Course Detail - Myanmar Teacher Platform

တက်ကြွစွာ ပါဝင်ဆောင်ရွက်သင်ယူနိုင်စေမည့် အွန်လိုင်းမှ တစ်ပြိုင်နက်ဖြစ်သော သင်ကြားခြင်းနည်းဗျူဟာများ

3.3

(4 Reviews)

Certified

5 hour(s)

561 Enrollment(s)

3179 View(s)

တက်ကြွစွာ ပါဝင်ဆောင်ရွက်သင်ယူနိုင်စေမည့် အွန်လိုင်းမှ တစ်ပြိုင်နက်ဖြစ်သော သင်ကြားခြင်းနည်းဗျူဟာများ

Share On :

Course Description

ဤသင်တန်းသည် ဆရာ၊ ဆရာမများကို ဒစ်ဂျစ်တယ်ခေတ်၏ ICT အကြောင်းမိတ်ဆက်ရန် ရည်ရွယ်ရေးဆွဲထားသည့် သင်တန်းတစ်ခုဖြစ်သည်။ ဤသင်တန်းသည် “တက်ကြွစွာပါဝင်ဆောင်ရွက်သင်ယူနိုင်စေမည့် အွန်လိုင်းမှ တစ်ပြိုင်နက်ဖြစ်သော သင်ကြားခြင်း နည်းဗျူဟာများ” အကြောင်း အခြေခံအဆင့်သင်တန်းတစ်ခု ဖြစ်သည်။ ဤသင်တန်းတွင် အွန်လိုင်းမှ တစ်ပြိုင်နက် သင်ကြားရေးကို မိတ်ဆက်ခြင်း နှင့် အွန်လိုင်းမှ ဆွေးနွေးချက်များ၊ ပူးပေါင်းဆောင်ရွက်မှုများကို ပံ့ပိုးကူညီခြင်း အပိုင်းတို့ ပါဝင်ပါသည်။ ဤသင်တန်းကို အွန်လိုင်းမှ တစ်ပြိုင်နက် သင်ကြားရေးအကြောင်းကို ယေဘုယျနားလည်ခြင်းဖြင့် အစပြုထားပြီး ၎င်းကို မိမိ၏ သင်ကြားရေးတွင် လက်တွေ့အသုံးချပြီး ကျောင်းသူကျောင်းသားများ ထိရောက်စွာ သင်ယူပါဝင်လာအောင် စီမံခြင်းအထိ လေ့လာသွားမည့် ပုံစံဖြစ်အောင် ချမှတ်ထားသော သင်ရိုးလည်းဖြစ်ပါသည်။

အပိုင်း ၁ - အွန်လိုင်းမှ တစ်ပြိုင်နက်သင်ယူမှုမိတ်ဆက်ခြင်း အပိုင်းသည် အွန်လိုင်းမှ တစ်ပြိုင်နက်သင်ကြားသင်ယူမှုကို အဓိပ္ပာယ်ဖွင့်ဆိုခြင်းနှင့် ထိုနည်းလမ်းများ၏ အကျိုးကျေးဇူးများကို ဦးစွာ လေ့လာတင်ပြထားပါသည်။ ထို့နောက် အွန်လိုင်းမှ တစ်ပြိုင်နက် သင်ယူခြင်း အတန်းချိန်များကို အကောင်အထည်ဖော်ဆောင်ရွက်ခြင်းနှင့် စီမံခန့်ခွဲခြင်းတို့အပြင် အောင်မြင်သော ရလဒ်များ ရရှိရန် အသုံးပြုရမည့် နည်းကိရိယာများကိုပါ လေ့လာရမည်ဖြစ်သည်။ အပိုင်း ၂ ကမူ အွန်လိုင်း ဆွေးနွေးချက်များနှင့် ပူးပေါင်းဆောင်ရွက်မှုတို့အကြောင်းကို လေ့လာတင်ပြထားသည်။ အွန်လိုင်း ဆွေးနွေးချက်များ၊ အွန်လိုင်းမှ ပူးပေါင်းဆောင်ရွက်မှု နည်းလမ်းများ အသုံးပြုပြီး ကျောင်းသူကျောင်းသားများ အွန်လိုင်းမှ တစ်ပြိုင်နက်သင်ယူမှုတွင် စိတ်ဝင်စားပါဝင်အောင် စီမံနည်းများကို လက်တွေ့စုစည်းပြင်ဆင်မှုရှုထောင့်မှ တင်ပြထားပါသည်။

