Myanmar Teacher Platform

မူလစာမျက်နှာ
အွန်လိုင်းမှသင်ယူခြင်း
အွန်လိုင်းသင်တန်းများ
မော်ဂျူး ၂ - ကိုယ်အင်္ဂါချို့ယွင်းချက်ရှိသော မသန်စွမ်းကလေးများအား လူတိုင်းအကျုံးဝင်နည်းဖြင့် လေ့ကျင့်သင်ကြားပေးခြင်း အွန်လိုင်းသင်ခန်းစာ

မော်ဂျူး ၂ - ကိုယ်အင်္ဂါချို့ယွင်းချက်ရှိသော မသန်စွမ်းကလေးများအား လူတိုင်းအကျုံးဝင်နည်းဖြင့် လေ့ကျင့်သင်ကြားပေးခြင်း အွန်လိုင်းသင်ခန်းစာ

သင်ယူပြီးမြောက်ကြောင်းလက်မှတ်ပေးမည့် သင်တန်း 4 week(s) 314 စာရင်းသွင်းထားသူ 14 ပို့ချချက်/ပို့ချချက်များ 13 မေးခွန်းများ 6445 ကြည့်ရှုသူစုစုပေါင်း

သင်တန်းအကြောင်းအရာ ဖော်ပြချက်

မသန်စွမ်းကလေးများသည်မသန်စွမ်းမဟုတ်သောကလေးများနှင့်အတူတူသင်ကြားမှု၊သင်ယူမှု ဖြစ် စဉ်တွင်ပါဝင်ခွင့်ရှိကြောင်းနိုင်ငံတကာလူ့အခွင့်အရေးကြေငြာချက်စာတမ်းများတွင်ဖော်ပြထားကြပါသည်။သို့ပါသော် လည်းမသန်စွမ်းကလေးများသည်မသန်စွမ်းမှုကိုဖြစ်စေသော အတားအဆီးများ ကြောင့်ပညာသင်ယူခွင့်များဆုံးရှုံးနေကြပါသည်။ထိုအတားအဆီးများထဲတွင်မသန်စွမ်းကလေးများ၏မတူကွဲပြားသောခန္ဓာကိုယ်ပိုင်းဆိုင် ရာလုပ်ဆောင်မှုအခြေအနေများကြောင့်ပေါ်ပေါက်လာသော သီးခြားလိုအပ်ချက်ပေါ်မူတည်၍မသင်ကြားပေးနိုင်ခြင်းသည်မသန်စွမ်းကလေးများနှင့်ဆရာ၊ဆရာမများကြုံတွေ့နေရသောအတားအဆီးတစ်ခုဖြစ်သည်။မြန် မာနိုင်ငံတွင်ပြုလုပ်ခဲ့သောမသန်စွမ်းမှု ဆိုင်ရာလူတိုင်းအကျုံးဝင်ပညာရေးသုတေသနစာတမ်းများတွင်လည်းမသန်စွမ်း ကလေးများ ကိုလေ့ကျင့်သင်ကြားပေးရာတွင် ဆရာ၊ဆရာမများအနေဖြင့် အခက်အခဲရှိကြောင်း တွေ့ရှိရပါသည်။ဤ“ကိုယ်အင်္ဂါချို့ယွင်းချက်ရှိသောမသန်စွမ်းကလေးများအားလူတိုင်းအကျုံးဝင်နည်းဖြင့် လေ့ ကျင့်သင်ကြားပေးခြင်းအွန်လိုင်းသင်ခန်းစာ”သည်မသန်စွမ်းကလေးများနှင့်ဆရာ၊ဆရာမများအနေဖြင့် သင် ကြား၊သင်ယူမှုဖြစ်စဥ်တွင်ကြုံတွေ့နေရသောအတားအဆီး၊အခက်အခဲများကိုတစ် စိတ်တစ်ပိုင်းကျော်လွှားဖြေရှင်းရန်ရည်ရွယ်သည်။ဤသင်ခန်းစာပါအကြောင်းအရာများသည်ပင်မ စာသင်ကျောင်းများတွင် အတွေ့များသော ချို့ယွင်းမှုအမျိုးအစားများဖြစ် သည့်သူငယ်နာအကြော တင်း(စီပီ)၊ မွေးရာပါကိုယ်အင်္ဂါပုံပျက်ယွင်းမှုနှင့် အခြားကိုယ်အင်္ဂါမသန် စွမ်း ကလေးများအား လူတိုင်းအကျုံးဝင်နည်းဖြင့် ပင်မစာသင် ခန်းများတွင် သင်ကြားရမည့် နည်းလမ်းအချို့ကို ဦးတည် ထားပါသည်။

