Myanmar Teacher Platform

သင်တန်းအကြောင်းအရာ ဖော်ပြချက်

အိတ်ချ်အိုင်ဗီ အေအိုင်ဒီအက်(စ်) လိင်မှု နှင့် မျိုးဆက်ပွား ကျန်းမာရေး အွန်လိုင်သင်ခန်းစာမှ ကြိုဆိုပါသည်။ဤအွန်လိုင်းသင်ခန်းစာကို  United Budget Result and Accountability Framework ၏ ရန်ပုံငွေ ပံ့ပိုး မှု ဖြင့် ယူနက်စကိုမှ  စီစဉ်ခဲ့ပြီး၊ ကျန်းမာရေး အ ကြံပေး ဒေါက်တာ နေဝင်း ဟောပြော ပို့ချ သည့် သင်ခန်းစာများ ပါရှိပါသည်။ သင်ခန်းစာကို အောက်ဖော်ပြပါ မော်ဂျူး ၃ ခု ဖြင့် ဖွဲ့စည်းထားပြီး၊  နိုင်ငံတကာ လိင်မှုပညာရေး လမ်းညွှန်ချက်များ နှင့် ကိုက်ညီစွာ ပြုစုထားပါသည်။

မော်ဂျူး(၁) ကျန်းမာ ပျော်ရွှင် ဘဝသံစဉ်

မော်ဂျူး(၂) လိင်မှုနှင့် မျိုးဆက်ပွားကျန်းမာရေး

မော်ဂျူး(၃) အိတ်ချ်အိုင်ဗီ အေအိုင်ဒီအက်(စ်)

မော်ဂျူး တစ်ခုစီ၏ အဆုံးတွင် သင်တန်း ပြီးမြောက်ကြောင်း လက်မှတ် ထုတ်ယူရန် အတွက် မေးခွန်းများကို ဖြေဆိုရမှာ ဖြစ်ပါသည်။

ဤအွန်လိုင်းသင်တန်းကို သင်တန်း ပြီးဆုံးသည် အထိ မိမိ နှစ်သက်ရာ အချိန်တွင် အချိန်ယူ လေ့လာနိုင်ပါသည်။ မိမိ တစ်ဦးတည်း လေ့လာနိုင်သလို လုပ်ဖော်ကိုင်ဖက်၊ သူငယ်ချင်းများ နှင့် လည်း Discussion Session တွင် ဆွေးနွေးပြီး လေ့လာ နိုင်ပါသည်။

သင်တန်းရည်ရွယ်ချက်များ

ယေဘုယျအား ဖြင့် ဤသင်တန်း သည် လူငယ်လူရွယ်များနှင့် ဆရာ၊ဆရာမများ အတွက် အခြေခံ လိင်မှု နှင့် မျိုးဆက်ပွားဆိုင်ရာ ဗဟုသုတများ ရရှိစေရန် ၊ လိင်မှု နှင့် မျိုးဆက်ပွား ကျန်းမာရေးဆိုင်ရာ ပြသနာများမှ ရှောင်ရှားနိုင်စေရန် နှင့် လူကြီးဘဝကို ကျန်းမာ ပျော်ရွှင်စွာ ပုံဖော်နိုင်စေရန် ရည်ရွယ်ပါသည်။

သင်ယူမှုရလဒ်များ

မော်ဂျူး (၁) ပြီးဆုံးပါက သင်ယူသူများသည်

• ပြီးပြည့်စုံသော  လိင်မှုဆိုင်ရာ ပညာရေး အကြောင်းအရာများကို ဖော်ထုတ်တတ်မည်။
• ပေါင်းသင်းဆက်ဆံရေး အမျိုးမျိုးကို နားလည် သဘောပေါက်မည်။
• ကျားမ လူမှု ကွဲပြားပုံနှင့် လူမှုရေး စံနှုန်းများ အကြောင်းကို နားလည်သဘောပေါက်မည်။
• ကျားမ အခြေပြု အကြမ်းဖက်ပုံစံ အမျိုးမျိုးနှင့် ကျားမ တန်းတူညီမျှမှု ရရှိရေးကို တန်ဖိုးထားတတ်လာမည်။
• မူးယစ်ဆေးအန္တရာယ်ကို ကောင်းစွာသိရှိပြီး၊ကာကွယ်တတ်လာမည်။
• မီဒီယာကို အန္တရာယ်ကင်းစွာ အသုံးချတတ်လာမည်။
• ကောင်းမွန်သော ဆုံးဖြတ်ချက်များ အတွက် မှန်ကန်သော တန်ဖိုးထားမှုများ လိုအပ်ကြောင်းသိရှိလာမည်။ 

အကဲဖြတ်ခြင်းနှင့် သင်ယူပြီးမြောက်ကြောင်းလက်မှတ်

သင်တန်းပြီးဆုံးကြောင်းလက်မှတ်ရရှိရန်၊ သင်ခန်းစာများ၊ ပဟေဋ္ဌိများနှင့် အကဲဖြတ်မှုအားလုံးကို ပြီးဆုံးအောင်လုပ်ဆောင်ရန် လိုအပ်သည်။

အဆင့်သတ်မှတ်ခြင်းနှင့် သုံးသပ်ချက်များ (5 - Best, 1 - Worst)

အဆင့်သတ်မှတ်ရန်နှင့် ပြန်လည်သုံးသပ်ရန် ကျေးဇူးပြု၍ စနစ်သို့ ဝင်ပါ