သင်တန်း၏ ဦးတည် အုပ်စု

ဤသင်တန်းအား မြန်မာပညာရေးစနစ်အတွင်းရှိ ဆရာ၊ ဆရာမများအတွက် ရည်ရွယ်ပြီး အောက်ပါအကြောင်းအရာများ ထည့်သွင်း ရေးဆွဲထားပါသည်။

အစိုးရကျောင်း၊ ကျောင်းပြင်ပ ပညာရေး၊ အစိုးရပိုင် မဟုတ်သော ရပ်ရွာ အခြေပြုကျောင်းများနှင့် အခြားပညာရေး အခွင့်အလမ်းများ
ပုဂ္ဂလိကကျောင်းများ၊ အစိုးရကျောင်းများနှင့် ရပ်ရွာအခြေပြုကျောင်းများ
မြို့ပြ၊ မြို့စွန်ဆင်ခြေဖုံး နှင့် ကျေးလက်ဒေသများမှ ကျောင်းများ

မရှိမဖြစ် အခြေခံ လိုအပ်ချက်များ

အကြံပြုချက်-Myanmar Teacher Platform မှ ဗွီဒီယိုသင်ခန်းစာများကို ဝင်ရောက်လေ့လာနိုင်ရန် လက်ပ်တော့၊ တက်ဘလက်နှင့် စမတ်ဖုန်းများကဲ့သို့ ဒစ်ဂျစ်တယ်ပစ္စည်းများ၊ အင်တာနက်ချိတ်ဆက်မှုများ ရှိနေရမည်။
အားလုံးအကျုံးဝင်မှုရှိခြင်း - ဒစ်ဂျစ်တယ်ပစ္စည်းများ မရှိသော (သို့မဟုတ်) အင်တာနက်ချိတ်ဆက်၍ မရနိုင်သော (သို့မဟုတ်) နှစ်မျိုးလုံး မရှိသော အခြေအနေများအတွက် သင်ရိုးပါ စာရွက်စာတမ်းများကို ဒေါင်းလုတ်ဆွဲခြင်း၊ စာရွက်ဖြင့် ပုံနှိပ်ထုတ်ခြင်းတို့ဖြင့် အသုံးပြုနိုင်ပါသည်။

သင်ရိုးပါ အဓိက ဝေါဟာရများ

အသံဖိုင်၊ အခန်းခွဲများ၊ အခန်းခွဲလုပ်ဆောင်သည့် အတန်းချိန်၊ ကင်မရာ၊ Chat လုပ်ဆောင်ချက်၊ အွန်လိုင်းမှ ပူးပေါင်းဆောင်ရွက်ခြင်း နည်းကိရိယာများ၊ ဆက်သွယ်ရေး လမ်းကြောင်းများ၊ လုပ်ဆောင်ချက် ပါဝင်မှု၊ Google Docs၊ အခြေခံစည်းမျဉ်းများ၊ အပြန်အလှန် တုံ့ပြန်ဖလှယ်မှုရှိသော လုပ်ငန်းများ၊ သင်ကြားသင်ယူမှု စီမံခန့်ခွဲမှုစနစ် LMS၊ လင့်ခ်များ၊ တိုက်ရိုက်လွှင့် အွန်လိုင်းဟောပြောပွဲ၊ အစည်းအဝေး လင့်ခ်၊ မိုက်ကရိုဖုန်း၊ အသံအပိတ်အဖွင့်၊ အွန်လိုင်းလောကဝတ်၊ စနစ်၊ မဲပေးစစ်တမ်းကောက်ခြင်းကိရိယာများ၊ တစ်ပြိုင်နက် အပြန်အလှန် တုံ့ပြန်ဖလှယ်မှု/ ပူးပေါင်းဆောင်ရွက်မှု၊ ပမာဏ ဆတိုး ချဲ့ထွင် လုပ်ဆောင်နိုင်ခြင်း၊ အွန်လိုင်းမှ တစ်ပြိိုင်နက်သင်ယူမှု အတန်းချိန်များ၊ စခရင် ထုတ်လွှင့်ခြင်း၊ အွန်လိုင်းမှ တစ်ပြိိုင်နက်သင်ကြားမှု၊ ပညာရပ်ပိုင်းဆိုင်ရာ လောကဝတ်၊ နည်းပညာဆိုင်ရာ ပြဿနာများ၊ ဗွီဒီယို၊ အွန်လိုင်းဗွီဒီယိုဖြင့် တွေ့ဆုံစည်းဝေးမှု၊ အွန်လိုင်းစာသင်ခန်း၊ အွန်လိုင်း သင်ပုန်း

