Myanmar Teacher Platform

Home
E-learning
Courses
ပွမကၠိုဟ်ခၠၚ် လတူကွးဘာဂမၠိုၚ် (Mon)

ပွမကၠိုဟ်ခၠၚ် လတူကွးဘာဂမၠိုၚ် (Mon)

Certified 5 hour(s) 0 enrollment(s) 18 lecture(s) 6 quizz(es) 126 view(s)

No Rating Yet

Course Description

သွက်ညးမဒှ်အာစာဂမၠိုၚ်. ဍာ်ဒကေဝ်မကလိဂွံလဝ် နူတန်ဗတောန်တအ်ဂှ် သွက်သ္ဂောံသုၚ်စောဲ အာကီု၊ သွက်သ္ဂောံ ဖန်ဗဒှ်ကဵု ကပေါတ်အရပ်အစပ် မဒှ်တဴ အထံက်အပၚ် ဗွိုၚ်ကတ်လ္ၚတ် မနွံပၟိက်ဂမၠိုၚ်ကီု၊ သီုကဵု သ္ဂောံဗ္တောန်အာကဵု ကုကွးဂမၠိုၚ် မဒှ်တဴအရာ မၞုံပၟိက်တဴပ္ဍဲလောကဏအ်ကီု ညံၚ်သ္ဂောံဒှ်အာ အထံက်အပၚ် ပ္ဍဲအရာ ပၜှ်ပလှ်တဴ ဍာ်ဒကေဝ် ပရေၚ်ကတ်လ္ၚတ်ဂမၠိုၚ်တအ်ကီုတုဲ မဒးဖန်ဗဒှ် ချူဓဇက်လဝ် အပိုၚ်အခြာတန်ဗတောန် မၞုံယၟုမ္ဂး “ပွမကၠိုဟ်ခၠၚ်တဴ လတူကွးဘာဂမၠိုၚ်” ဝွံရောၚ်။ ပ္ဍဲကဵုတန်ဗတောန်ဝွံ ဂကောံ မဝ်ဂျူ မစၞောန်ထ္ၜးလဝ် ဗွဲသၟဝ်ဂမၠိုၚ် မပါလုပ်တဴရ။

မဝ်ဂျူ ၁။ ပွမတီတဴ ပရောကွးဘာဂမၠိုၚ်

၁.၁။ သဇိုၚ်မူဝါဒ ပွမကတ်လ္ၚတ်ဂမၠိုၚ်

၁.၂။ ပွမကတ်လ္ၚတ် တိုက်ရိုက် ကေုာံ ပွမဒုၚ်ကတ်လ္ၚတ် နူအ္စာ

၁.၃။ အရာမၞုံပၟိက်ပ္ဍဲအရာကတ်လ္ၚတ် ကေုာံ တၚ်တၟေၚ်ကွးဘာဂမၠိုၚ်

မဝ်ဂျူ ၂။ တၚ်ပလေဝ်ပလေတ် ညးကတ်လ္ၚတ် ပ္ဍဲအခိၚ်မနွံကဵုတၚ်ကော်ဆောဂမၠိုၚ်

၂.၁။ ဂကူစိုတ်က္ဍန်ဂြက်နာနာ ကေုာံ ပွမတဝ်စၞေဟ်ကဵု တၚ်ခက်ခုဲဂမၠိုၚ်

၂.၂။ နယ်ကယ်သၠုၚ် ဍာ်ဒကေဝ်စိုတ်ဓာတ် နူမာတ်သလိုဝ်( Maslow)

