Myanmar Teacher Platform

မူလစာမျက်နှာ
အွန်လိုင်းမှသင်ယူခြင်း
အွန်လိုင်းသင်တန်းများ
မော်ဂျူး၃-ဉာဏ်ရည်ချို့ယွင်းချက်ရှိသောမသန်စွမ်းကလေးများအားလူတိုင်းအကျုံးဝင်နည်းဖြင့်လေ့ကျင့်သင်ကြားပေးခြင်းအွန်လိုင်းသင်ခန်းစာ

မော်ဂျူး၃-ဉာဏ်ရည်ချို့ယွင်းချက်ရှိသောမသန်စွမ်းကလေးများအားလူတိုင်းအကျုံးဝင်နည်းဖြင့်လေ့ကျင့်သင်ကြားပေးခြင်းအွန်လိုင်းသင်ခန်းစာ

သင်ယူပြီးမြောက်ကြောင်းလက်မှတ်ပေးမည့် သင်တန်း 1 week(s) 111 စာရင်းသွင်းထားသူ 23 ပို့ချချက်/ပို့ချချက်များ 15 မေးခွန်းများ 1780 ကြည့်ရှုသူစုစုပေါင်း

သင်တန်းအကြောင်းအရာ ဖော်ပြချက်

မသန်စွမ်းကလေးများသည်မသန်စွမ်းကလေးမဟုတ်သောကလေးများနှင့်အတူတူသင်ကြားမှု၊သင်ယူမှုဖြစ်စဉ်တွင်ပါဝင်ခွင့်ရှိကြောင်းနိုင်ငံတကာလူ့အခွင့်အရေးကြေညာချက်စာတမ်းများတွင်ဖော်ပြထားကြပါသည်။သို့ပါသော်လည်းမသန်စွမ်းကလေးများသည်မသန်စွမ်းမှုကိုဖြစ်စေသောအတားအဆီးများကြောင့်ပညာသင်ယူခွင့်များဆုံးရှုံးနေကြပါသည်။ထိုအတားအဆီးများထဲတွင်မသန်စွမ်းကလေးများ၏ သီးခြားဖြစ်တည် နေသောသင် ကြား၊သင်ယူမှုပုံစံကြောင့်ပေါ်ပေါက်လာသောသီးခြားလိုအပ်ချက်များကိုအခြေခံ၍ သင်ကြားပေး နိုင်သော စွမ်းဆောင်ရည်နှင့် အခြေအနေတစ်ရပ် မရှိခြင်းသည် မသန်စွမ်း ကလေးများနှင့် ဆရာ၊ ဆရာမများ ကြုံတွေ့နေရသောအတားအဆီးတစ်ခုဖြစ်သည်။မြန်မာနိုင်ငံတွင်ပြုလုပ်ခဲ့သောမသန်စွမ်းမှုနှင့်လူတိုင်းအကျုံးဝင်ပညာ ရေးဆိုင်ရာသုတေသနစာ တမ်းများတွင်လည်းမသန်စွမ်းကလေးများကို လေ့ကျင့်သင်ကြားပေးရာ တွင် ဆရာ၊ ဆရာမများအနေဖြင့် အခက် အခဲရှိကြောင်း တွေ့ရှိရပါသည်။"ဤဉာဏ်ရည်ချို့ယွင်းချက်ရှိသောမသန်စွမ်းက လေးများအားလူတိုင်းအကျုံးဝင်နည်းဖြင့်လေ့ကျင့် သင်ကြားပေး ခြင်းအွန်လိုင်းသင်ခန်းစာ”သည်မသန်စွမ်းကလေးများနှင့်ဆရာ၊ဆရာမများအနေ ဖြင့်သင်ကြားပေးခြင်းနှင့် သင်ယူ မှုဖြစ်စဥ်တွင် ကြုံတွေ့နေရသောအ တားအဆီး၊ အခက်အခဲများကို တစ်စိတ်တစ်ပိုင်း ကျော်လွှားဖြေရှင်းရန်ရည်ရွယ်သည်။ ဤသင်ခန်းစာတွင်ပင်မစာသင် ကျောင်း များတွင်အတွေ့များသောဥာဏ်ရည်ချို့ယွင်းမှုအမျိုးအစားများဖြစ်သည့် ဒေါင်းစင်ဒရုန်း (Down’s Syndrome)၊ အော်တစ်စင်(Autism)၊ အာရုံစူးစိုက်မှုခက်ခဲ၍လှုပ်ရှားမှုလွန်ကဲခြင်း(Attentions Deficit Hyperactivity Disorder)၊ စကားပြောဆိုရာ တွင်နှောင့်နှေးမှုရှိခြင်း(Speech Delay)စသည့်ချို့ယွင်းမှုများရှိသော ကလေးများအားလူတိုင်းအကျုံးဝင်နည်းဖြင့်ပင်မစာသင်ခန်းများတွင်သင်ကြားရမည့် နည်းလမ်း အချို့ကို မျှဝေထားပါသည်။

