟိုပြုသည့် သင်ကြားရေးရပ်ဝန်းတစ်ခု ဖန်တီးခြင်း

(၁.၃) သင်ယူသူဗဟိုပြုသည့် သင်ခန်းစာများ ပြင်ဆင်ရေးဆွဲခြင်း

(၁.၄) သင်ယူသူဗဟိုပြု ချဉ်းကပ်နည်း၏ ကတစ်ခုဖြစ်သော စစ်ဆေးအကဲဖြတ်ခြင်း

မော်ဂျူး (၂) - တတ်ကျွမ်းမှုအခြေပြု ချဉ်းကပ်နည်း

(၂.၁) တတ်ကျွမ်းမှုအခြေပြု ပညာရေး မိတ်ဆက် နှင့် သဘောတရားများ

(၂.၂) တတ်ကျွမ်းမှုများနှင့် သင်ယူမှုရလဒ်များကို ချိန်ညှိခြင်း

အဓိကအသုံးအနှုန်းများ

သင်ယူသူဗဟိုပြု၊ တတ်ကျွမ်းမှုအခြေပြု ပညာရေး (competency-based education - CBE)၊ သင်ယူမှုရလဒ်များ၊ တတ်ကျွမ်းမှုများ

Course Objectives

ဤသင်တန်း၏ အဓိကရည်ရွယ်ချက်မှာ ဆရာများအနေဖြင့် သင်ယူသူဗဟိုပြုပြီး တတ်ကျွမ်းမှုအခြေပြုသည့် သင်ကြားရေးနည်းလမ်းများကို လက်တွေ့ကျကျ ဖော်ဆောင်နိုင်ရန် လိုအပ်သည့် ကျွမ်းကျင်မှုများနှင့် အသိပညာများရရှိကာ ကျောင်းသားများ၏ လိုအပ်ချက်နှင့် ကိုက်ညီသည့် စိတ်ဝင်စားဖွယ်ရာ သင်ခန်းစာများကို ပြင်ဆင်ရေးဆွဲနိုင်စေရန် ဖြစ်သည်။

Learning Outcomes

ဤသင်တန်းကို သင်ယူပြီးချိန်တွင် သင်သည် -

သင်ယူသူဗဟိုပြု ချဉ်းကပ်နည်းနှင့် ဆရာဗဟိုပြု ချဉ်းကပ်နည်းများအကြား တူညီချက်များနှင့် ခြားနားချက်များကို နှိုင်းယှဉ်တတ်မည်။
စာသင်ခန်းပုံစံဒီဇိုင်းနှင့် စာသင်ခန်းစီမံခန့်ခွဲမှုကို စဉ်းစားသည့်နေရာတွင် သင်ယူသူဗဟိုပြု သဘောတရားများကို အသုံးချတတ်မည်။
သတင်းအချက်အလက်နှင့် ဆက်သွယ်ရေး နည်းပညာ (ICT) ကျွမ်းကျင်မှုများကို သင်ကြားသည့် စာသင်ခန်းတစ်ခုအတွက် သင်ယူသူဗဟိုပြုသည့် သင်ယူမှုရည်ရွယ်ချက်များ ရေးဆွဲချမှတ်တတ်မည်။
စစ်ဆေးအကဲဖြတ်နေစဉ် သင်ယူသူဗဟိုပြု သဘောတရားများ မည်သို့ထင်ဟပ်နေသည်ကို နားလည်သဘောပေါက်မည်။
တတ်ကျွမ်းမှုအခြေပြု ချဉ်းကပ်နည်း၏ အဓိက ထူးခြားချက်များနှင့် အကျိုးကျေးဇူးများကို ဖော်ထုတ်နိုင်မည်။
မြန်မာ ကျောင်းစာသင်ခန်းများတွင် စီမံချက်အခြေပြု လေ့လာသင်ယူမှု ဖြစ်ရပ်တစ်ခုအတွက် သင်ယူသူဆိုင်ရာ တတ်ကျွမ်းမှုများကို ပြုစုတတ်မည်။