Myanmar Teacher Platform

Home
E-learning
Courses
မော်ဂျူး၃-ဉာဏ်ရည်ချို့ယွင်းချက်ရှိသောမသန်စွမ်းကလေးများအားလူတိုင်းအကျုံးဝင်နည်းဖြင့်လေ့ကျင့်သင်ကြားပေးခြင်းအွန်လိုင်းသင်ခန်းစာ

မော်ဂျူး၃-ဉာဏ်ရည်ချို့ယွင်းချက်ရှိသောမသန်စွမ်းကလေးများအားလူတိုင်းအကျုံးဝင်နည်းဖြင့်လေ့ကျင့်သင်ကြားပေးခြင်းအွန်လိုင်းသင်ခန်းစာ

Certified 1 week(s) 334 enrollment(s) 23 lecture(s) 15 quizz(es) 3652 view(s)

Course Description

မသန်စွမ်းကလေးများသည်မသန်စွမ်းကလေးမဟုတ်သောကလေးများနှင့်အတူတူသင်ကြားမှု၊သင်ယူမှုဖြစ်စဉ်တွင်ပါဝင်ခွင့်ရှိကြောင်းနိုင်ငံတကာလူ့အခွင့်အရေးကြေညာချက်စာတမ်းများတွင်ဖော်ပြထားကြပါသည်။သို့ပါသော်လည်းမသန်စွမ်းကလေးများသည်မသန်စွမ်းမှုကိုဖြစ်စေသော အတား အဆီးများကြောင့်ပညာသင်ယူခွင့်များဆုံးရှုံးနေကြပါသည်။ထိုအတားအဆီးများထဲတွင်မသန်စွမ်းကလေးများ၏သီးခြားဖြစ်တည်နေသောသင် ကြား၊သင်ယူမှုပုံစံကြောင့်ပေါ်ပေါက်လာသောသီးခြားလိုအပ်ချက်များကိုအခြေခံ၍သင်ကြားပေးနိုင်သောစွမ်းဆောင်ရည်နှင့်အခြေအနေတစ်ရပ် မရှိခြင်း သည်မသန်စွမ်းကလေးများနှင့်ဆရာ၊ဆရာမများကြုံတွေ့နေရသောအတားအဆီးတစ်ခု ဖြစ်သည်။ မြန်မာနိုင်ငံတွင်ပြုလုပ်ခဲ့သောမသန်စွမ်းမှုနှင့်လူတိုင်းအကျုံးဝင်ပညာရေးဆိုင်ရာသုတေသနစာတမ်းများတွင်လည်းမသန်စွမ်းကလေးများကိုလေ့ကျင့်သင်ကြားပေးရာတွင်ဆရာ၊ဆရာမများအနေဖြင့်အခက်အခဲရှိကြောင်းတွေ့ရှိရပါသည်။"ဤဉာဏ်ရည်ချို့ယွင်းချက်ရှိသောမသန်စွမ်းက လေး များအားလူတိုင်းအကျုံးဝင်နည်းဖြင့်လေ့ကျင့် သင်ကြားပေးခြင်းအွန်လိုင်းသင်ခန်းစာ”သည်မသန်စွမ်းကလေးများ နှင့် ဆရာ၊ဆရာမများအနေ ဖြင့်သင်ကြားပေးခြင်းနှင့် သင်ယူ မှုဖြစ်စဥ်တွင် ကြုံတွေ့နေရသောအတားအဆီး၊အခက်အခဲများကိုတစ်စိတ်တစ်ပိုင်း ကျော်လွှားဖြေရှင်းရန်ရည် ရွယ်သည်။

ထို့အပြင်ဤသင်ခန်းစာသည်၂၀၂၀ပြည့်နှစ်စက်တင်ဘာလတွင်ပြဌာန်းခဲ့သောဆရာများအတွက်တတ်ကျွမ်းမှုစံသတ်မှတ်ချက်အညွှန်းဘောင်(Teacher Competencies Standard Framework) နှင့်ကိုက်ညီမှုရှိသည့်အချို့သော အညွှန်းကိန်း များ ကို အခြေခံထားပါသည်။ထို အညွှန်းကိန်းများမှာ-

(က)(၁.၂.၁) ပိုမိုကောင်းမွန်စွာ သင်ယူနိုင်ရေး အတွက် အထူးသင်ယူမှုလိုအပ်ချက် ရှိသော သင်ယူသူများ အပါအဝင် နောက်ခံအကြောင်းအရာအမျိုးမျိုး (ကျား၊မ၊ တိုင်းရင်းသား မျိုး နွယ်စု၊ယဉ်ကျေးမှု) နှင့် စွမ်းရည် အမျိုးမျိုး ရှိသော ကျောင်းသားများအား ပံ့ပိုး ကူညီနိုင်မည့် သင်နည်းအမျိုးမျိုး ကိုဖော်ထုတ်သတ်မှတ်မည်။
(က) (၃.၂.၁) စာသင်ခန်းအတွင်း လုပ်ငန်းများတွင် ကျောင်းသားများအားလုံးပူးပေါင်း ပါဝင် ဆောင်ရွက်မှု၊ ကိုယ်ရော စိတ်ပါ ပါဝင်ဆောင်ရွက်မှု အတွက် အားလုံးပါဝင်သည့် ဆက်သွယ် မှု (Inclusive Communication)ကို အထောက်အကူပြုသည်။ ဉပမာများပေး၍ ဖော်ပြသည်။
(ဂ)(၃.၂.၁) သင်ခန်းစာအကြောင်းအရာများ၊ သင်ယူမှု လုပ်ငန်းများ တွင် ကျောင်းသားများ အားလုံး ပါဝင်ခွင့် ရရှိစေရန်၊ဆရာနှင့် အပြန်အလှန်ပြောဆိုဆက်သွယ်ခွင့် ရရှိရန် စာသင်ခန်း ကိုဖွဲ့စည်းသည်။

