ဤအွန်လိုင်းသင်တန်းတွင် ဆရာများကို ငွေကြေးစီမံခန့်ခွဲမှုဆိုင်ရာ အတတ်ပညာနှင့် မိတ်ဆက်ပေးမည် ဖြစ်သည်။ ၎င်းတွင် ကိုယ်ပိုင်ငွေကြေးဆိုင်ရာ အခြေခံ အသိပညာများ (ရသုံးမှန်းခြေ ငွေစာရင်း ရေးဆွဲခြင်း၊ စုဆောင်းခြင်းနှင့်  ငွေကြေးစီမံခန့်ခွဲခြင်း)၊  အကြွေးဆိုင်ရာ အခြေခံ သဘောတရားများနှင့် ရင်းနှီးမြှုပ်နှံခြင်း၏ ရှုထောင့်အချို့ ပါဝင်သည်။ သင်တန်းတက်ရောက်သူများအနေဖြင့် လက်တွေ့လေ့ကျင့်ခန်းများတွင် စိတ်ဝင်တစား ပါဝင်သင်ယူ၍ အပြန်အလှန် တုံ့ပြန်ဆက်သွယ်မှုရှိသော သင်ယူမှုနည်းလမ်းများဖြင့် လက်တွေ့ဘဝမှ နမူနာ အဖြစ်အပျက်များကို သိရှိနားလည်လာမည်။ ဤသို့ နားလည်ခြင်းဖြင့်   ရေရှည် တည်ငြိမ်မှုကို အထောက်အကူပြုသည့်  အသိအမြင်ကြွယ်ဝသော ငွေကြေးဆိုင်ရာဆုံးဖြတ်ချက်များ ချမှတ်နိုင်ရန် သင်ယူကြမည်ဖြစ်သည်။ ဤသင်တန်းတွင်  ဆရာများအတွက် ရည်ရွယ်၍ ၎င်းတို့၏ ဘဝတွင် ငွေကြေးဆိုင်ရာ ဆုံးဖြတ်ချက်များကို အသိအမြင်ကြွယ်ဝစွာ ချမှတ်နိုင်စေရန်၊ ငွေကြေးဆိုင်ရာ ရည်မှန်းချက်များ အောင်မြင်နိုင်စေရန်နှင့် ၎င်းတို့၏ ဘဝအရည်အသွေးများ တိုးတက်ကောင်းမွန်နိုင်စေမည့်  နည်းလမ်းများကို သင်ကြားပေးမည် ဖြစ်သည်။ 

ဤသင်တန်းတွင် အောက်ပါမော်ဂျူးများ ပါဝင်သည်။ 

• ငွေကြေးစီမံခန့်ခွဲမှုဆိုင်ရာ သိနားလည်မှုသည် ဝင်ငွေ၊ အသုံးစရိတ်နှင့် စုဆောင်းငွေများကို စီမံခန့်ခွဲနိုင်စေမည့်  နည်းလမ်း (၃)ခု အပြင် အကြွေးနွံကို မည်သို့ တားဆီးကာကွယ်နိုင်ကြောင်းနှင့် ငွေကြေးရည်မှန်းချက်များကို မည်သို့ အထောက်အပံ့ပြုနိုင်ကြောင်းတို့ကိုပါ ရှင်းပြတတ်မည်။
• အခြေခံ လိုအပ်ချက်များကို အလေးထား၍ စုငွေရည်မှန်းချက်တစ်ခုကို ချမှတ်ခြင်းဖြင့် ဝင်ငွေနှင့် အသုံးစရိတ်များကို ပြသသည့် ကိုယ်ပိုင် လစဉ် ရသုံးမှန်းခြေငွေစာရင်းတစ်ခုကို ရေးဆွဲတတ်မည်။ 
• ထို့အပြင် မြန်မာနိုင်ငံရှိ ဒေသတွင်း စုဆောင်းငွေ၊ ရင်းနှီးမြှုပ်နှံမှု သို့မဟုတ် အာမခံဆိုင်ရာ ရွေးချယ်စရာများကို ပြန်လည်ဆန်းစစ်ပြီး ငွေကြေးဆိုင်ရာ ရေရှည်လုံခြုံစိတ်ချမှုအတွက် ဘေးအန္တရာယ်များကို လျှော့ချနိုင်သည့် နည်းလမ်းတစ်ခုကို ဖော်ပြတတ်မည်။
• တာဝန်ယူမှုရှိသော အကြွေးနှင့် ချေးငွေဆိုင်ရာ စီမံခန့်ခွဲမှု အခြေခံသဘောတရားများကို လက်တွေ့ဘဝ အခြေအနေတစ်ခုတွင် မည်သို့အသုံးချမည်ကို လက်တွေ့နမူနာများ ပေးတတ်မည်။
• မြန်မာနိုင်ငံတွင် ငွေကြေးလိမ်လည်မှုပုံစံမျိုးစုံမှ ကာကွယ်နိုင်ရန်အတွက်  လက်တွေ့ အသုံးဝင်သော နည်းလမ်းများကို ရှင်းပြတတ်မည်။ 
• ငွေကြေးဆိုင်ရာ အယူအဆများကို နားလည်ရလွယ်ကူစေပြီး မြန်မာကျောင်းသားများနှင့် ဆီလျော်မှုရှိစေသည့်၊ အပြန်အလှန်တုံ့ပြန်ဆက်သွယ်မှုကို အားပေးသော သင်ကြားနည်းတစ်ခုကို သရုပ်ပြတတ်မည်။