ဤသင်တန်းသည် "လုပ်ငန်းခွင်အကြို ဆရာအတတ်ပညာအစီအစဉ် - ဆရာများအတွက် ပထမနှစ်၊ ပထမစာသင်နှစ်ဝက် အွန်လိုင်းသင်တန်း"၏ တစ်စိတ်တစ်ပိုင်း ဖြစ်သည်။

လုပ်ငန်းခွင်အကြို ဆရာအတတ်ပညာအစီအစဉ် - ဆရာများအတွက် ပထမနှစ်၊ ပထမစာသင်နှစ်ဝက် အွန်လိုင်းသင်တန်းတွင် အောက်ပါမော်ဂျူးများ ပါဝင်ပါသည်။

• မော်ဂျူး (၁) လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်း အကျဉ်းချုပ်
• မော်ဂျူး (၂) လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်း၏ အဓိကသဘောတရားများ
• မော်ဂျူး (၃) လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်း၏ သင်ယူမှုနယ်ပယ်များ
• မော်ဂျူး (၄) သင်ကြား၊ သင်ယူမှုနည်းလမ်းများ
• မော်ဂျူး (၅) စစ်ဆေးအကဲဖြတ်ခြင်းနည်းလမ်းများ

ဤသင်တန်းတွင် ကျွန်ုပ်တို့သည် မော်ဂျူး (၁) ကို လေ့လာကြမည်ဖြစ်ပြီး ယင်းတွင် အောက်ပါတို့ ပါဝင်သည်။

မော်ဂျူး (၁)

မော်ဂျူး (၁.၁) လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်း၏ အဓိကအင်္ဂါရပ်များ

• သင်ရိုးညွှန်းတမ်းအညွှန်းဘောင်ဆိုသည်မှာ အဘယ်နည်း။
• လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်း၏ အဓိကအင်္ဂါရပ်များ

မော်ဂျူး (၁.၂) ဆရာများအတွက် တတ်ကျွမ်းမှု စံသတ်မှတ်ချက် အညွှန်းဘောင် (TCSF)

• ဆရာများအတွက် တတ်ကျွမ်းမှုစံသတ်မှတ်ချက် အညွှန်းဘောင် (TCSF) သုံးသပ်ချက်
• TCSF နှင့် တတ်ကျွမ်းမှုအခြေပြု ချဉ်းကပ်နည်း

ဤသင်တန်းပြီးမြောက်သည့်အခါ ဆရာ၊ ဆရာမများအနေဖြင့် လုပ်ငန်းခွင်အကြို ဆရာအတတ်ပညာအစီအစဉ် ပထမနှစ်၊ ပထမစာသင်နှစ်ဝက် သင်ရိုးညွှန်းတမ်းကို ထိရောက်စွာ သင်ကြားပေးနိုင်မည့် တတ်ကျွမ်းမှုများ ပိုမိုရရှိလာစေရန် ဖြစ်ပါသည်။

ဤသင်တန်းပြီးမြောက်သည့်အခါ ဆရာ၊ ဆရာမများသည်-

• လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်း၏ အဓိကအင်္ဂါရပ်များကို ဖော်ထုတ်တတ်မည်။
• ဆရာအတတ်သင်ပညာရေးကို မြှင့်တင်ရန်နှင့် ပိုမိုအကျိုးဖြစ်ထွန်း၍ လက်လှမ်းမီသော သင်ကြားသင်ယူမှုဝန်းကျင်မှုတစ်ခု ဖြစ်ပေါ်လာစေရန် ၎င်းအင်္ဂါရပ်များသည် အဘယ့်ကြောင့် အရေးကြီးကြောင်း ရှင်းပြတတ်မည်။
• ဆရာများအတွက် တတ်ကျွမ်းမှုစံသတ်မှတ်ချက် အညွှန်းဘောင် (TCSF) ကို နားလည်သဘောပေါက်လာမည်။
• TCSF နှင့် တတ်ကျွမ်းမှုအခြေပြု ချဉ်းကပ်နည်းတို့ကြား ချိတ်ဆက်မှုကို ပြန်လည်ရှင်းပြတတ်မည်။