ဤဘာသာရပ်သည် မြန်မာနိုင်ငံ၏ အနာဂတ် နိုင်ငံသားကောင်းများ၊ လူ့ဘောင်အဖွဲ့အစည်းများကို ဖန်တီးမြှင့်တင်ပေးနိုင်သည့် အခြေခံပညာ သင်ရိုးညွှန်းတမ်း၏ တန်ဖိုးထားမှု နှင့် သဘောထားများကို နမူနာယူပြီး ကျောင်းသားများကို စာရိတ္တနှင့် ပြည်သူ့နီတိ ဘာသာရပ် သင်ကြားနိုင်ရန် လိုအပ်သော ကျွမ်းကျင်မှုများကို မြှင့်တင်ပေးမည်ဖြစ်သည်။ ကျောင်းသားများသည် မိမိတို့နေထိုင်ရာ ကမ္ဘာကြီး နှင့် အိမ်၊ ကျောင်း၊ လူ့ဘောင်အဖွဲ့အစည်း၊ နိုင်ငံ၊ ဒေသ နှင့် ကမ္ဘာတို့အကြားဆက်နွယ်မှုများကို နက်နက်နဲနဲ နားလည်သဘောပေါက်မည် ဖြစ်သည်။ စာရိတ္တနှင့် ပြည်သူ့နီတိဘာသာရပ်သည် လူမှုရေးနှင့် စာရိတ္တ တန်ဖိုးထားမှုများ၊ အခွင့်အရေး နှင့် တာဝန်များ၊ လူ့ဘောင်အဖွဲ့အစည်း ပါဝင်ဆောင်ရွက်မှုများ နှင့် နိုင်ငံရေးစာပေများကို အလေးပေးမည်ဖြစ်သည်။ မတူကွဲပြားသော ကျောင်းသားများ၏ မတူညီသော လိုအင်များအပေါ် မူတည်ပြီး လိုက်လျောညီထွေအောင် သင်ကြားနိုင်သည့် ဆရာများ ဖြစ်လာစေရန် ကျောင်းသားများသည် သင်ယူမှုရလဒ်များကိုပြည့်မီစေရန်အတွက် ဘာသာရပ်အကြောင်းအရာများ၏ မျှော်မှန်းထားသော သင်ယူမှုရလဒ်များကို မည်သို့အကောင်အထည်ဖော်ရမည် နှင့် သင်ယူမှုလုပ်ငန်းများ၊ သင်ခန်းစာများကို မည်သို့ဖန်တီးရမည်ကို သင်ယူရမည်ဖြစ်သည်။ ထိုကျောင်းသားများသည် မတူညီသော သင်ယူသူများ (အသက်၊ လူမျိုး၊ ယဉ်ကျေးမှု၊ သင်ယူမှုပုံစံ နှင့်လိုအပ်ချက် စသည်တို့) နှင့် ဒေသအခြေအနေများနှင့် ကိုက်ညီအောင် မိမိ၏ သင်ကြားရေး နှင့် သင်ယူမှု အရင်းအမြစ်များအား မည်သို့ ဖန်တီးရမည်ကို သိရှိမည် ဖြစ်သည်။ ပညာရေးဒီဂရီကောလိပ် သင်ရိုးညွှန်းတမ်း အညွှန်းဘောင်အရပထမနှစ် နှင့် ဒုတိယနှစ် တွင် ကျောင်းသားများကို စာရိတ္တနှင့် ပြည်သူ့နီတိ၏ အခြေခံဗဟုသုတများ နှင့် စာရိတ္တနှင့်ပြည်သူ့နီတိ ဘာသာသင်ကြားနိုင်ရန် အခြေခံ သင်ကြားနည်း အကြောင်းအရာ ဗဟုသုတများ တိုးတက်လာစေရန်ရည်ရွယ်ပါသည်။ တတိယနှစ် နှင့် စတုတ္ထနှစ် တွင် ကျောင်းသားများသည် စာရိတ္တနှင့် ပြည်သူ့နီတိ ဘာသာရပ်အကြောင်းအရာဗဟုသုတများကို ပိုမိုနက်နက်နဲနဲ သိရှိရန် နှင့် အလယ်တန်း စာရိတ္တနှင့် ပြည်သူ့နီတိ၏ သင်ရိုးညွှန်းတမ်းများ၊ သင်ကြားနည်းများနှင့် စစ်ဆေးအကဲဖြတ်မှုများကို စနစ်တကျ နားလည်သဘောပေါက်ရန် ရည်ရွယ်ပါသည်။
If you have not logged in, please to leave a review.
ဤဘာသာရပ်သည် မြန်မာနိုင်ငံ၏ အနာဂတ်နိုင်ငံသားကောင်းများ၊ လူ့ဘောင်အဖွဲ့အစည်းများကို ဖန်တီ...
Learn Moreဤဘာသာရပ်သည် မြန်မာနိုင်ငံ၏ အနာဂတ်နိုင်ငံသားကောင်းများ၊ လူ့ဘောင်အဖွဲ့အစည်းများကို ဖန်တီး...
Learn Moreဤဘာသာရပ်သည် မြန်မာနိုင်ငံ၏ အနာဂတ် နိုင်ငံသားကောင်းများ၊ လူ့ဘောင်အဖွဲ...
Learn More