ထို့ကြောင့်ဤသင်ခန်းစာတွင်ပင်မစာသင်ကျောင်းများတွင်အတွေ့များသောဥာဏ်ရည်ချို့ယွင်းမှုအမျိုးအစားများဖြစ်သည့်ဒေါင်းစင်ဒရုန်း(Down’sSyndrome)၊အော်တစ်စင်(Autism)၊အာရုံစူးစိုက်မှုခက်ခဲ၍လှုပ်ရှားမှုလွန် ကဲခြင်း (Attentions Deficit Hyperactivity Disorder)၊ စကားပြောဆိုရာ တွင်နှောင့်နှေးမှုရှိခြင်း (SpeechDelay) စသည့်ချို့ယွင်းမှုများရှိသောကလေးများအားလူတိုင်းအကျုံးဝင်နည်းဖြင့်ပင်မစာသင်ခန်းများတွင်သင်ကြားရမည့် နည်းလမ်း အချို့ကို မျှဝေထားပါသည်။

Course Objectives

သင်ခန်းစာရည်ရွယ်ချက်

ကျောင်းများတွင်အတွေ့ရများသော ဉာဏ်ရည်မသန်စွမ်းကလေးများအား လူတိုင်းအကျုံး ဝင်နည်း ဖြင့် ပင်မစာသင် ခန်းများတွင် သင်ကြားရမည့် နည်းလမ်းများကိုသိရှိပြီးလက်တွေ့အသုံးချတတ်စေရန်။

Learning Outcomes

ပင်မစာသင်ခန်းများတွင်အတွေ့ရများသောဥာဏ်ရည်ချို့ယွင်းမှုရှိသောကလေးအမျိုးအစားများနှင့်သွင်ပြင်လက္ခဏာများကိုသိရှိစေရန်။
Down’s syndrome(ဒေါင်းစင်ဒရုန်း) ဖြစ်ပွါးရသော အကြောင်းအရင်းများ၊ အမျိုးအစားများ၊ သွင်ပြင်လက္ခဏာများနှင့်စာသင်ခန်းအတွင်း ကြုံတွေ့ရနိုင်သောသင်ယူမှုဆိုင်ရာအတားအဆီးများ၊ထိုအတား အ ဆီးများကိုဖြေရှင်းပြီးတစ်ဦးချင်းခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
Autism(အော်တစ်စင်) ဖြစ်ပွါးရသော အကြောင်းအရင်းများ၊ အမျိုးအစားများ၊ သွင်ပြင် လက္ခဏာများနှင့်စာသင်ခန်းအတွင်းကြုံတွေ့ရနိုင်သောသင်ယူမှုဆိုင်ရာအတားအဆီးများ၊ထိုအတားအဆီး များ ကို ဖြေရှင်းပြီး တစ်ဦးချင်းခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
အာရုံစူးစိုက်မှုခက်ခဲ၍တက်ကြွလွန်ကဲသော ကလေးအကြောင်းနှင့် စကားပြောနှောင့်နှေးသောကလေး များ ၏သွင်ပြင်လက္ခဏာများ၊သင်ယူရန်ခက်ခဲမှုများနှင့် တစ်ဦးချင်းခက်ခဲမှုအလိုက် လေ့ကျင့်သင်ကြားပေးနည်း များ ကိုသိရှိစေရန်။
ဆရာတစ်ဦး၏ အတွေ့အကြုံမျှဝေမှုမှ ဉာဏ်ရည်မသန်စွမ်းကလေးများသည်လည်း သင်ယူနိုင်စွမ်းရှိကြောင်း ပိုမို သိရှိလာစေရန်နှင့် မိမိတို့ပြန်လည်အသုံးပြုနိုင်မည့် နည်းလမ်းများနှင့် စိတ်ဓါတ် ခွန်အား များရရှိစေရန်။

Assessment and Certification

In order to get the certification, you need to finish all the course work, quizzes and final assessment.

Rating & Reviews (5 - Best, 1 - Worst)

ကလေးတိုင်းပညာသင်ယူခွင့်ရရှိသင့် သည်ဟု မှတ်ယူပါတယ်။ ဒါကြောင့် သာမာန်မဟုတ်သောကလေးများပညာသင်ကြားပေးနိုင်မည့်နည်းလမ်းများကို လေ့လာသင် ယူခြင်းဖြင့် အကျိုးများစေနိုင်ပါသည်။

By အ****************************** at 2024-02-14 22:04:56