ပညာရေးသည်ကလေးတိုင်းရရှိရမည့်မွေးရာပါအခွင့်အရေးဖြစ်သည်။သန်စွမ်းခြင်း၊မသန်စွမ်း ခြင်း၊ ကလေးများ၏အမျိုးမျိုးသောနောက်ခံအရာများနှင့်မသက်ဆိုင်ပါ။မွေးရာပါအခွင့်အရေးတစ်ရပ် ဖြစ်သောအ သက်ရှင်သန်ခွင့်၊ဖွံ့ဖြိုးတိုးတက်ခွင့်၊ကာကွယ်စောင့်ရှောက်မှုရယူပိုင်ခွင့်နှင့်ပူးပေါင်းပါဝင်ခွင့်စသောအခွင့် အရေး များကိုအကြားအာရုံမသန်စွမ်းသူများလည်းရရှိသင့်ပါသည်။မွေးရာပါအခွင့်အရေးတစ်ခုဖြစ်သော သက်တူ ရွယ်တူ ကလေးများနှင့်အတူတကွ ပညာ သင်ယူပိုင်ခွင့်ကို ချန်လပ်ထားခြင်း၊ငြင်းပယ်ခြင်း၊ လျစ်လျူရှုခြင်း မပြုသင့်ပါ။

သို့ပါသော်လည်းမြန်မာနိုင်ငံတွင်ပြုလုပ်ခဲ့သောမသန်စွမ်းမှုဆိုင်ရာလူတိုင်းအကျုံးဝင်ပညာရေးသုတေသနစာ တမ်း များတွင်မသန်စွမ်းကလေးများအားလေ့ကျင့်သင်ကြားပေးရာတွင်ဆရာ၊ဆရာမများအနေဖြင့် အခက် အခဲရှိကြောင်း တွေ့ရှိရပါ သည်။ မသန်စွမ်းမှုရှိသောကလေးများနှင့် ပံ့ပိုးသည့်ဆရာများ အကြား ကြုံတွေ့ရသော အတားအဆီးကိုဖြေရှင်းရန်ဆရာများအနေဖြင့် လုံလောက်သည့် နည်းပညာတတ်ကျွမ်းမှု အားနည်းခြင်းကြောင့် ဖြစ်ပါသည်။ဤအကြားအာရုံချို့ယွင်းသောမသန်စွမ်းသောကလေးများအတွက်လူတိုင်းအကျုံးဝင်ပညာ ရေး လေ့ကျင့်သင်ကြားပေးခြင်း၊အွန်လိုင်းသင်ခန်းစာသည်အကြားအာရုံမသန်စွမ်းသောကလေးများနှင့် ဆရာများ အကြား တွေ့ကြုံရသော အခက်အခဲများကို ကျော်လွှားသွားနိုင်ရန်နှင့် လွတ်လပ်သော လူ့အဖွဲ့အစည်းအတွင်း ပါဝင် လာနိုင်မည့် လူတိုင်းအကျုံးဝင် သင်ယူပျော်ဝန်းကျင်နှင့် စာသင်ခန်းများဖြစ်လာရန်အတွက် အကြားအာရုံ ချို့ယွင်းသောကလေးများအားသင်ကြားထောက်ပံ့ပေးနိုင်ရန်နည်းလည်းအချို့ကိုမျှဝေထားပါသည်။ထို့အပြင်ဤသင်ခန်းစာသည်၂၀၂၀ပြည့်နှစ်စက်တင်ဘာလတွင်ပြဌာန်းခဲ့သောဆရာများအတွက်တတ်ကျွမ်းမှုစံသတ်မှတ်ချက်အညွှန်းဘောင်  (Teacher Competencies Standard Framework) နှင့်ကိုက်ညီမှုရှိသည့်အချို့သော အညွှန်းကိန်းများကို အခြေခံထားပါသည်။ထို အညွှန်းကိန်းများမှာ-

