အိတ်ချ်အိုင်ဗီ အေအိုင်ဒီအက်(စ်) လိင်မှု နှင့် မျိုးဆက်ပွား ကျန်းမာရေး အွန်လိုင်သင်ခန်းစာမှ ကြိုဆိုပါသည်။ ဤအွန်လိုင်းသင်ခန်းစာကို  United Budget Result and Accountability Framework ၏ ရန်ပုံငွေ ပံ့ပိုး မှု ဖြင့် ယူနက်စကိုမှ  စီစဉ်ခဲ့ပြီး၊ ကျန်းမာရေး အ ကြံပေး ဒေါက်တာ နေဝင်း ဟောပြော ပို့ချ သည့် သင်ခန်းစာများ ပါရှိပါသည်။ သင်ခန်းစာကို အောက်ဖော်ပြပါ မော်ဂျူး ၃ ခု ဖြင့် ဖွဲ့စည်းထားပြီး၊  နိုင်ငံတကာ လိင်မှုပညာရေး လမ်းညွှန်ချက်များ နှင့် ကိုက်ညီစွာ ပြုစုထားပါသည်။

မော်ဂျူး(၁) ကျန်းမာ ပျော်ရွှင် ဘဝသံစဉ်

 မော်ဂျူး(၂) လိင်မှုနှင့် မျိုးဆက်ပွားကျန်းမာရေး

 မော်ဂျူး(၃) အိတ်ချ်အိုင်ဗီ အေအိုင်ဒီအက်(စ်)

 မော်ဂျူး တစ်ခုစီ၏ အဆုံးတွင် သင်တန်း ပြီးမြောက်ကြောင်း လက်မှတ် ထုတ်ယူရန် အတွက် မေးခွန်းများကို ဖြေဆိုရမှာ ဖြစ်ပါသည်။

ဤအွန်လိုင်းသင်တန်းကို သင်တန်း ပြီးဆုံးသည် အထိ မိမိ နှစ်သက်ရာ အချိန်တွင် အချိန်ယူ လေ့လာနိုင်ပါသည်။ မိမိ တစ်ဦးတည်း လေ့လာနိုင်သလို လုပ်ဖော်ကိုင်ဖက်၊ သူငယ်ချင်းများ နှင့် လည်း Discussion Session တွင် ဆွေးနွေးပြီး လေ့လာ နိုင်ပါသည်။

ယေဘုယျအား ဖြင့် ဤသင်တန်း သည် လူငယ်လူရွယ်များနှင့် ဆရာ၊ဆရာမများ အတွက် အခြေခံ လိင်မှု နှင့် မျိုးဆက်ပွားဆိုင်ရာ ဗဟုသုတများ ရရှိစေရန် ၊ လိင်မှု နှင့် မျိုးဆက်ပွား ကျန်းမာရေးဆိုင်ရာ ပြသနာများမှ ရှောင်ရှားနိုင်စေရန် နှင့် လူကြီးဘဝကို ကျန်းမာ ပျော်ရွှင်စွာ ပုံဖော်နိုင်စေရန် ရည်ရွယ်ပါသည်။

မော်ဂျူး (၂)ပြီးဆုံးပါက သင်ယူသူများသည်

•  လိင်မှုနှင့် မျိုးဆက်ပွားဆိုင်ရာ အခွင့်အရေးများ ကို သိရှိနားလည်မည်။
• ဆယ်ကျော်သက်အရွယ် ရုပ်ပိုင်းဆိုင်ရာနှင့် စိတ်ပိုင်းဆိုင်ရာပြောင်းလဲမှုများကို ရှင်းပြတတ်မည်။
• အမျိုးသား၊ အမျိုးသမီး မျိုးဆက်ပွားအင်္ဂါစုများကို  ရှင်းပြတတ်မည်။
• အိမ်ထောင်ပြုရန် အဆင်သင့် ဖြစ်၊ မဖြစ် မိမိကိုယ်ကို သုံးသပ်တတ်မည်။
• အရွယ်မတိုင်မီ ကိုယ်ဝန်ဆောင်ခြင်း၏ ဆိုးကျိုးများကို ဖော်ထုတ်တတ်မည်။
• မလိုလားအပ်သော ကိုယ်ဝန်ဆောင်ခြင်းမှ ကာကွယ်ရန် အသိပညာ၊ ဗဟုသုတများ ရရှိမည်။
• လိင်မှတဆင့် ကူးစက်သော ရောဂါများအကြောင်းကို သိရှိနားလည်မည်။