ဤသင်တန်းသည် "လုပ်ငန်းခွင်အကြို ဆရာအတတ်ပညာအစီအစဉ် - ဆရာများအတွက် တတိယနှစ်၊ ဒုတိယစာသင်နှစ်ဝက် အွန်လိုင်းသင်တန်း" ၏ အစိတ်အပိုင်းတစ်ခုဖြစ်သည်။ 

ဤ တတိယနှစ်၊ ဒုတိယစာသင်နှစ်ဝက် အွန်လိုင်းသင်တန်းတွင်

• မော်ဂျူး ၁။ ပညာရေးဒဿနများနှင့် ပညာရေးအပေါ်၎င်းတို့၏ သက်ရောက်မှုများ
• မော်ဂျူး ၂။ စစ်ဆေးအကဲဖြတ်‌ခြင်း - စစ်ဆေးအကဲဖြတ်မှု ကိရိယာများ ပြုစုရေးဆွဲခြင်းနှင့် တတ်မြောက်မှုကို ဆန်းစစ်လေ့လာခြင်း
• မော်ဂျူး ၃။ လူတိုင်းအကျုံးဝင်သော သင်ယူမှုဝန်းကျင်များ
• မော်ဂျူး ၄။ သင်ကြား၊ သင်ယူမှုတွင် နည်းပညာကိုအသုံးပြုခြင်း
  
• မော်ဂျူး ၅။ ဆရာအတတ်ပညာ စဉ်ဆက်မပြတ် ဖွံ့ဖြိုးတိုးတက်မှုနှင့် လက်တွေ့သင်ကြား

ဟူ၍ မော်ဂျူး (၅) ခုပါဝင်ရာ ယခု သင်တန်းတွင် မော်ဂျူး (၁)  ကို အသေးစိတ် လေ့လာရမည်ဖြစ်ပါသည်။ မော်ဂျူး (၁) တွင် လေ့လာရမည့် အကြောင်းအရာများမှာ အောက်ပါအတိုင်း ဖြစ်ပါသည် -

မော်ဂျူး (၁)

• မော်ဂျူး (၁.၁) ပညာရေးဒဿနများနှင့် ပညာရေးအပေါ် ၎င်းတို့၏ သက်ရောက်မှုများ
  • ဒဿနိကဗေဒ၏ သဘောသဘာဝ
  • ဒဿနိကဗေဒ၏ ဘာသာရပ်အခွဲများ
  • ဒဿနိကဗေဒ၏ သမိုင်းအကျဉ်း
  • ဆိုကရေးတီးဟန် မေးခွန်းမေးမြန်းခြင်း (ဆိုကရေးတီးဟန် ဆွေးနွေးမှု)
  • ဒဿနိကဗေဒနှင့် ပညာရေးကို ဆက်စပ်ခြင်း
  • အဓိကကျသော ဒဿနများကို ခိုင်မာစွာ နားလည်စေခြင်း
  • ဆရာဗဟိုပြုသည့် ပညာရေး သီအိုရီများ 
  • ကျောင်းသားဗဟိုပြုသည့် ပညာရေး သီအိုရီများ
  • ပညာရေးဒဿနနှင့် ရွေးချယ်မှုပဓာနဝါဒ (Eclecticism)
• မော်ဂျူး (၁.၂) လူတစ်ဦးချင်းစီနှင့် စနစ်များ၏ ပညာရေးဒဿနများ
  • သင်ယူမှုဆိုင်ရာ အခြေခံသဘောတရားများရှိ ဒဿနိကဗေဒဆိုင်ရာ ယူဆချက်များ
  • သင်ကြားမှုနှင့် ဒဿနိကဗေဒဆိုင်ရာ ချဉ်းကပ်နည်းများ

ဤသင်တန်းပြီးမြောက်သည့်အခါ ဆရာ၊ ဆရာမတို့အနေဖြင့် လုပ်ငန်းခွင်အကြိုဆရာအတတ်ပညာအစီအစဉ် တတိယနှစ်၊ ဒုတိယစာသင်နှစ်ဝက် သင်ရိုးညွှန်းတမ်းကို ထိရောက်စွာ သင်ကြားပေးနိုင်မည့် တတ်ကျွမ်းမှုများ ပိုမိုရရှိလာရန် ဖြစ်ပါသည်။