• (က) (၃.၂.၁) စာသင်ခန်းအတွင်း လုပ်ငန်းများတွင် ကျောင်းသားများအားလုံးပူးပေါင်း ပါဝင် ဆောင်ရွက်မှု၊ ကိုယ်ရော စိတ်ပါ ပါဝင်ဆောင်ရွက်မှု အတွက် အားလုံးပါဝင်သည့် ဆက်သွယ် မှု (Inclusive Communication)ကို အထောက်အကူပြုသည်။ ဉပမာများပေး၍ ဖော်ပြသည်။
• (ခ)(၃.၁.၁) သင်ယူမှု လုပ်ငန်းများတွင် ကျောင်းသားအားလုံး ပါဝင် ဆောင်ရွက်မှုအသေ အချာ ရှိစေရေးအတွက်စာသင်ခန်းနေရာအနေအထား၊အတန်းတွင်းရှိပစ္စည်းများနှင့်အရင်းအမြစ် များ ကို စီမံ အသုံးပြုသည်။
• (ဂ)(၃.၁.၂) ကျောင်းသားများ၏ ကွဲပြားခြားနားသော လူမှုအခြေအနေများနှင့် နောက်ခံအကြောင်းများကို အသိအမှတ်ပြုပြီး ကျောင်းသားအားလုံးအား တန်းတူညီမျှ ဆက်ဆံသည်။
• (ဂ)(၃.၂.၃)ကျောင်းသားတစ်ဦးချင်းစီ၏ နောက်ခံ အကြောင်းအရင်းများနှင့် လိုအပ်ချက်များ ကိုသိရှိရန် လေ့လာသင်ယူသည်။ကျောင်းသားအားလုံးနှင့်အပြန်အလှန် ပြောဆိုဆက်သွယ်သည်။ တို့ ဖြစ်ကြပါသည်။

အကြားအာရုံမသန်စွမ်းသောသူများမှသင်ယူနိုင်သည့်နည်းလမ်းကိုရှာဖွေပြီးထိုနည်းလမ်းဖြင့်သင်ပေး နိုင် ရန်အတွက်ပံ့ပိုးဆောင်ရွက် ပေးရန်လိုအပ်ပါသည်။ လူတိုင်းအကျုံးဝင်ပညာရေးအယူအဆသည် မသန်စွမ်းမှု အမြင်သစ် တစ်နည်းအားဖြင့် လူမှုရေးအမြင်တို့ကိုပညာရေး ကဏ္ဍတွင် အသုံးချခြင်းပင် ဖြစ်သည်။ ထို့ကြောင့် အကြားအာရုံမသန်စွမ်းကလေးများ တစ်ဦးတစ်ယောက်မကျန် လူတိုင်းအကျုံးဝင်ပညာရေးကို ရရှိအောင်ပံ့ပိုးကူညီ သင့်ပါသည်။

• အကြားအာရုံချို့ယွင်းမှု အမျိုးအစားများ၊ ဖြစ်ပွါးရသော အကြောင်းအရင်းများ နှင့် ကလေးများအား သုံးစွဲရန် သင့်တော်သောစကားလုံးများနှင့် သုံးစွဲရန်မ သင့် သော စကားလုံး၊ ဝေါဟာရများ နှင့် အဓိပ္ပါယ်ဖွင့် ဆိုချက်များကိုသိရှိစေရန်။
• အကြားအာရုံချို့ ယွင်းမှု နှင့် ပက်သက်သော မသန်စွမ်းမှု ဆိုင်ရာအယူအဆများနှင့် အကြားအာရုံ ချို့ယွင်း မှု ရှိ၊ မရှိ ရှာဖွေ ဖော်ထုတ်ခြင်းနည်းလမ်းများကို သိရှိစေရန်။
• အကြားအာရုံချို့ယွင်းသောကလေးများ၏ သွင်ပြင် လက္ခဏာများ ၊ ပင်မ စာသင်ခန်း များ တွင် ကြုံတွေ့ ရနိုင်သည့် အတား အဆီးများ နှင့် စာသင်ခန်းအတွင်း ပံ့ပိုး ကူညီ သင်ကြားရမည့် နည်းလမ်းများကိုသိရှိစေရန်။
• အကြားအာရုံချို့ယွင်းသောကလေးများ၏ဘာသာစကားဆိုင်ရာဖွံ့ဖြိုးမှုနှင့်စာသင်ခန်းအတွင်း အသုံး ပြုနိုင်သောပေါင်းစပ်ဆက်သွယ်ရေးစနစ်(Total Comunication)နည်းလမ်းများ များကိုအသုံးချနိုင် စေရန်။
• အကြားအာရုံချို့ယွင်းသော ကလေးများအား ပင်မ စာသင်ခန်းအတွင်းလူတိုင်း အကျုံးဝင်နည်းဖြင့်  သင်ကြားရမည့် နည်းလမ်းများကိုသိရှိစေရန် နှင့် မသန်စွမ်းကလေးများသည် လည်း သင်ယူနိုင်သော အရည်အသွေးရှိကြောင်း ကိုဆရာ၊ဆရာမများသိရှိပြီး စိတ်ခွန်အားရစေရန်။ 
  