၂.၃။ ပွမသောၚ်ကလးတဴ တၚ်ဆိုအ်ဗ ပ္ဍဲအရာကတ်လ္ၚတ်ဂမၠိုၚ်

တၚ်ဏှ် ဂလာန်သုၚ်စောဲဂမၠိုၚ်

ပွမကတ်လ္ၚတ်ဗွဲတိုက်ရိုက်၊ အခေါၚ်အရာကၠောန်ဗဒှ်၊ တၚ်ဆိုအ်ဗ ပ္ဍဲအရာကတ်လ္ၚတ်ဂမၠိုၚ်၊ ပံၚ်ကောံတုဲပွမကတ်လ္ၚတ်၊ (တန်တဴကဵု အကာဲအရာတုဲ) ပွမကတ်လ္ၚတ်တဴဗွဲတၟေၚ်တၞဟ်ခြာ ၊ ပွမကတ်လ္ၚတ် ဗွဲမၞုံကဵုဂုဏ်ဖဵု၊ ပွစိုတ် ဒှ်တသိုက်၊ ပၟိက်မိက်သ္ဂောံ ဒုၚ်သ္ပရှ်ေသှ်ေ၊ ပွမတးပဲါ၊ ဂလာန်ကဵုကသပ်၊ ပွမပါလုပ်မွဲကရောံ၊ တသိုက်စိုတ်၊ သဇိုၚ်မူဝါဒ ပွမကတ်လ္ၚတ်ဂမၠိုၚ်၊ နယ်ပြာပ်လုပ်ဗတောန် ပတဝ်က္ဍိုပ်ကဵု ညးကတ်လ္ၚတ်၊ ပၟိက်မိက်သ္ဂောံ ဒုၚ်ဆာန်ကၟိန်ကေုာံ မိက်သ္ဂောံပိုၚ်ပြဳ၊ ပွမဒုၚ်ကတ်လ္ၚတ် နူအ္စာ၊ ပၟိက်မဆေၚ်စပ်ကဵု တၟေၚ်ဇဳဝကမ္မဂမၠိုၚ်၊ ပွမဗ္ဒဗ္ဒဲါတဴ ကေုာံ ရေၚ်သ္ကအ် ဗွဲမမိပ်မြဟ်၊ ပွမကလေၚ် သ္ၚေဝ်ဂၠိပ်ဂမၠိုၚ်၊ ပွမၞုံကဵု ဓရ်ဒုၚ်စရၚ်မာန်၊ ပွမၞုံကဵု တၚ်ဂၞၚ်ရိုဟ်ကၞက်သ္ဂောံကတ်လ္ၚတ် ဗွဲမဂၠိုၚ်ဂၠၚ်၊ မၞုံပၟိက်တဴ ပွဟွံမွဲကဵုဘဲ၊ ပၟိက် မိက်သ္ဂောံသၠုၚ်ပတိုန်အစောန်စရာဲဍာ်ဒကေဝ်ဇကုဇကု၊ ပွဳဗွိုၚ်မလေပ်ဒှ်တဴ အထံက်အပၚ်၊ သၚ်ရိုဟ်တဴ ပွမကတ်လ္ၚတ်၊ အရာမလေပ်က္တဵုဗဒှ်ကဵု ပွစိုတ်မက္ဍန်ဂြက်၊ ဂျိ ကေုာံ လလေၚ်ဖဵု မလေပ်က္တဵုဗဒှ်ကဵု ပွစိုတ်မက္ဍန်ဂြက်၊ တသိုက်စိုက်ကာယဂမၠိုၚ်။

တန်ဗတောန်ဝွံ နကဵုဘာသာကောန်ဍုၚ်အရၚ်ဗွဲသၟဝ်ဝွံလေဝ် တိုန်စိုပ်ကတ်လ္ၚတ်မာန်ကီုရ။

NA SANGNAUPANGTE THEIHTELNA (Zolai - the language of Zomi) - https://mmteacherplatform.net/en/e-learning/courses/p-class-msonormal-style-text-align-justify-line-height-115-span-lang-en-gb-style-font-size-16pt-line-height-115-font-family-roboto-sangnaupangte-telna-zolai-the-language-of-zomi-nbsp-span-span-lang-en-gb-style-font-size-14-0pt-line-height-115-font-family-quot-times-new-roman-quot-serif-mso-fareast-font-family-quot-times-new-roman-quot-color-2f5496-o-p-o-p-span-p

