ဤသင်တန်းသည် "လုပ်ငန်းခွင်အကြို ဆရာအတတ်ပညာအစီအစဉ် - ဆရာများအတွက် ဒုတိယနှစ်၊ ဒုတိယစာသင်နှစ်ဝက် အွန်လိုင်းသင်တန်း" ၏ အစိတ်အပိုင်းတစ်ခုဖြစ်သည်။ 

ဤ ပထမနှစ်၊ ဒုတိယစာသင်နှစ်ဝက် အွန်လိုင်းသင်တန်းတွင်

• မော်ဂျူး ၁။ မြန်မာနိုင်ငံ၏ ပညာရေးစနစ်နှင့် သင်ရိုးညွှန်းတမ်းလုပ်ငန်းစဉ်များအပေါ် ပြန်လည်သုံးသပ်ခြင်း
• မော်ဂျူး ၂။ ပညာရေးသဘောတရားနှင့် ပညာရေးသီအိုရီ
• မော်ဂျူး ၃။ စစ်ဆေးအကဲဖြတ်ခြင်း
• မော်ဂျူး ၄။ ပံ့ပိုးကူညီမှုနှင့် ဘေးကင်းလုံခြုံမှုရှိသော ပတ်ဝန်းကျင်
  
• မော်ဂျူး ၅။ ဆရာအတတ်ပညာ ကျွမ်းကျင်မှု

ဟူ၍ မော်ဂျူး (၅) ခုပါဝင်ရာ ယခု သင်တန်းတွင် မော်ဂျူး (၅)  ကို အသေးစိတ် လေ့လာရမည်ဖြစ်ပါသည်။ မော်ဂျူး (၅) တွင် လေ့လာရမည့် အကြောင်းအရာများမှာ အောက်ပါအတိုင်း ဖြစ်ပါသည် -

မော်ဂျူး (၅)

• မော်ဂျူး (၅.၁) ဆရာအတတ်ပညာဆိုင်ရာ စံသတ်မှတ်ချက်များ၊ တန်ဖိုးထားမှုများနှင့် သဘောထားခံယူချက်များ
  • ဆရာအတတ်ပညာဆိုင်ရာ စံသတ်မှတ်ချက်များနှင့် ရာထူးတိုးမြှင့်ရေး
  • ဆရာအတတ်ပညာဆိုင်ရာ တန်ဖိုးထားမှုများနှင့် သဘောထားခံယူချက်များ
  • ဆရာများအတွက် တတ်ကျွမ်းမှုစံသတ်မှတ်ချက်အညွှန်းဘောင် (TCSF) နှင့် တတ်ကျွမ်းမှုစံသတ်မှတ်ချက်များ

• မော်ဂျူး  (၅.၂) ဆရာအတတ်ပညာဆိုင်ရာ စွမ်းဆောင်ရည်ဖွံ့ဖြိုးတိုးတက်မှု
  • ပြန်လည်သုံးသပ်ခြင်းအလေ့အကျင့် - ဆရာသည် ပြန်လည်သုံးသပ်တတ်သူဖြစ်ရန် လိုအပ်ခြင်း
  • ပူးပေါင်းဆောင်ရွက်သင်ယူခြင်း - ဆရာအတတ်ပညာ စဉ်ဆက်မပြတ် ဖွံ့ဖြိုးတိုးတက်ရေး
  • သုတေသနလုပ်ဆောင်မှုဆိုင်ရာ ကျွမ်းကျင်မှုများ

ဤသင်တန်းပြီးမြောက်သည့်အခါ ဆရာ၊ ဆရာမများအနေဖြင့် လုပ်ငန်းခွင်အကြို ဆရာအတတ်ပညာအစီအစဉ် ဒုတိယနှစ်၊ ဒုတိယစာသင်နှစ်ဝက် သင်ရိုးညွှန်းတမ်းကို ထိရောက်စွာ သင်ကြားပေးနိုင်မည့် တတ်ကျွမ်းမှုများ ပိုမိုရရှိလာစေရန် ဖြစ်ပါသည်။

ဤမော်ဂျူးအပြီးတွင် ဆရာများသည်_

• လုပ်ငန်းခွင်အကြို ဆရာအတတ်ပညာသင်ယူမှုနှင့် လုပ်ငန်းခွင်အတွင်း ဆရာအတတ်ပညာသင်ယူမှုတို့အကြား ချိတ်ဆက်မှုတစ်ခုအဖြစ် TCSF ကို ပြန်လည်သုံးသပ်တတ်မည်။
• မြန်မာနိုင်ငံပညာရေးစနစ်တွင် ရာထူးတိုးမြှင့်ရေးအတွက် အရည်အချင်းများနှင့် လိုအပ်ချက်များ ကို နားလည်သဘောပေါက်လာကြောင်း ပြသတတ်မည်။
• မြန်မာကျောင်းဆရာတစ်ယောက်၏ ပညာရေးကျင့်ဝတ်ငါးပါးနှင့် ဆရာ့တာဝန်ဝတ္တရားများကို ထင်ဟပ်စေမည့် အခြေခံမူများ သတ်မှတ်ဖော်ထုတ်တတ်မည်။
• ဆရာများအတွက် တတ်ကျွမ်းမှုစံသတ်မှတ်ချက်အညွှန်းဘောင် (TCSF)၊ TCFS အကဲဖြတ်ဇယားတို့နှင့်အညီ သင်ယူမှုလုပ်ငန်းများကိုပြီးမြောက်အောင် လေ့ကျင့်လုပ်ဆောင်နိုင်မည်။
• ဆရာအတတ်ပညာဆိုင်ရာ သင်ယူမှုကွန်ရက်များ၏ ဝိသေသလက္ခဏာများကို အကြမ်းဖျင်း ဖော်ပြတတ်မည်။
• ဆရာအတတ်ပညာဆိုင်ရာ သင်ယူမှုကွန်ရက်တစ်ခုတည်ဆောက်ရန်အတွက် လက်တွေ့ လုပ်ငန်းဖော်ဆောင်ချက်အစီအစဉ်တစ်ခုကို ရေးဆွဲတတ်မည်။
• သင်၏သင်ယူမှုကွန်ရက်ကို အထောက်အကူဖြစ်စေရန်အတွက် ကိုယ်တိုင်လုပ်ဆောင်သည့် သုတေသနစာတမ်းငယ်၏ တွေ့ရှိချက်ရလဒ်များကို မည်သို့မျှဝေနိုင်သည်ကို သတ်မှတ်‌ဖော်ထုတ်တတ်မည်။