ဤသင်တန်းသည် "လုပ်ငန်းခွင်အကြို ဆရာအတတ်ပညာအစီအစဉ် - ဆရာများအတွက် ဒုတိယနှစ်၊ ဒုတိယစာသင်နှစ်ဝက် အွန်လိုင်းသင်တန်း" ၏ အစိတ်အပိုင်းတစ်ခုဖြစ်သည်။ 

ဤ ပထမနှစ်၊ ဒုတိယစာသင်နှစ်ဝက် အွန်လိုင်းသင်တန်းတွင်

• မော်ဂျူး ၁။ မြန်မာနိုင်ငံ၏ ပညာရေးစနစ်နှင့် သင်ရိုးညွှန်းတမ်းလုပ်ငန်းစဉ်များအပေါ် ပြန်လည်သုံးသပ်ခြင်း
• မော်ဂျူး ၂။ ပညာရေးသဘောတရားနှင့် ပညာရေးသီအိုရီ
• မော်ဂျူး ၃။ စစ်ဆေးအကဲဖြတ်ခြင်း
• မော်ဂျူး ၄။ ပံ့ပိုးကူညီမှုနှင့် ဘေးကင်းလုံခြုံမှုရှိသော ပတ်ဝန်းကျင်
  
• မော်ဂျူး ၅။ ဆရာအတတ်ပညာ ကျွမ်းကျင်မှု

ဟူ၍ မော်ဂျူး (၅) ခုပါဝင်ရာ ယခု သင်တန်းတွင် မော်ဂျူး (၁)  ကို အသေးစိတ် လေ့လာရမည်ဖြစ်ပါသည်။ မော်ဂျူး (၁) တွင် လေ့လာရမည့် အကြောင်းအရာများမှာ အောက်ပါအတိုင်း ဖြစ်ပါသည် -

မော်ဂျူး (၁)

• မော်ဂျူး (၁.၁) ပညာရေးပြုပြင်ပြောင်းလဲမှုနှင့် အလယ်တန်းကျောင်း
  • ကျောင်းသင်ပညာရေးစနစ်ဖွဲ့စည်းပုံကို ပြုပြင်ပြောင်းလဲခြင်း
  • ဆရာများအနေဖြင့် ပြင်ဆင်ထားရန် လိုအပ်သည့်အချက်များ

• မော်ဂျူး (၁.၂)ရေရှည်တည်တံ့သော ဖွံ့ဖြိုးတိုးတက်မှုကိုဖော်ဆောင်သော ပညာရေး (ESD) နှင့် လူ့အခွင့်အရေးဆိုင်ရာပညာရေး
  • ESD ၏ အဓိပ္ပာယ်ဖွင့်ဆိုချက်များ၊ အညွှန်းဘောင်များ၊ ရေရှည်တည်တံ့မှုဆိုင်ရာ ကိစ္စရပ်များနှင့် ရင်းမြစ်များ 
  • EPSD/ESD  ဆိုင်ရာ တတ်ကျွမ်းမှုများ၊ သင်နည်းဗေဒများနှင့် တစ်ကျောင်းလုံးလွှမ်းခြုံချဉ်းကပ်နည်း
  • အခြေခံပညာအလယ်တန်းအဆင့်ရှိ  လူ့အခွင့်အရေးဆိုင်ရာပညာရေး

• မော်ဂျူး (၁.၃) ဘက်စုံပေါင်းစပ်ထားသော သင်ရိုးညွှန်းတမ်းပုံစံ
  • ဘက်ပေါင်းစုံ ပေါင်းစပ်ပါဝင်သည့် ဆရာအတတ်ပညာရေး
    

ဤသင်တန်းပြီးမြောက်သည့်အခါ ဆရာ၊ ဆရာမများအနေဖြင့် လုပ်ငန်းခွင်အကြို ဆရာအတတ်ပညာအစီအစဉ် ဒုတိယနှစ်၊ ဒုတိယစာသင်နှစ်ဝက် သင်ရိုးညွှန်းတမ်းကို ထိရောက်စွာ သင်ကြားပေးနိုင်မည့် တတ်ကျွမ်းမှုများ ပိုမိုရရှိလာစေရန် ဖြစ်ပါသည်။