Ng’thei ci gui hnguh-hmat K’shing K’chanak (Classic K'Cho) - https://mmteacherplatform.net/en/e-learning/courses/ng-thei-ci-gui-hnguh-hmat-k-shing-k-chanak-without-tone

Ng’thei ci gui hnguh-hmat K’shing K’chanak (Modern K'Cho) - https://mmteacherplatform.net/en/e-learning/courses/p-k-cho-understanding-your-students-p

တၢ်သ့ၣ်ညါနၢ်ပၢၢ် နၦၤကၠိဖိတဖၣ်အဂ့ၢ် (S'gaw) - https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-t-atth-atnyan-atp-at-n-k-ipaitpa-atag-at-course-1-s-gaw-font-br-p

ၥ့ၪယၫနၪၥ့ၪ ဆၧမၩလိၪဖိၪလဖၪ (Pwo) - https://mmteacherplatform.net/en/e-learning/courses/p-span-style-font-family-pyidaungsu-y-n-sa-m-li-pai-lpa-span-br-p

Jawngma Ni A Ntsa Chyena Ai Lam (Jinghpaw) https://mmteacherplatform.net/en/e-learning/courses/p-jawngma-ni-a-ntsa-chyena-ai-lam-nbsp-p

Understanding your students (English) - https://mmteacherplatform.net/en/e-learning/courses/div-understanding-your-students-div

သင်ယူသူများကို သိရှိနားလည်ခြင်း (Myanmar) - https://mmteacherplatform.net/en/e-learning/courses/p-span-style-font-family-pyidaungsu-span-font-face-pyidaungsu-thinyuthumyaako-thiyahinalikhyin-font-br-p

Course Objectives

တန်ဗတောန်ဏအ်ဝွံ သွက်အာစာဂမၠိုၚ်မ္ဂး စေဝ်ပၞောန်မဆက်စပ်တအ်ဂှ် ကၠိုဟ်ခၠၚ်တုဲ သ္ဂောံပကတ်ပကေၚ်အာမာန်ကီု ၊ နယ်ကယ် သ္ဂောံလုက်စုက်ကဵုကွးဘာကီု သီုကဵုနယ်ကယ် သ္ဂောံကၠိုဟ်ခၠၚ်သဘာဝကွးဘာဂမၠိုၚ်ဂှ် ညံၚ်ဂွံတီကၠိုဟ်ကၠုၚ်မာန်ဂှ် ရန်တၟအ်တုဲ ဖန်ဗဒှ်လဝ်ရ။