Course Objectives

ဤသင်တန်း၏ ရည်မှန်းချက်များမှာ -

အွန်လိုင်းမှ တစ်ပြိုင်နက် သင်ယူခြင်းနည်းလမ်း၏ အကျိုးကျေးဇူးများကို ရှာဖွေသိရှိရန်
အွန်လိုင်းမှ တစ်ပြိုင်နက်သင်ယူခြင်းဆိုင်ရာ အသုံးအများဆုံး နည်းကိရိယာများကို ရရှိရန်၊ ၎င်းတို့၏ လုပ်ဆောင်ချက်များအကြောင်းနှင့် ထိုလုပ်ဆောင်ချက်များအား ထိရောက်စွာ အသုံးပြုပုံတို့ကို သိရှိရန်
အွန်လိုင်းမှ သင်ယူမှုတွင် ကျောင်းသူကျောင်းသားများ တက်ကြွစွာ ပါဝင်လာအောင် စီမံနိုင်မည့် ဗျူဟာများနှင့် နည်းကိရိယာများအသုံးချခြင်း အတွေ့အကြုံရရှိရန်
အခြေခံ "အွန်လိုင်းလောကဝတ် (netiquette)" ကို နားလည်ရန်၊ ၎င်းက အပြုသဘောဆောင်ပြီး ထိရောက်သည့် အွန်လိုင်း အသိုင်းအဝိုင်းတစ်ခု ဖန်တီးနိုင်ရေးတွင် မည်သို့ မရှိမဖြစ် အရေးပါကြောင်း သိနားလည်ရန်
အွန်လိုင်းမှ တစ်ပြိုင်နက် သင်ယူမှု အတန်းချိန်များအတွက် အစီအစဉ်ရေးဆွဲခြင်းနှင့် အကောင်အထည်ဖော်ခြင်းအား ဆရာ၊ ဆရာမများ သိလိုစိတ် ထက်သန်လာစေရန်နှင့် "စဉ်ဆက်မပြတ် သင်ယူသူများ" ဖြစ်လာရေး အားပေးရန်။

Learning Outcomes

ဤသင်တန်းပြီးဆုံးပါက သင့်အနေနှင့် အောက်ပါတို့ကို လုပ်ဆောင်တတ်သွားမည်ဖြစ်သည်။

သင်၏ သင်ကြားရေးအခင်းအကျင်းတွင် အွန်လိုင်းမှ တစ်ပြိိုင်နက် သင်ယူခြင်း၏ အကျိုးကျေးဇူးများကို သတ်မှတ်ဖော်ထုတ်ပြီး သင်နှင့် သင်၏ ကျောင်းသူ၊ကျောင်းသားသည် ၎င်းတို့ကို မည်သို့အကောင်းဆုံးအသုံးချနိုင်မည်ဖြစ်ကြောင်း ပြန်လှန်သုံးသပ်နိုင်မည်။
ကျောင်းသူကျောင်းသားများ၏ တက်ကြွစွာ ပါဝင်မှုကို အလေးပေးသည့် အွန်လိုင်းမှ တစ်ပြိုင်နက်သင်ယူမှု ဆိုင်ရာ အကောင်းဆုံး နည်းကိရိယာများရွေးချယ်ပြီး သင့်ကိုယ်ပိုင် အခင်းအကျင်းတွင် လက်တွေ့အကောင်အထည်ဖော်ပုံကို ရွေးချယ်တတ်မည်။
အွန်လိုင်းမှ တစ်ပြိိုင်နက်သင်ယူခြင်းအတွက် 'လိုက်နာဖွယ်ရာ အွန်လိုင်းလောကဝတ်' (netiquette) အခြေခံစည်းမျဉ်းများကို ကျောင်းသူကျောင်းသားများနှင့် အတူ ဖန်တီးတတ်မည်။
သင်၏ သက်ဆိုင်ရာ သင်ကြားမှု အခင်းအကျင်းတွင် အွန်လိုင်းမှ တစ်ပြိိုင်နက် သင်ယူခြင်းအတန်းချိန်များ ပြင်ဆင်ခြင်း ဖြစ်စဉ်ကို စတင်တတ်မည်။