ဤသင်တန်းပြီးမြောက်သည့်အခါ ဆရာ၊ ဆရာမများသည်_

• မြန်မာနိုင်ငံရှိ ကျောင်းပညာရေးစနစ်ပြုပြင်ပြောင်းလဲမှုများအပေါ် ပြန်လည်သုံးသပ်ပြီး အဆိုပါအပြောင်းအလဲများကိုလိုအပ်ရသည့် အကြောင်းရင်းများကို ဖော်ထုတ်နိုင်မည်။
• လုပ်ငန်းခွင်အကြို ဆရာအတတ်ပညာ သင်ရိုးညွှန်းတမ်းသစ်ကိုအသုံးပြု၍ မြန်မာ့လူမှုရေးနှင့် စီးပွားရေးဆိုင်ရာတောင်းဆိုချက်များအပေါ် ကိုင်တွယ်ဖြေရှင်းရန်ရည်ရွယ်ထားသည့်နည်းလမ်းများကို ဖော်ပြနိုင်မည်။
• ‘သင်ယူ-အသုံးချ-ပြန်လည်သုံးသပ်ခြင်း’ နည်းလမ်းသည် တတ်ကျွမ်းမှုအခြေပြုသင်ရိုးညွှန်းတမ်းတွင် မရှိမဖြစ် အစိတ်အပိုင်းတစ်ရပ်အနေဖြင့် မည်ကဲ့သို့ပါဝင်နေကြောင်း ဖော်ပြနိုင်မည်။
• အသိစိတ်နှင့်တတ်ကျွမ်းမှုချိတ်ဆက်ခြင်းပြလေ့လာမှုပုံစံနှင့် ၎င်းပုံစံသည် ပြန်လည်သုံးသပ်ခြင်းအလေ့အထအပေါ် မည်သို့သက်ရောက်မှုရှိသည်ကို ရှင်းပြနိုင်မည်။
• ICT နှင့် ဒီဂျစ်တယ်နည်းပညာ တတ်မြောက်မှု၊ အားလုံးအကျုံးဝင်မှုနှင့် သင်ယူရအဆင်ပြေသော ‌စာသင်ခန်းများကိုဖန်တီးရာတွင် ထားရှိရမည့် တန်ဖိုးထားမှုများ အစရှိသည့် ကျွမ်းကျင်မှုများကိုတိုးတက်အောင် ကြိုးပမ်းလုပ်ဆောင်ရာတွင် ပြန်လည်သုံးသပ်ခြင်းအလေ့အထက မည်သို့သက်ရောက်မှုရှိသည်ကို ရှင်းပြနိုင်မည်။
• ဒုတိယနှစ်၊ ဒုတိယစာသင်နှစ်ဝက် သင်ရိုးညွှန်းတမ်းရှိ အချို့သောဘာသာရပ်များတွင် EPSD/ ESD သင်ကြားနည်းဆိုင်ရာ လုပ်ငန်းစဉ်များနှင့် သင်နည်းဗေဒများကို ထည့်သွင်းတတ်မည်။
• သင်ယူသူများသည် ကျောင်းရှိဆရာများအပြင် ကျောင်းဝန်ထမ်းများနှင့် သင်ယူသူအချင်းချင်းထံမှသာမက ၎င်းတို့၏ ပတ်ဝန်းကျင်မှပါ ယဉ်ကျေးမှုဆိုင်ရာစံနှုန်းများ၊ တန်ဖိုးထားမှုများနှင့် အပြုအမူများကို အတုယူလေ့လာကြောင်း နားလည်သဘောပေါက်ပြီး ပညာရေးမူဝါဒနှင့် စီမံကိန်းများ ပြုစုရေးဆွဲရာတွင် တစ်ကျောင်းလုံးလွှမ်းခြုံချဉ်းကပ်နည်းကို လိုအပ်ကြောင်းနားလည်လာမည်။
• တစ်ကျောင်းလုံးလွှမ်းခြုံချဉ်းကပ်မှုနှင့်အညီ သင့်ကျောင်းအတွက် အသုံးချနိုင်သည့် ငြိမ်းချမ်းရေးနှင့် ရေရှည်တည်တံ့မှုဆိုင်ရာ စီမံကိန်းများကို သတ်မှတ်ဖော်ထုတ်တတ်မည်။
• ကျောင်းသင်ယူမှုတွင် ESD အကြောင်းအရာပေါင်းစပ်ထည့်သွင်းခြင်းကို လမ်းညွှန်ရန်အတွက်အသုံးပြုသည့် အဓိပ္ပာယ်ဖွင့်ဆိုချက်များနှင့် အညွှန်းဘောင်များကို ပြန်လည်သုံးသပ်တတ်မည်။ 
• လုပ်ငန်းခွင်အကြိုဆရာအတတ်ပညာသင်ရိုးညွှန်းတမ်းတွင်ပါဝင်သော အင်္ဂါရပ်များနှင့် အခြေခံမူများကို ပြန်လည်သုံးသပ်တတ်မည်။ 
• ဘက်စုံပေါင်းစပ်ထားသော သင်ရိုးညွှန်းတမ်းပုံစံအတွက် မတူညီသောချဉ်းကပ်နည်းများနှင့် ၎င်းတို့ကိုအဘယ်ကြောင့်လိုအပ်ကြောင်း ရှင်းပြတတ်မည်။ 
• သင်၏သင်ခန်းစာ/အခန်းအတွက် သင်ပြမှုပုံစံပြင်ဆင်ရာတွင် ဘက်စုံပေါင်းစပ်ထားသော ဘာသာရပ်ဆိုင်ရာ သင်ရိုးညွှန်းတမ်းရေးဆွဲမှုပုံစံအပေါ် နားလည်သဘောပေါက်မှုကို အသုံးချတတ်မည်။