ဤသင်ခန်းစာ အပြီးတွင် သင်ယူများသည်- 

• စာသင်ခန်းများတွင် အတွေ့ရ များသော အကြားအာရုံချို့ယွင်းသော ကလေးများ၏ အမျိုးအစားများ၊ ဖြစ်ပွါး ရသောအကြောင်းအရာများကိုသိရှိလာပြီး အခေါ် အဝေါ်များကို မှန်ကန် စွာ သုံးစွဲ တတ်စေရန်နှင့်ကလေးများပင်မကျောင်းတွင်ပညာသင်ကြားနိုင်ရေးကိုထဲထဲဝင်ဝင် လုပ်ဆောင်လာ နိုင်မည်။(သင်ခန်းစာ ၁ အတွက်)
• မြန်မာနိုင်ငံနှင့်ကမ္ဘာရှိအကြားအာရုံချို့ယွင်းသူလူဦးရေကိုသိရှိနိုင်လာ ပြီး အဆိုပါကလေးများ၏ ဉာဏ်ရည်ဉာဏ်သွေးနှင့်စွမ်းဆောင်မှုများကိုအသိအမှတ်ပြုတတ်စေရန်နှင့် ကလေးများ၏ပုံမှန် အကြားအာရုံဖွံ့ဖြိုးမှူမိုင်တိုင်များကိုထပ်မံသိရှိပြီးကလေးများတွင်အကြားအာရုံ ချို့ယွင်းမှု ရှိ၊မရှိစောစီးစွာ ရှာဖွေဖော်ထုတ်တတ်လာမည်။ (သင်ခန်းစာ ၂ အတွက်)
• စာသင်ခန်းအတွင်းရှိအကြားအာရုံချို့ယွင်းသောကလေးများ၏သွင်ပြင်လက္ခဏာများ၊စာသင်ခန်း အ တွင်းကြုံတွေ့ရနိုင်သောအတားအဆီးများကိုသိရှိလာကာကလေးဗဟိုပြု သင်ကြားနည်းများကိုအသုံး ပြုပြီး သင် ကြားလာနိုင်မည်။  (သင်ခန်းစာ ၃ အတွက်)
• ဆရာများသည်စာသင်ခန်းများအတွင်းအကြားအာရုံချို့ယွင်းသောကလေးများ၏ကိုယ်ပိုင်ဘာသာ စကား ဖွံ့ဖြိုးလာပုံကိုသိရှိလာပြီးလက်ဟန်ခြေဟန်ပြဆက်သွယ်ရေးနည်းလမ်းများကိုအသုံးပြုကာ ကလေး များ နှင့် ဆက်သွယ်လာနိုင်မည်။ (သင်ခန်းစာ ၄ အတွက်)
• အကြားအာရုံချို့ယွင်းသောကလေးများအားလူတိုင်းအကျုံးဝင်သင်ကြားရေးနည်းလမ်းအမျိုးမျိုးကိုအ သုံးပြုပြီးပင်မကျောင်းတွင်လူတိုင်းအကျုံးဝင်သင်ယူပျော်ပတ်ဝန်းကျင်တစ်ခုဖန်တီးလာနိုင်မည်။ (သင်ခန်းစာ ၅ အတွက်)