သင်တန်းရည်ရွယ်ချက်များ

စာသင်ကျောင်းများတွင်အတွေ့ရများသောဉာဏ်ရည်မသန်စွမ်းကလေးများအားလူတိုင်းအကျုံးဝင်နည်းဖြင့်ပင်မစာသင်ကျောင်းများတွင်သင်ကြားပေးရမည့်နည်းလမ်းဆိုင်ရာအသိပညာများတိုးပွါးလာစေရန်။

သင်ယူမှုရလဒ်များ

ဥာဏ်ရည်ချို့ယွင်းမှုများရှိသောကလေးအမျိုးအစားများ၊သွင်ပြင်လက္ခဏာများ၊သင်ယူရန်ခက်ခဲမှု များ နှင့် ခက်ခဲမှုအလိုက် သင်ကြားနည်းများကို သိရှိစေရန်။
ဒေါင်းစင်အရုန်းကလေးများ၏သွင်ပြင်လက္ခဏာများ၊သင်ယူရန်ခက်ခဲမှုများနှင့်ခက်ခဲမှုအလိုက်သင် ကြား နည်းများကို သိရှိစေရန်။
အော်တစ်စင်ကလေးများ၏သွင်ပြင်လက္ခဏာများ၊ သင်ယူရန်ခက်ခဲမှုများနှင့် ခက်ခဲမှုအလိုက် သင်ကြား နည်း များကို သိရှိစေရန်။
အာရုံစူးစိုက်မှုခက်ခဲ၍ တက်ကြွလွန်ကဲသောကလေးအကြောင်းနှင့်စကားပြောနှောင့်နှေးသောကလေး များ ၏သွင်ပြင်လက္ခဏာများ၊သင်ယူရန်ခက်ခဲမှုများနှင့်ခက်ခဲမှုအလိုက်သင်ကြားနည်းများကိုသိရှိ စေ ရန်။
ဆရာတစ်ဦး၏ အတွေ့အကြုံမျှဝေမှုမှမိမိတို့ပြန်လည်အသုံးပြုနိုင်မည့် နည်းလမ်းများ၊ စိတ်ဓါတ် ခွန်အား များရရှိစေရန်။

အကဲဖြတ်ခြင်းနှင့် သင်ယူပြီးမြောက်ကြောင်းလက်မှတ်

သင်တန်းပြီးဆုံးကြောင်းလက်မှတ်ရရှိရန်၊ သင်ခန်းစာများ၊ ပဟေဋ္ဌိများနှင့် အကဲဖြတ်မှုအားလုံးကို ပြီးဆုံးအောင်လုပ်ဆောင်ရန် လိုအပ်သည်။

အဆင့်သတ်မှတ်ခြင်းနှင့် သုံးသပ်ချက်များ (5 - Best, 1 - Worst)

ကလေးတိုင်းပညာသင်ယူခွင့်ရရှိသင့် သည်ဟု မှတ်ယူပါတယ်။ ဒါကြောင့် သာမာန်မဟုတ်သောကလေးများပညာသင်ကြားပေးနိုင်မည့်နည်းလမ်းများကို လေ့လာသင် ယူခြင်းဖြင့် အကျိုးများစေနိုင်ပါသည်။

By အ****************************** at 2024-02-14 22:04:56