ဤသင်တန်းပြီးမြောက်သည့်အခါ ဆရာ၊ ဆရာမများသည် -

• တတိယနှစ်၊ ဒုတိယစာသင်နှစ်ဝက်၊ ဘာသာရပ်အထူးပြုလမ်းကြောင်းအသီးသီးတွင်ပါဝင်သည့် ဘာသာရပ်များ/သင်ယူမှုနယ်ပယ်များကို သင်ကြားရာတွင် အဓိကကျသည့် ပညာရေးစိတ်ပညာ၊ ပညာရေးအတွေးအခေါ်များနှင့် ပညာရေးသဘောတရားများကို သိရှိနားလည်လာမည်။
• မူလတန်းအောက်အဆင့်နှင့် အလယ်တန်းအောက်အဆင့်ကျောင်းများတွင် ကျောင်းသားများ၏ သင်ယူမှုကို ထိရောက်စွာပံ့ပိုးပေးနိုင်ရန် သင်ခန်းစာများသင်ကြားရာ၌ ပညာရေးဆိုင်ရာ စစ်ဆေးအကဲဖြတ်ခြင်းတွင် ၎င်းတို့၏ အသိပညာနှင့် ကျွမ်းကျင်မှုများကို အသုံးချတတ်မည်။ 
• မူလတန်းအောက်အဆင့်နှင့် အလယ်တန်းအောက်အဆင့်ကျောင်းရှိ စာသင်ခန်းများတွင် ယဉ်ကျေးမှုဆိုင်ရာ မတူကွဲပြားမှုကို တိုးမြှင့်ခြင်းနှင့် ကျောင်းသားများ၏ အမူအကျင့်များကို ထိရောက်စွာစီမံခန့်ခွဲခြင်းဖြင့် ၎င်းတို့၏ ဘေးကင်းလုံခြုံမှုနှင့် ကိုယ်စိတ်နှစ်ဖြာကျန်းမာသုခရှိမှုကို သေချာစေပြီး လူတိုင်းအကျုံးဝင်သော သင်ယူမှုဝန်းကျင်ကို ဖန်တီးတတ်မည်။ 
• စာသင်ခန်းတွင် လူတိုင်းအကျုံးဝင်မှုရှိပြီး အသစ်တီထွင်ဖန်တီးမှုရှိသော သင်ယူမှုဝန်းကျင်ကို ဖန်းတီးရန် ပညာရေးဆိုင်ရာ နည်းပညာကို အသုံးချတတ်မည်။
• ထိရောက်သော ဆရာများဖြစ်လာစေရန်အတွက် တာဝန်ဝတ္တရားများနှင့် ခေါင်းဆောင်မှုဆိုင်ရာ အရည်အသွေးများကို လက်ခံယုံကြည်ပြီး ကျင့်ဝတ်စည်းကမ်းများကို လိုက်နာကာတစ်ဦးချင်းနှင့် စုပေါင်းဆောင်ရွက်ရသော ချဉ်းကပ်နည်းများမှတစ်ဆင့် ဆရာအတတ်ပညာဆိုင်ရာ စဉ်ဆက်မပြတ် ဖွံ့ဖြိုးတိုးတက်ရေး (CDP) တွင် ပါဝင်ဆောင်ရွက်တတ်မည်။
• စာသင်ခန်းများရှိ မတူကွဲပြားသောသင်ယူသူများ၏ လိုအပ်ချက်များနှင့် ကိုက်ညီသော အမျိုးမျိုးသော သင်ကြားမှုနည်းလမ်းများနှင့် စစ်ဆေးအကဲဖြတ်ခြင်းနည်းများကို အသုံးချပြီး တတိယနှစ်၊ ဒုတိယစာသင်နှစ်ဝက် ဘာသာရပ်များ/သင်ယူမှုနယ်ပယ်များကို သင်ကြားရန် အစီအစဉ်ရေးဆွဲ ပြင်ဆင်တတ်မည်။