မသန်စွမ်းကလေးများသည် မသန်စွမ်းမဟုတ်သော ကလေးများနှင့်အတူ သင်ကြား သင်ယူမှုဖြစ်စဉ် တွင် ပါဝင်ကြောင်းနိုင်ငံတကာ လူ့အခွင့်အရေးကြေငြာစာတမ်းများတွင် ဖော်ပြထားပါသည်။ သို့ပါသော်လည်းမြန်မာနိုင်ငံတွင်ပြုလုပ်ခဲ့သောမသန်စွမ်းမှုဆိုင်ရာ လူတိုင်းအကျုံးဝင်ပညာရေးသုတေသနစာ တမ်းများတွင်မသန်စွမ်းကလေးများအားလေ့ကျင့်သင်ကြားပေးရာတွင်ဆရာ၊ဆရာမများအနေဖြင့် အခက် အခဲရှိကြောင်း တွေ့ရှိရပါ သည်။ ဥပမာ အားဖြင့် မျက်မမြင်စာကို ဆရာ/မများက မဖတ်ပေးနိုင်သလို ဆရာ/မများရေးသော စာကိုလည်း ကလေးများက မဖတ်နိုင်ပါ။ သင်္ချာဘာသာရပ်၌လည်း သင်္ချာခဲ နှင့် တွက်သည်များကို ဆရာမများမှ နားမလည်နိုင်ပါ။ မျက်မမြင်များ၏ သဘာဝ နှင့် အခက်အခဲများကိုလည်း နားမလည်ကြသေးသောကြောင့်ဖြစ်သည်။မသန်စွမ်းမှုရှိသောကလေးများနှင့်ပံ့ပိုးသည့်ဆရာများအကြားကြုံတွေ့ရသောအတား အ ဆီးကိုဖြေရှင်းရန်ဆရာများအနေဖြင့်လုံလောက်သည့်နည်းပညာတတ်ကျွမ်းမှုအားနည်းခြင်းကြောင့်ဖြစ်ပသည်။ဤအမြင်အာရုံမသန်စွမ်းသောကလေးများအတွက် လူတိုင်းအကျုံးဝင် ပညာရေးလေ့ကျင့်သင်ကြားပေးခြင်း၊အွန်လိုင်းသင်ခန်းစာသည်အမြင်အာရုံချို့ယွင်း သောကလေးများနှင့် ဆရာ များအကြား တွေ့ကြုံရသော အခက်အဲများကို ကျော်လွှားသွားနိုင်ရန်နှင့် လွတ်လပ်သော လူ့အဖွဲ့အစည်းအတွင်း ပါဝင် လာနိုင်မည့် လူတိုင်းအကျုံးဝင် သင်ယူပျော်ဝန်းကျင်နှင့် စာသင်ခန်းများဖြစ်လာရန်အတွက် အမြင်အာရုံမသန်စွမ်းသောကလေးများအားသင်ကြားထောက်ပံ့ပေးနိုင်ရန်နည်းလည်းအချို့ကိုမျှဝေထားပါသည်။ထို့အပြင်ဤသင်ခန်းစာသည်၂၀၂၀ ပြည့်နှစ်စက်တင်ဘာလတွင်ပြဌာန်းခဲ့သော ဆရာများအတွက်တတ်ကျွမ်းမှု စံသတ်မှတ်ချက်အညွှန်းဘောင်  (Teacher Competencies Standard Framework) နှင့်ကိုက်ညီမှုရှိသည့်အချို့သော အညွှန်းကိန်းများကို အခြေခံထားပါသည်။ထို အညွှန်းကိန်းများမှာ- 

• (က) (၃.၂.၁) စာသင်ခန်းအတွင်း လုပ်ငန်းများတွင် ကျောင်းသားများအားလုံးပူးပေါင်း ပါဝင် ဆောင်ရွက်မှု၊ ကိုယ်ရော စိတ်ပါ ပါဝင်ဆောင်ရွက်မှု အတွက် အားလုံးပါဝင်သည့် ဆက်သွယ် မှု (Inclusive Communication)ကို အထောက်အကူပြုသည်။ ဉပမာများပေး၍ ဖော်ပြသည်။
• (ခ)(၃.၁.၁) သင်ယူမှု လုပ်ငန်းများတွင် ကျောင်းသားအားလုံး ပါဝင် ဆောင်ရွက်မှုအသေ အချာ ရှိစေရေးအတွက်စာသင်ခန်းနေရာအနေအထား၊အတန်းတွင်းရှိပစ္စည်းများနှင့်အရင်းအမြစ် များ ကို စီမံ အသုံးပြုသည်။
• (ဂ) (၃.၁.၂) ကျောင်းသားများ၏ ကွဲပြားခြားနားသော လူမှုအခြေအနေများနှင့် နောက်ခံအကြောင်းများကို အသိအမှတ်ပြုပြီး ကျောင်းသားအားလုံးအား တန်းတူညီမျှ ဆက်ဆံသည်။ တို့ ဖြစ်ကြပါသည်။ 

