ထို့အပြင်ဤသင်ခန်းစာသည်၂၀၂၀ပြည့်နှစ်စက်တင်ဘာလတွင်ပြဌာန်းခဲ့သောဆရာများ အတွက် တတ်ကျွမ်းမှုစံသတ်မှတ်ချက်အညွှန်းဘောင်(Teacher Competencies Standard Framework) နှင့်ကိုက်ညီမှုရှိသည့်အချို့သော အညွှန်းကိန်းများကို အခြေခံထားပါသည်။ထို အညွှန်းကိန်းများမှာ-

• (က)(၁.၂.၁) ပိုမိုကောင်းမွန် စွာသင်ယူနိုင်ရေး အတွက်အထူးသင်ယူမှု လိုအပ်ချက်ရှိသော သင်ယူသူများ အပါအဝင် နောက်ခံ အကြောင်းအရာ အမျိုးမျိုး(ကျား၊မ၊ တိုင်းရင်းသား မျိုး နွယ်စု၊ယဉ်ကျေးမှု) နှင့် စွမ်းရည် အမျိုးမျိုး ရှိသော ကျောင်းသားများအား ပံ့ပိုး ကူညီနိုင်မည့် သင်နည်းအမျိုးမျိုး ကိုဖော်ထုတ်သတ်မှတ်မည်။
• (ခ)(၃.၁.၁) သင်ယူမှု လုပ်ငန်းများတွင် ကျောင်းသားအားလုံး ပါဝင် ဆောင်ရွက်မှုအသေ အချာ ရှိစေရေး အတွက်စာသင်ခန်းနေရာအနေအထား၊ အတန်း တွင်းရှိ ပစ္စည်းများနှင့် အရင်းအမြစ်များကို စီမံ အသုံးပြုသည်။
• (ဂ)(၃.၂.၃)ကျောင်းသားတစ်ဦးချင်းစီ၏ နောက်ခံ အကြောင်းအရင်းများနှင့် လိုအပ်ချက်များ ကိုသိရှိရန် လေ့လာသင်ယူသည်။ကျောင်းသားအားလုံးနှင့် အပြန်အလှန် ပြောဆိုဆက်သွယ် သည်။ တို့ ဖြစ်ကြပါသည်။

သင်ခန်းစာရည်ရွယ်ချက်

• ပင်မကျောင်းများတွင် အတွေ့ရအများဆုံးဖြစ်သည့် သူငယ်နာအကြောတင်းကလေးများနှင့် မွေးရာပါကိုယ်အင်္ဂါပုံပျက်ယွင်းမှုရှိသောမသန်စွမ်းကလေးများအားလူတိုင်းအကျုံး ဝင်နည်း ဖြင့် ပင်မစာသင် ခန်းများတွင် သင်ကြားရမည့် နည်းလမ်းများကို သိရှိ ပြီး လက်တွေ့ အသုံးချတတ်စေရန်။

• စာသင်ခန်းများတွင်အတွေ့ရများသည့်ကိုယ်အင်္ဂါချို့ယွင်းမှုအမျိုးအစားများနှင့်၎င်းတို့၏ပုံစံအနေအ ထား များကို သိရှိစေရန်။
• သူငယ်နာအကြောတင်း ဖြစ်ပွါးရသော အကြောင်းအရင်းများ၊ အမျိုးအစားများ၊ သွင်ပြင် လက္ခဏာများနှင့်စာသင်ခန်းအတွင်းကြုံတွေ့ရနိုင်သော အတားအဆီးများ၊ထိုအတားအဆီး များ ကို ဖြေရှင်းပြီး ခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
• မွေးရာပါကိုယ်အင်္ဂါပုံပျက်ယွင်းမှုဆိုင်ရာချို့ယွင်းမှုအမျိုးအစားများ၊သွင်ပြင်လက္ခဏာများနှင့် စာသင် ခန်း အတွင်းကြုံတွေ့ ရနိုင်သော အတားအဆီးများ၊ထိုအတားအဆီး များ ကို ဖြေရှင်းပြီး ခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
• ဆရာတစ်ဦး၏အတွေ့အကြုံမျှဝေမှုမှကိုယ်အင်္ဂါမသန်စွမ်းကလေးအားမိမိတို့ပြန်လည်အသုံး ပြုနိုင်မည့် နည်းလမ်းများနှင့်  စိတ်ဓါတ် ခွန်အားများရရှိစေရန်။