ထို့အပြင်ဤသင်ခန်းစာသည်၂၀၂၀ပြည့်နှစ်စက်တင်ဘာလတွင်ပြဌာန်းခဲ့သောဆရာများ အတွက် တတ်ကျွမ်းမှုစံသတ်မှတ်ချက်အညွှန်းဘောင်(Teacher Competencies Standard Framework) နှင့်ကိုက်ညီမှုရှိသည့်အချို့သော အညွှန်းကိန်းများကို အခြေခံထားပါသည်။ထို အညွှန်းကိန်းများမှာ-

(က)(၁.၂.၁) ပိုမိုကောင်းမွန် စွာသင်ယူနိုင်ရေး အတွက်အထူးသင်ယူမှု လိုအပ်ချက်ရှိသော သင်ယူသူများ အပါအဝင် နောက်ခံ အကြောင်းအရာ အမျိုးမျိုး(ကျား၊မ၊ တိုင်းရင်းသား မျိုး နွယ်စု၊ယဉ်ကျေးမှု) နှင့် စွမ်းရည် အမျိုးမျိုး ရှိသော ကျောင်းသားများအား ပံ့ပိုး ကူညီနိုင်မည့် သင်နည်းအမျိုးမျိုး ကိုဖော်ထုတ်သတ်မှတ်မည်။
(ခ)(၃.၁.၁) သင်ယူမှု လုပ်ငန်းများတွင် ကျောင်းသားအားလုံး ပါဝင် ဆောင်ရွက်မှုအသေ အချာ ရှိစေရေး အတွက်စာသင်ခန်းနေရာအနေအထား၊ အတန်း တွင်းရှိ ပစ္စည်းများနှင့် အရင်းအမြစ်များကို စီမံ အသုံးပြုသည်။
(ဂ)(၃.၂.၃)ကျောင်းသားတစ်ဦးချင်းစီ၏ နောက်ခံ အကြောင်းအရင်းများနှင့် လိုအပ်ချက်များ ကိုသိရှိရန် လေ့လာသင်ယူသည်။ကျောင်းသားအားလုံးနှင့် အပြန်အလှန် ပြောဆိုဆက်သွယ် သည်။ တို့ ဖြစ်ကြပါသည်။

သင်တန်းရည်ရွယ်ချက်များ

သင်ခန်းစာရည်ရွယ်ချက်

ပင်မကျောင်းများတွင် အတွေ့ရအများဆုံးဖြစ်သည့် သူငယ်နာအကြောတင်းကလေးများနှင့် မွေးရာပါကိုယ်အင်္ဂါပုံပျက်ယွင်းမှုရှိသောမသန်စွမ်းကလေးများအားလူတိုင်းအကျုံး ဝင်နည်း ဖြင့် ပင်မစာသင် ခန်းများတွင် သင်ကြားရမည့် နည်းလမ်းများကို သိရှိ ပြီး လက်တွေ့ အသုံးချတတ်စေရန်။

သင်ယူမှုရလဒ်များ

စာသင်ခန်းများတွင်အတွေ့ရများသည့်ကိုယ်အင်္ဂါချို့ယွင်းမှုအမျိုးအစားများနှင့်၎င်းတို့၏ပုံစံအနေအ ထား များကို သိရှိစေရန်။
သူငယ်နာအကြောတင်း ဖြစ်ပွါးရသော အကြောင်းအရင်းများ၊ အမျိုးအစားများ၊ သွင်ပြင် လက္ခဏာများနှင့်စာသင်ခန်းအတွင်းကြုံတွေ့ရနိုင်သော အတားအဆီးများ၊ထိုအတားအဆီး များ ကို ဖြေရှင်းပြီး ခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
မွေးရာပါကိုယ်အင်္ဂါပုံပျက်ယွင်းမှုဆိုင်ရာချို့ယွင်းမှုအမျိုးအစားများ၊သွင်ပြင်လက္ခဏာများနှင့် စာသင် ခန်း အတွင်းကြုံတွေ့ ရနိုင်သော အတားအဆီးများ၊ထိုအတားအဆီး များ ကို ဖြေရှင်းပြီး ခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
ဆရာတစ်ဦး၏အတွေ့အကြုံမျှဝေမှုမှကိုယ်အင်္ဂါမသန်စွမ်းကလေးအားမိမိတို့ပြန်လည်အသုံး ပြုနိုင်မည့် နည်းလမ်းများနှင့် စိတ်ဓါတ် ခွန်အားများရရှိစေရန်။