ဤဘာသာရပ်သည် မြန်မာနိုင်ငံ၏ အနာဂတ်နိုင်ငံသားကောင်းများ လူ့ဘောင်အဖွဲ့အစည်းများကို ဖန်တီးမြှင့်တင်ပေးနိုင်သည့် အခြေခံပညာ သင်ရိုးညွှန်းတမ်း၏ တန်ဖိုးထားမှုနှင့် သဘောထားများကို နမူနာယူပြီး ကျောင်းသားများကို မြန်မာစာဘာသာရပ် သင်ကြားနိုင်ရန် လိုအပ်သော ကျွမ်းကျင်မှုများကို မြှင့်တင်ပေးမည်ဖြစ်သည်။ ကျောင်းသားများသည် မတူညီသော ယဉ်ကျေးမှု၊ ရိုးရာဓလေ့များနှင့်အတူ မြန်မာဘာသာကို ချစ်မြတ်နိုးတန်ဖိုးထားမှုများ ဖြစ်ပေါ်မည်ဖြစ်ပြီး မူလတန်းကျောင်းသားများအတွက် ပိုမိုအဓိပ္ပါယ်ရှိသော သင်ယူမှုဖြစ်ပေါ်စေရန် လူမှုရေးနှင့် ယဉ်ကျေးမှု အတွေ့အကြုံများကိုအခြေခံပြီး မြန်မာဘာသာစကား၏ အနှစ်သာရကို ထိန်းသိမ်းသော သင်ခန်းစာများကို ပြင်ဆင်နိုင်ရန်နှင့် ကူညီထောက်ပံ့ပေးနိုင်ရန် ရည်ရွယ်ပါသည်။ ဤအတန်းကာလတွင် ကျောင်းသားများသည် ဘာသာစကားသင်ယူမှုအတွက် စနစ်တကျချဉ်းကပ်နည်းများကို နားလည်သဘောပေါက်မည်ဖြစ်ပြီး သင်ကြားမှုတွင် ထိုယန္တရားကို အသုံးချနိုင်မည် ဖြစ်သည်။ ကျောင်းသားများသည် အခြေခံကျွမ်းကျင်မှုများကို ရရှိမည်ဖြစ်ပြီး သင်တန်းကာလတွင် မြန်မာဘာသာစကား၏ အနာအကြား၊ အပြောအဆို၊ အရေးအဖတ် စသည်တို့ကို တက်ကြွသော ဆက်သွယ်ပြောဆိုခြင်း၊ ပြန်လည်တင်ပြခြင်းနှင့် ပူးပေါင်းဆောင်ရွက်ခြင်းဖြင့် ရရှိမည်ဖြစ်သည်။ ပညာရေးကောလိပ်သင်ရိုးညွှန်းတမ်း အညွှန်းဘောင်အရ ပထမနှစ်နှင့် ဒုတိယနှစ်တွင် ကျောင်းသားများကို မြန်မာစာ၏ အခြေခံဗဟုသုတများနှင့် မြန်မာစာ ဘာသာသင်ကြားနိုင်ရန် အခြေခံသင်ကြားနည်း အကြောင်းအရာဗဟုသုတများ တိုးတက်လာစေရန် ရည်ရွယ်ပါသည်။ တတိယနှစ်နှင့် စတုတ္ထနှစ်တွင်ကျောင်းသားများသည် မြန်မာစာဘာသာရပ်အကြောင်းအရာဗဟုသုတများကို ပိုမိုနက်နက်နဲနဲသိရှိရန်နှင့် မူလတန်းမြန်မာစာ၏ သင်ရိုးညွှန်းတမ်းများ၊ သင်ကြားနည်းများနှင့် စစ်ဆေးအကဲဖြတ်မှုများကို စနစ်တကျ နားလည်သဘောပေါက်ရန် ရည်ရွယ်ပါသည်။