• အမြင်အာရုံချို့ယွင်းမှု အမျိုးအစားများ၊ ဖြစ်ပွါးရသောအကြောင်းရင်းများ၊ သွင်ပြင်လက္ခဏာများ နှင့် ပုံမှန်စာသင်ခန်းတွင် ပံ့ပိုးသင်ကြားရမည့်နည်းများကို သိရှိစေရန်နှင့် လက်တွေ့ကျင့်သုံးနိုင်စေရန်။
• မိဘ၊ဆရာများအနေဖြင့်မိမိကလေးကျောင်းနေစအရွယ်တွင်အမြင်အာရုံချို့ယွင်းမှု ရှိ၊ မရှိ  ကိုစောစီးစွာရှာဖွေဖော်ထုတ်ရန်နည်းလမ်းများကိုသိရှိစေရန်နှင့်အဆိုပါနည်းလမ်းများ ကိုလက်တွေ့အ သုံး ချနိုင်စေရန်။
• ဆရာ၊ဆရာမများသည် ပုံမှန်စာသင်ခန်း၌ အမြင်အာရုံချို့ယွင်းသောကလေးများအား ပင်မသင်ရိုး ညွှန်းတမ်းနှင့် မျက် မမြင်လက်စမ်းစာကဲ့သို့သောပေါင်းစပ်သင်ရိုးဖြင့် သင်ကြားပေးနိုင်မည့်နည်းများကို သိရှိစေရန်။
  
  

• အမြင်အာရုံချို့ယွင်းမှု အဓိပ္ပါယ်ဖွင့်ဆိုချက် နှင့်အမျိုးအစားများ၊ ဖြစ်ပွါးရသော အကြောင်းအရင်းများ၊ ယေဘုယျ လက္ခဏာများ၊ ကလေးများ၏ အမြင်အာရုံဖွံ့ဖြိုးမှု နှင့် စောစီးစွာစမ်းသပ်ခြင်းအကြောင်း ကိုသိရှိလာမည်။
• အမြင်အာရုံ တစိတ်တစ်ပိုင်းချို့ယွင်း သောမျက်မမြင် ကလေးများ၏ ပင်ကိုယ်အရည်အချင်းနှင့် တွဲလျှက် တွေ့ကြုံရသည့် အခက်အခဲ စိန်ခေါ်မှုများကို နားလည် သဘောပေါက်လာ ပြီး ထိရောက်သည့် သင်ခန်းစာပြင်ဆင်မှုနှင့်သင်ထောက်ကူပစ္စည်းအသုံးပြုမှုနည်းလမ်းများကို သိရှိလာမည်။
• အမြင်အာရုံအားလုံးချို့ယွင်းသောမျက်မမြင်ကလေးများ၏ ပင်ကိုယ်အရည်အချင်းနှင့် တွဲလျှက် တွေ့ကြုံရသည့် အခက်အခဲ စိန်ခေါ်မှုများကို နားလည် သဘောပေါက်လာ ပြီး ထိရောက်သည့် သင်ခန်းစာပြင်ဆင်မှုနှင့်သင်ထောက်ကူပစ္စည်းအသုံးပြုမှုနည်းလမ်းများကို သိရှိလာမည်။
• အမြင်အာရုံချို့ယွင်းသူအားလုံးအတွက်ပေါင်းစပ်သင်ရိုး၏အရေးကြီးမှုနှင့် နည်းပညာကိုသိရှိပြီး ပင်မသင်ခန်းစာနှင့်တွဲဖက်ကာ သင်ကြားပေးတတ်လာမည်။
• လူတိုင်းအကျုံးဝင်ပညာရေးအစီအစဉ်အကောင်အထည်ဖော်ရာတွင်ပုံမှန်ကျောင်း ဆရာ/ဆရာမ များသည် ကွဲပြားသော နည်းစနစ်များအား အသုံးပြုခြင်းဖြင့် သင်ယူပျော်ပြီး လူတိုင်းပါဝင်နိုင်သည့် သင်ကြားရေးဝန်းကျင်တစ်ခု ကိုဖန်တီး နိုင် ကြောင်း သိရှိလာမည်။