Please login to take this course

Lectures

သင်ရိုးမိတ်ဆက်

၁။ အွန်လိုင်းမှ တစ်ပြိုင်နက် သင်ကြားမှုနည်းလမ်း မိတ်ဆက်

၁.၁။ အွန်လိုင်းမှ တစ်ပြိုင်နက် သင်ယူခြင်း၏ အဓိပ္ပာယ်နှင့် အကျိုးကျေးဇူးများ

၁.၁.၁။ အွန်လိုင်းမှ တစ်ပြိုင်နက်သင်ယူမှုကို အဓိပ္ပာယ်ဖွင့်ဆိုခြင်း

၁.၁.၂။ အွန်လိုင်းမှ တစ်ပြိုင်နက် သင်ယူမှုပုံစံ၏ အကျိုးကျေးဇူးများ

အကောင်းဆုံးအဖြေ(များ)ကို ရွေးပါ။

၁.၁။ ပြန်လည်သုံးသပ်ချက်

၁.၂။ အွန်လိုင်းမှ တစ်ပြိုင်နက် သင်ယူခြင်း အတွက် အသုံးများသော နည်းကိရိယာများ

၁.၂.၁။ အွန်လိုင်းဗွီဒီယိုဖြင့် တွေ့ဆုံစည်းဝေးခြင်း (Videoconferencing)

၁.၂.၂။ စာရိုက်စကားပြောဆိုခြင်း (Chat) နည်းလမ်းကိရိယာများ

၁.၂.၃။ စစ်တမ်းကောက်ခြင်း (Poll) နည်းလမ်းကိရိယာများ

အောက်ပါဖော်ပြချက်များ မှန်ပါက T သို့မဟုတ် (မှန်) ဟုရေးပြီး မှားပါက F သို့မဟုတ် (မှား) ဟုရေးပါ။

၁.၂။ ပြန်လည်သုံးသပ်ချက်

၁.၃။ အွန်လိုင်းမှ တစ်ပြိုင်နက်သင်ယူမှု အတန်းချိန်များကို ပြင်ဆင်ဖန်တီးခြင်းနှင့် စီမံခန့်ခွဲခြင်း

၁.၃.၁။ ကြိုတင်ပြင်ဆင်မှု

၁.၃.၂။ စိတ်ဝင်စား ပါဝင်စေခြင်း

၁.၃.၃။ အွန်လိုင်းလောကဝတ် (Netiquette)

အကောင်းဆုံးအဖြေ(များ)ကို ရွေးပါ။

၁.၃။ ပြန်လည်သုံးသပ်ချက်

၂။ အွန်လိုင်းဆွေးနွေးချက်များနှင့် ပူးပေါင်းဆောင်ရွက်ခြင်းကို ပံ့ပိုးပေးခြင်း

၂.၁။ အွန်လိုင်းဆွေးနွေးချက်များတွင် ကျောင်းသူကျောင်းသားများ စိတ်ဝင်စား ပါဝင်လာစေမည့်ဗျူဟာများ

ဇယားကွက်ထဲမှ အဖြေမှန်ကို ရွေး၍ ကွက်လပ်ဖြည့်ပါ။

၂.၁။ ပြန်လည်သုံးသပ်ချက်

၂.၂။ ပူးပေါင်းဆောင်ရွက်မှု ရစေသည့် အွန်လိုင်း နည်းကိရိယာများ

အကောင်းဆုံးအဖြေ(များ)ကို ရွေးပါ။

၂.၂။ ပြန်လည်သုံးသပ်ချက်

၂.၃။ အွန်လိုင်းမှ အပြန်အလှန် ဖလှယ်ဆွေးနွေးမှုအတွက် အခြေခံစည်းမျဉ်းများ ချမှတ်ခြင်း

၂.၃။ ပြန်လည်သုံးသပ်ချက်

သင်ရိုးအကျဉ်းချုပ်

နောက်ဆုံးလုပ်ငန်း

Related Courses