Learning Outcomes

ပ္ဍဲကဵုလအိတ်တန်ဗတောန်ဏအ်ဝွံ အ္စာဂမၠိုၚ်တအ်ဂှ် သၟဟ်အစောံတဴ တၞဟ်နဂွံသ္ပ -

သဇိုၚ်မူဝါဒပွမကတ်လ္ၚတ်ဂမၠိုၚ် ကေုာံ ပွမကတ်လ္ၚတ် ညံၚ်ဂွံမၞုံကဵုဂုဏ်ဖဵုတအ်ဂှ် ဆက်ဗစပ်လေပ်ကၠုၚ်ရောၚ်။
ပ္ဍဲကဵုခန်ဗတောန်လိက်ဝွံ သဇိုၚ်မူဝါဒပွမကတ်လ္ၚတ်တအ်ဂှ် နကဵုဥပမာနကဵု ဥပမေယျ ပွမပါ်တၟေၚ်ပတိတ်ထၜးလေပ်ကၠုၚ်ရောၚ်။
ပွမကတ်လ္ၚတ် ဗွဲတိုက်ရိုက် ကေုာံ ပွဒုၚ်ကတ်လ္ၚတ် နူအာစာတအ်ဂှ် ပါ်တၟေၚ်လေပ်ကၠုၚ်တုဲ နူကဵုအကာဲအရာကတ်လ္ၚတ်နာနာတအ်ဂှ် လၟေၚ်ကမၠောန်ပါ်ပဲါ သ္ၚေဝ်ဂၠိပ်တအ်ဂှ်လေဝ် ကၠောန်လေပ်ကၠုၚ်ရောၚ်။
ကွးဘာ ပ္ဍဲခန်ဗတောန်လိက်တအ်ဂှ် နနယ်သာ်လဵု ကတ်လ္ၚတ်တဴဒၟံၚ်အိုတ်ကီု ပရေၚ်ဍေံတအ်ကတ်လ္ၚတ် ညံၚ်သ္ဂောံအာစိုပ်ဒတုဲဂှ် မုဒးသ္ပထေက်ကီု ရဴသာ်ဝွံ ညံၚ်သ္ဂောံ ကၠိုဟ်ခၠၚ်တဴ လၟေၚ်ကမၠောန် ကတ်လ္ၚတ်ကီု
တၚ်ဂွံဇြဟတ် ပ္ဍဲအရာကတ်လ္ၚတ်ကီု သီုကဵု တၚ်ပလေဝ်ပလေတ် သွက်သ္ဂောံကတ်လ္ၚတ်တအ်ဂှ်နကဵုဗီုပြၚ်ဥပမာ ဒးလဴထၜး သောၚ်ကလးကဵုရ။
ပရေၚ်စိုတ်က္ဍန်ဂြက် ပလေပ်ဇီုကပိုက်တဴကွးဘာဂမၠိုၚ် ပ္ဍဲကဵုဗဒမ်ဗတောန်လိက်တအ်ဂှ် ဒးကၠဟ်ပတိတ်ရောၚ်။
သ္ဒးစၟဳစၟတ်တဴ ဒဒှ်ရ အာစာဂမၠိုၚ် မၚ်ခါတ်အကာဲအရာကွးဘာတအ်တုဲ ပွမကလၚ်တဴ ရမျာၚ်ကွးဘာဂမၠိုၚ် ဗွဲမဇပ်ဍပ်ဂှ် ကိစ္စဇၞော်ရောၚ်ဂှ်ရ။
သ္ဒးစၟဳစၟတ်တဴ နယ်ကယ်သၠုၚ်ဍာ်ဒကေဝ်စိုတ်ဓာတ် နူမာတ်သလိုဝ်(Maslow) သွက်သ္ဂောံ သောၚ်ကလးတဴ တၚ်ဆိုအ်ဗပ္ဍဲအရာကတ်လ္ၚတ်ကီု သီုကဵုပရေၚ်စိုတ်က္ဍန်ဂြက်ကွးဘာဂမၠိုၚ်တအ်ဂှ်ရ။
ပွမဓမံက်ပတိတ် တၚ်ဆိုအ်ဗ ပရေၚ်ကတ်လ္ၚတ်တၞဟ်ဟ်တအ်ကီု မက္တဵုဒှ် ပ္ဍဲကာလကာပြဟ်က္တဵုဒှ်ကီု သီုကဵုကာလဒးဇီုကပိုက်ဘဲကပ်ဂမၠိုၚ်တအ်ဂှ်ရ။
ပွမဓမံက်ပတိတ် အၚ်္ဂလက်သဏ် မဂရုက္တဵုစိုတ်ဓာတ်ကီု သီုကဵုပွဳဗွိုၚ် မလေပ်ဒှ်တဴအထံက်အပၚ် သွက်သ္ဂောံကတ်လ္ၚတ်ရ။
အဝယ်လစှ်ေပရေၚ်ဆက်ဆောံမၞိဟ်မဒှ်တဴ တၚ်အဓိကတအ်ဂှ်ကီု ပရေၚ်ချဳဒရာၚ် ပွမကတ်လ္ၚတ်နကဵုစိုတ်ဒုၚ်စသိုၚ်တအ်ဂှ် နနယ်သာ်လဵုသ္ဂောံဒှ်အထံက်အပၚ်ရောဂှ် ဒးဓမံက်ပတိတ်ရောၚ်။